Saray Hebreo 1:12 - Maung A Balita Biblia

¹² Topien mo ran singa kolibemben, tan singa ra kawes a nasalatan, Balet ag kan balut mangoman, tan ag mangangga so bilay mo.”

Maung a Balita Biblia

¹² Topien mo ran singa kolibemben, tan singa ra kawes a nasalatan, Balet ag kan balut mangoman, tan ag mangangga so bilay mo.

Saray Hebreo 1:12 Iomraidhean Croise

Say Libro nen Job 36:26

Ag tayo natalusan a sigput so talonggaring na Dios odino nabilang iray taon to.

Saray Salmo 90:4

Singa labat sanagew ed sika so sanlibon taon; singa ra labat karoman a linmabas la ra; singa ra labat antikey ya oras ed labi.

Exodo 3:14

“Siak si siak,” inkuan na Dios. “Ibagam ed sikara, ‘Say natatawag a SIAK ET SIAK, imbaki to ak ed sikayo.’

Isaias 38:12

Apoltut so bilay ko tan nansamput la. Singa sakey a tuldan inkusbo, Singa abel ya apaksut ed panaginarameyan. Abaloan kon pansasamputen la na Dios so bilay ko.

Juan 8:58

“Ibabagak ed sikayoy katwaan,” kuanen Jesus, “Kasakbayan a nianak si Abraham, ‘Siak et Siak.’”

Saray Hebreo 13:8

Si Jesu-Cristo sikato met lamlamang karuman, natan, tan anggad angga.

Santiago 1:17

Nanlapud tawen so balang maung tan nagnap a langkap; nanlapud Ama ya amalsad amin a liwawa. Sikatoy ag mangoman tan ag met panlapway bilonget diad ibeneg to.