Saray Gawgawa 8:7 - Maung A Balita Biblia

⁷ Ta amayamay iray maoges ya ispiritun pinmapaway ed saray inaaponan dan totoo, tan naniingal iran pinmapaway. Amayamay met iray inmaabig a lopuy tan piley.

Maung a Balita Biblia

⁷ Ta amayamay iray maoges ya ispiritun pinmapaway ed saray inaaponan dan totoo, tan naniingal iran pinmapaway. Amayamay met iray inmaabig a lopuy tan piley.

Saray Gawgawa 8:7 Iomraidhean Croise

Isaias 35:6

Manlukson singa ulsa iray piley, tan mankantad liket iray emel. Onagos iray kolus ed kalawakan;

Mateo 10:1

Tinawag nen Jesus iray labinduan disipulo to, tan initdan to ray pakayarin mamaekal ed saray maoges ya ispiritu tan mamaabig ed saray sakit tan liliknaen.

Mateo 11:5

saray bulag makakanengneng ira, saray lopuy makakaakar ira, saray akating onaabig ira, saray telek makakadngel ira, saray inaatey nabibilay ira, tan saray mairap-bilay nipupulong ed sikara so Maung a Balita.

Mateo 4:24

Kinmayat ed intiron Siria so balitan nipaakar ed kinen Jesus, kanyan inaawit dad sikaton amin iray mansasakit tan amin iray manlilikna na kairapan: saray totoon inaponay dimonyo, saray dumurulot, tan saray paralitiko. Pinapaabig nen Jesus iran amin.

Marcos 9:26

Inmakis na ampaipait imay maoges ya ispiritu, tan pinatayegteg to may ogaw, insan inmekal. Nagmaliw a singa bangkay imay ogaw, kanyan inkuan da ray karaklan, “Inatey la!”

Lucas 10:17

Makakaliket a pinmawil ira may pitomplo tan duan disipulo. “Katawan,” inkuanda, “pati saray dimonyo onuren da kami no iganggan mi ran onekal diad ngaran mo.”

Juan 14:12

Ibagak ed sikayoy katwaan: siopamay toon manisiad siak gawaen to ray gagawaen ko, tan lalon dakel ni ingen ta onla ak ed Ama.

Saray Gawgawa 5:16

Sinmabiy dakerakel a totoon nanlalapud kaliber-liber iran baley na Jerusalem a sankaawit da ray mansasakit tan saray inaaponay dimonyo; tan inmaabig iran amin.

Saray Gawgawa 8:6

Nen abalitaan na totoo tan naimatunan da ray ginagawa ton milagro, dinengel dan maung so ibabaga to.

Saray Hebreo 2:4

Pinaneknekan met ya na Dios diad panamegley na saray tanda, saray pakelaw, saray nandoroman milagro, tan diad panamegley na saray langkap na Ispiritu Santo a sikaray iniiter to onung ed linawa to.