Saray Hebreo 1:10 - Maung A Balita Biblia

¹⁰ Inkuanto ni, “Sika, Katawan, pinalsam nen gapoy gapo so sankamundoan, tan saray dilin limam so nanggawad katawenan.

Maung a Balita Biblia

¹⁰ Inkuanto ni, Sika, Katawan, pinalsam nen gapoy gapo so sankamundoan, tan saray dilin limam so nanggawad katawenan.

Saray Hebreo 1:10 Iomraidhean Croise

Genesis 1:1

Diad gapoy gapo nen pinalsa na Dios iray katawenan tan say dalin,

Saray Salmo 19:1

Ipapaamta na tawen so kagalangay Dios! Ipapanengneng to ray ginagawa na Dios!

Probirbio 8:29

tan ingganggan to ray danum na dayat ya ag ira onlabsan ed imbaga ton panganggaan da. Wadman ak la nen saray pundasion na mundo et inletneg to ra.

Isaias 40:12

Nasukat na siopaman so dayat ed panamegley na dakolap to odino say tawen diad panamegley na lima to? Nikarga na siopaman so dalin na mundo ed sakey a kupa odino naala so belat na saray palandey tan saray pokdul diad panamegley na simbangan?

Isaias 42:5

Pinalsa na Dios iray katawenan tan impanat to ra; pinalsa toy mundo tan amin a manaayam dia; initdan toy bilay tan linawa iray amin a katoowan ed mundo. Et natan say Katawan a Dios kuantod aripen to,

Isaias 48:13

Inlira na limak so pundasion na mundo tan impanat koy katawenan. No tawagen ko ray mundo tan saray katawenan, ondago ran tampol tan iparontal day sikaran dili.

Isaias 51:13

Alingwanan yo lay Katawan a nanggawad sikayo, ya angipanat ed katawenan tan angiletneg na saray pundasion na mundo? Akin et antakot kayo lawas ed pasnuk da ray mamapairap ed sikayo, saray sipaparaan a maneral ed sikayo? Ag kayo la nadiwit na ontan lan pasnuk da.

Isaias 51:6

Tangay kad katawenan; nengneng kad mundo! Naandipat a singa asewek so katawenan; nabuyak a singa daan a kawes so mundo, tan ompatey a singa apangat iray totoo to. Balet mansiansia so kilalaban ya iter ko, ag mangangga so pananalok.

Isaias 64:8

Balet sika so ama mi, Katawan. Aliling miy pitek, tan aliling moy managgaway banga. Pinalsa mo kami,

Jeremias 32:17

“Katawan a Dios, lapud baleg a pakayarim tan biskeg mo, ginawam so tawen tan dalin; mainomay mon gawaey antokaman a bengatla.

Zacarias 12:1

Sikato yay salita na Katawan nipaakar ed Israel, say Katawan ya angipanat na katawenan, say amalsad mundo, tan sikatoy angiter na bilay ed too. Kuanto,

Deuteronomio 4:19

Ag kayo patutukso a mangigalang tan manlingkur ed antokaman a nanengneng yod tawen say agew, bulan, tan saray bitewen. Say Katawan a Dios yo et inter ton igalang ira ya na amin da ray arum a totoo.

Saray Hebreo 12:27

Saray salitan “maminsan ni” labay dan ibaga a nayegyeg tan naekal iray bengatlan pinalsa, pian ag naekal iray bengatlan ag nayegyeg.

Puyan 3:14

“Isulat mod anghil na iglisia ed Laodicea: “Sikato yay ibabaga na manngaray Amen, say matoor tan tuan tasi, a sikatoy nanlapway amin a pinalsay Dios.