Saray Hebreo 10:20 - Maung A Balita Biblia

²⁰ Nilokasan ton para sikatayo so balo tan mabilay a dalan ya ontalus ed biek na kurtina, a salanti say laman to.

Maung a Balita Biblia

²⁰ Nilokasan ton para sikatayo so balo tan mabilay a dalan ya ontalus ed biek na kurtina, a salanti say laman to.

Saray Hebreo 10:20 Iomraidhean Croise

Levitico 16:15

Kayari to ya, pateyen to may kanding ya ibagat a para saray kasalanan da ray totoo. Awiten to ed Sankasantosan a Pasen so dala to tan iwalsik tod samay sakub, insan diad arap na samay Kaban na Sipanan a singa ginawa tod dala na samay baka.

Levitico 16:2

Inkuanto, “Ibagam ed kinen agim ya Aaron a no manepeg a panaon labat so iyakar tod dalem na kurtina diad Sankasantosan a Pasen, ta ompanengneng ak diman ed sakey a lorem diad tagey na sakub na Kaban na Sipanan. No ag to ya toluken, nepeg a pateyen.

Levitico 21:23

balet lapud walay deral na laman to, ag nayarin onsingger ed masanton kurtina odino diad altar. Ag to nepeg a dotakan ira yan masanton bengatla, lapud siak so Katawan a mamapasantod sikara.”

Mateo 27:51

Diad saman a bekta, apaldua so kurtina ed Timplo, manlapud tagey ya anggad saloy. Yinmegyeg so dalin, apisag iray bato,

Marcos 15:38

Diad saman a bekta, apaldua so kurtina ed Timplo, manlapud tagey ya anggad saloy.

Lucas 23:45

naandiay liwawa so agew, tan apaldua so kurtina na Timplo.

Juan 10:7

Kanyan inkuan lamet nen Jesus, “Ibabagak ed sikayoy katwaan: siak so puirtan dadalanen da ray karniro.

Juan 10:9

Siak so puirta. Nilaban so siopaman ya onloob ed panamegley ko; onloob tan ompaway, et makalmoy pankabkaban to.

Juan 14:6

Inmebat si Jesus, “Siak so dalan, say katwaan, tan say bilay; anggapoy toon makaonlad Ama no ag diad panamegley ko.

TAGA-EFESO 2:15

Diad panamegley na laman to, inekalan toy biskeg so Ganggan a pati saray bilibilin tan saray totontonen, pian nagawa ton saksakey a balon tipon na totoo iray duaran bansa diad pikasakey dad Cristo, et diad ontan manoley so kareenan ed sikara.

1 Timoteo 3:16

Anggapoy makapangibori no panoy kabaleg na niamut a katwaan na rilihion tayo. Sikatoy pinmanengneng a sakey a too, pinaneknekan na Ispiritu a sayan too et maptek, tan anengneng na saray anghil. Nipulong ed nandoroman bansa, sinisia na saray katoowan, tan niatagey ed tawen.

Saray Hebreo 6:19

Sayan ilalo tayo et singa pataga na puso tayo—malet, napanmatalkan, tan ontalus ya anggad biek na kurtinay sankasantosan a pasen na Timplon mangatatawen.

Saray Hebreo 9:3

Say kumadwa, a walad biek na kumadwan kurtina, tatawagey Sankasantosan a Pasen.

Saray Hebreo 9:8

Malinlinew ed saraya ya ipapaamta na Ispiritu Santo a say dalan ya onlad Sankasantosan a Pasen et aliwa nin lokas, ambegyan wala ni may onaan a parti.

1 Pedro 3:18

Ta inatey si Cristo ya amimpinsan para saray kasalanan, say anggapoy kasalanan para saray makasalanan, pian niasingger to itayod Dios. Inatey onung ed laman tan pinaolid bilay onung ed ispiritu.

1 Juan 4:2

Dia yo naamtaan no siopay kawalaay Ispiritu na Dios: siopamay mangibabagan si Jesu-Cristo et nagmaliw a too, sikatoy kawalaay Ispiritu a nanlapud Dios.

2 Juan 1:7

Kinmayat ed sankamundoan iray amayamay a managpalikdo—totoo ran ag mamibirbir a si Jesu-Cristo linma dian nagmaliw a too. Managpalikdo tan Anticristo so ontan a too.