Saray Gawgawa 9:8 - Maung A Balita Biblia

⁸ Inmalagey si Saulo. Nen inmorikat to ray mata to ag makanengneng, kanyan intabin da ya anggad Damasco.

Maung a Balita Biblia

⁸ Inmalagey si Saulo. Nen inmorikat to ray mata to ag makanengneng, kanyan intabin da ya anggad Damasco.

Saray Gawgawa 9:8 Iomraidhean Croise

Genesis 14:15

Kasabi tod man, impankadwa to ray totoo to, dinogpaan dad labi iray kalaban da tan tinalo da ra. Inosilan to ran anggad Hoba a walad baybay na Damasco,

Genesis 19:11

Insan da binulag ira may amin a lalakin walad paway, kanyan ag da napogta so puirta.

Exodo 4:11

Inkuan na Katawan ed sikato, “Siopay nanggawa na sangiy too? Siopay nanggagawa a telek tan omel so too? Siopay mangiiter na pakanengneng tan say pakabulag ed too? Aliwa tan siak a Katawan?

Saray Gawgawa 13:11

Natan, sikay dusaen to. Nabulag ka, tan mabayag na daiset so ag mo pakanengneng ed liwaway agew!” Aliknan tampol nen Elimas a singa walay sinmakub ya andeket a kelpa ed saray mata to, kanyan kumarapas a mananap na mangitabin ed sikato.

Saray Gawgawa 22:11

Ag ak makanengneng lapud kinaliwawa to may silew, kanyan intabin ak na saray kaibak ya anggad Damasco.

Saray Gawgawa 9:18

Kabebekta walay apagpag a singa ra siksik a nanlapud saray mata to, tan akanengneng lamet. Inmalagey tan nampabinyag.

Saray Gawgawa 9:9

Taloy agew ya ag makanengneng tan leleg na sarayan agew, ag angan odino inminom.

2 CORINTO 11:32

Nen wala ak ed Damasco, impabantayan na gobirnador a walad sakop nen arin Aretas so puirtay siudad, ta labay to ak ya erelen.

TAGA GALACIA 1:17

Ag ko anggan linmad Jerusalem a ninengneng iray inmonan apostol nen siak, no ag ta linma ak a tampol ed Arabia, insan pinmawil ak ed Damasco.