Saray Gawgawa 8:20 - Maung A Balita Biblia

²⁰ Balet inmebat si Pedro, “Naderal ka komun tan say kuartam, ta abaloan mon nasaliw na kuarta so panangaroy Dios!

Maung a Balita Biblia

²⁰ Balet inmebat si Pedro, Naderal ka komun tan say kuartam, ta abaloan mon nasaliw na kuarta so panangaroy Dios!

Saray Gawgawa 8:20 Iomraidhean Croise

Probirbio 15:26

Kabosul na Katawan iray maoges a kanunotan, balet pakaliliketan to ray salitan makaruyruyo.

Isaias 55:1

Say Katawan kuanto, “Dago kayo, amin yon napgaan—niay danum! Dago kayo, sikayon anggapoy kuarta— manaliw kayoy trigo tan mangan kayo! Dago kayo! Manaliw kayoy alak tan gatas— anggapoy nepeg yon bayaran!

Daniel 5:17

Inmebat si Daniel, “Ag mo la nununoten itay pangiter mod siak na tumang; iter mo la ed arum a too. Ibasak ed Kagalang ya Ari so nisulat tan ibagak ed sika so kabaliksan to.

Zacarias 5:4

Ibabaga na Katawan a Makapanyarin-amin ya ibaki to yan samba tan onloob ed abung na balang matakew tan diad abung na balang toon mansasamba ed pantitila to. Mansiansia ed kaabungan da tan taynan to ran aderal-deral.”

Mateo 10:8

Paabig yo ray mansasakit tan pabilay yo ray inaatey. Paabig yo met iray akating tan paekal yo ray dimonyo. Angawat kayon anggapoy bayar, kanyan mangiter kayo met ya anggapoy bayar.

Mateo 15:19

Ta manlapud pusoy too iray maoges a kanunotan, panagpatey, pikakaloguran, pilalawanan, panagtakew, panagtila, tan panagpaoges ed kaparan too.

Saray Gawgawa 1:18

(Insaliw nen Judas na dalin imay bayar na impantraidor tod kinen Jesus. Diman met lay inateyan to, ta apaktak, awabwab so eges to, tan pinmaway so pait to.

Saray Gawgawa 10:45

Mankelaw ira may mananisian Judio a kakaiba nen Pedro, ta inter met na Dios ed saray Hintil so panangaron Ispiritu Santo.

Saray Gawgawa 11:17

Malinlinew sirin ya initdan met na Dios ira man a Hintil na panangaron inter tod sikatayo nen anisia tayod Katawan a Jesu-Cristo. Siopa ak a manebel ed Dios?”

Saray Gawgawa 2:38

Inmebat si Pedro ed sikara, “Magbabawi kayod saray kasalanan yo, tan mampabinyag kayod ngaran nen Jesu-Cristo, et diad ontan, napirdona ray kasalanan yo. Awaten yo met ed satan so Ispiritu Santo a panangaroy Dios.

Saray Gawgawa 8:19

tan inkuanto, “Iter yo pa met ed siak yan pakayari, pian siopamay pangitapewan ko ray limak et makaawat na Ispiritu Santo.”

Saray Gawgawa 8:22

Magbabawi ka sirin tan ibeneg mo yan maoges a pilalek mo, tan mampikasi kad Katawan a pirdonaen to ka.

Deuteronomio 15:9

Ag yo iisipen a lapud magano lan onsabi so taon a pamaandid saray utang, et ag yo la pautangen so kadalaan yon mairap-bilay. Ag yo aabuloyan ya onloob ed isip yo so ontan a maoges a kanunotan. No ag yo pabayesen, ontawag ed Katawan na sumpad sikayo, et mankasalanan kayo.

Deuteronomio 7:26

Ag kayo mangisesempet na anggan dinan ed sarayan talintaoy diriyos, ta ompan nipelag met ed sikayo so samban walad sikara. Nepeg yon bosulen tan sumpaen ira yan talintaoy diriyos, lapud insamba ra na Katawan.

1 Timoteo 6:9

Balet saray totoon mampipilalek ya onyaman, napepelag irad tukso tan napapatitan ira na andi-kakanaan tan makaderal iran likeliket a mangitatabuy ed sikara diad kaderalan tan kabagbagan.

Santiago 5:3

Kinan lay lati iray balituk tan pilak yo, tan satan met a lati mantasin sumpad sikayo tan singa apoy a mangoput na laman yo. Diad sarayan kaonuran ya agew so impanipon yoy kayamanan.

Puyan 18:15

Ag onasingger iray nigosiantin minmayaman ed saman a siudad, ta antakot irad paniirap to. Manermen tan onangis ira,