Saray Hebreo 10:31 - Maung A Balita Biblia

³¹ Makapataktakot so napelag ed limay Dios a mabilay!

Maung a Balita Biblia

³¹ Makapataktakot so napelag ed limay Dios a mabilay!

Saray Hebreo 10:31 Iomraidhean Croise

Saray Salmo 50:22

“Dengel yo ya, sikayon ag mangasasikasod siak, ta no andi, bingbingkasen ta kayo, et anggapoy mangyagel ed sikayo.

Saray Salmo 76:7

Balet sika makapataktakot ka. Siopay makakpel ya onarap ed sika no mamapasnuk ka?

Saray Salmo 90:11

Siopay akalikna na ontan lan belat na pasnuk mo? Siopay makaamtad takot a nayarin iter na pasnuk mo?

Isaias 19:16

Onsabiy panaon a magmaliw a singa mabaing a bibii iray Egipsio. Onggiwgiw irad takot no nanengneng dan akaonat a manusad sikara so taklay na Katawan a Makapanyarin-amin.

Isaias 33:14

Manggiwgiw ed takot iray makasalanan a totood Sion. Kuanda, “Singa apoy a mandarlang ed anggad angga so panagsintinsia na Dios. Wala kasid sikatayoy makapangitepel ed onyan dalang?”

Mateo 10:28

Ag yo tatakotan iray mamatey na laman ya ag da balet napatey so kamarerwa. Say Dios so takotan yo, ta nayarian ton deralen ed impirno so kamarerwa tan laman.

Mateo 16:16

Inmebat si Simon Pedro, “Sika so Cristo ya Anak na Dios a mabilay.”

Lucas 12:5

Ibagak ed sikayo no siopay nepeg yon takotan: takotan yoy Dios ta kasumpal ton mamatey, wala niy pakayari ton mangibantak ed impirno. On, kuankod sikayo, sikatoy nepeg yon takotan!

Lucas 21:11

Wala ray onsabin maksil a yegyeg, eras, tan sakisakit diad nandoroman pasen. Onletaw iray makapataktakot a bengatla tan makapakelkelaw iran tandan manlapud tawen.

Saray Gawgawa 13:11

Natan, sikay dusaen to. Nabulag ka, tan mabayag na daiset so ag mo pakanengneng ed liwaway agew!” Aliknan tampol nen Elimas a singa walay sinmakub ya andeket a kelpa ed saray mata to, kanyan kumarapas a mananap na mangitabin ed sikato.

2 CORINTO 5:11

Amta miy kabaliksan na ontakot ed Katawan, kanyan tatanggoyuren mi ray totoon ontakot ed sikato. Kabat na Dios so petepeteg ya inkatoo mi, tan iilaloan kon kabkabat yo met ed puso yo.

Saray Hebreo 10:27

Anggapo lay atilak no ag say itakot tayod panalagar na onsabin Okum tan say manliub ya apoy a mangoput ed saray onsumpad Dios!

Saray Hebreo 12:29

ta say Dios tayo et manangoput ya apoy.

Saray Hebreo 3:12

Agagik ira, manalwar kayo ya anggapo komud sikayoy maoges so puso to tan naandiay pananisia a mansumpal ed pangibeneg tod Dios a mabilay.