Saray Gawgawa 7:8 - Maung A Balita Biblia

⁸ Insan ingganggay Dios ed kinen Abraham so panagsegat, a tanday impisipanan to. Kanyan sinegat nen Abraham si Isaac nen kumawaloy agew nanlapud inkianak to. Sinegat nen Isaac si Jacob, tan onya met so ginawa nen Jacob ed saray labinduan patriarka.

Maung a Balita Biblia

⁸ Insan ingganggay Dios ed kinen Abraham so panagsegat, a tanday impisipanan to. Kanyan sinegat nen Abraham si Isaac nen kumawaloy agew nanlapud inkianak to. Sinegat nen Isaac si Jacob, tan onya met so ginawa nen Jacob ed saray labinduan patriarka.

Saray Gawgawa 7:8 Iomraidhean Croise

Genesis 29:31

Nen anengneng na Katawan ya ag inaro nen Jacob si Lea, inabuloyan ton makapananak; si Raquel, balet, ag mananak ta lepes.

Genesis 30:5

Nanlokun si Bilha tan nananak ed kinen Jacob na sakey a laki.

Genesis 35:16

Tinaynan nen Jacob tan say pamilya to so Betel, et nen asingger la ra ed Efrata, sinmabiy panaon a pananak nen Raquel, et nanairapan ed pampapasakit to.

Genesis 35:18

Balet ompapatey si Raquel. Nen kuan lan naoyus so bilay to, inngaran to na Benoni may ogaw, balet inngaran nen ama to na Benjamin.

1 Saray Awaran 1:34

Duaray lalakin anak nen Isaac a lakin anak nen Abraham: di Esau tan Israel.

Mateo 1:2

Si Abraham so ama nen Isaac; si Isaac so ama nen Jacob; si Jacob so ama nen Juda tan saray agagi to.

Juan 7:22

“Lapud ingganggan kayo nen Moises a mampasegat (aliwan si Moises so angigapod saya no ag saray lalaki yo), manesegat kayoy ogaw a laki ya anggan Agew na Panagpainawa.

Saray Gawgawa 2:29

“Agagi, ibagak ed sikayon malinlinew ya inatey tan nipompon si David a patriarka. Nanengneng tayo nin anggad natan so lobuk to.

Saray Taga Roma 4:10

Kapigay inkagawa to ya? Kasakbayan o kasumpal na inkasegat to? Kasakbayan, aliwan kasumpal, na inkasegat to.

TAGA GALACIA 3:15

Agagi, ikanak so alimbawan kabkabat na karaklan a totoo. No pinirmaan lay sakey a sipanan, anggapo lay makaderal ed satan a sipanan, tan ag met la nayarin aruman so insulat.

TAGA GALACIA 3:17

Sayay labay kon ibaga: pinaletay Dios so sakey a sipanan tan insipan to a sumpalen. Saman a sipanan et ag nayarin deraley Ganggan a sinmabi kalabas na apat a lasus tan talomplon taon, tan ag to naekalay kakanaan so sipay Dios.

Saray Hebreo 7:4

Nanengneng yo, sirin, so ontan lan katalonggaring nen Melkisedek! Inter ed sikato nen Abraham a patriarka so kakaplo na sinamsam tod impibakal to.