Saray Hebreo 10:7 - Maung A Balita Biblia

⁷ Insan inkuanko, ‘Nia ak, O Dios! Sipaparaan ak a mangonur na linawam onung na nisulat nipaakar ed siak diad libroy Ganggan.’”

Maung a Balita Biblia

⁷ Insan inkuanko, Nia ak, O Dios! Sipaparaan ak a mangonur na linawam onung na nisulat nipaakar ed siak diad libroy Ganggan.

Saray Hebreo 10:7 Iomraidhean Croise

Genesis 3:15

Pambosulan ta ka tan samay bii; mambosulan lawas so anak mo tan say anak to. Temeken na anak to so olom tan ketketen mo so mokur da.”

Esdras 6:2

Balet diad siudad na Ecbatana diad luyag na Media so akarumogan na sakey a babasaen a nilokut ya akapangisulatan na onggendan:

Probirbio 8:31

maliket ak ed inkiwalak ed mundo tan magayaga ak a kaibak iray katoowan.

Isaias 50:5

Say Katawan initdan to ak na pakatalus, et ag ak linmaban ed sikato odino inarawian ko.

Jeremias 36:2

“Mangala kay sakey a nilokut a papil ta isulat mon amin iray imbagak ed sika, nipaakar ed Israel tan Juda, tan amin a bansa. Isulat mon amin iray imbagak ed sika manlapu lad samay inmonan impisalitak ed sika, nen ari ni si Josias, ya anggad natan.

Ezekiel 2:9

Anengneng koy liman onaarap ed siak, tan sankabembenan toy nilokut a babasaen.

Ezekiel 3:1

Inkuan na Dios, “Sika a toon ompatey, akan mo yan nilokut a babasaen; insan ka onlan mansalita ed saray totood Israel.”

Juan 4:34

Inkuanen Jesus ed sikara, “Say kanen ko say pangonur koy linawa na angibakid siak tan say panumpal koy kimey a pagagawa tod siak.

Juan 5:30

“No siak a dili, anggapoy nagawaan ko. Manintinsia ak onung na narerengel kod Ama. Matonung so panintinsiak lapud ag ko gagawaen so linawak a dili, no ag ingen say linawa na angibakid siak.

Juan 6:38

Ta linma ak dian nanlapud tawen pian gawaen koy linawa na angibakid siak, aliwan say linawak a dili.