Saray Gawgawa 6:13 - Maung A Balita Biblia

¹³ Imparontal day pigaran tasi a mantilan nipaakar ed sikato. “Sayan too,” inkuanda, “et ag ontotondan mansalitay maoges sumpad masanton Timplo tayo tan say Ganggan nen Moises.

Maung a Balita Biblia

¹³ Imparontal day pigaran tasi a mantilan nipaakar ed sikato. Sayan too, inkuanda, et ag ontotondan mansalitay maoges sumpad masanton Timplo tayo tan say Ganggan nen Moises.

Saray Gawgawa 6:13 Iomraidhean Croise

Saray Salmo 27:12

Ag mo pa iyaabuloy a napelag ak ed lima da ray kalaban ko, a manusumlang ed siak diad panamegley na panagtila tan panagtaktakot.

Saray Salmo 35:11

Saray totoon maoges mantatasi ra sumpad siak, tan iyaakusa rad siak iray kasalanan ya ag kon balut ginawa.

Saray Salmo 56:5

Inagew-agew lawas a gugunigonen ak na saray kalaban ko, say nununoten dan naynay et say pakapasakit dad siak!

Oseas 7:4

Traidor tan aliwa ran matoor ya amin. Say petang na olo ra et singa ambalbalangan ngalab ed pogun ya ag ni ginalaw na panadiro ya anggad naluluto la so masa.

Mateo 24:15

“Onung na imbaga nen propita Daniel, nanengneng yoy ‘Makapataktakot a Managderal’ ya akaalagey ed masanton pasen. (Paimano ed saray mambabasa: talusan yoy labay to yan ibaga!)

Mateo 26:59

Ginawa na saray manonan papari tan amin a kabyangay Sanidrin so anggaay nayarian da a mananap na ipakasalanan dad kinen Jesus, pian napapatey da.

Saray Gawgawa 21:28

“Kabaleyan,” ineyag da, “tulongan yo kami! Sikato ya may toon nambabangat ed inerman a laen to na sumpad bansay Israel, sumpad Ganggan nen Moises tan sayan Timplo. Angitagar ni na saray Grigo diad dalem na Timplo, kanyan minurmura to yan masanton pasen!”

Saray Gawgawa 25:8

Inkuanen Pablo a pangyagel tod sikaton dili, “Anggapoy ginawak a sumpad Ganggan na saray Judio, odino sumpad Timplo odino sumpad Impirador.”

Saray Gawgawa 6:11

Kanyan sinogsogan da ray pigaran totoo a mangikuan, “Nadngel mi yan too a mansasalitay maoges sumpad kinen Moises tan say Dios!”

Saray Gawgawa 7:58

Inggayugoy dad paway na siudad, insan da tinutupak. Saray tasi nilalakseb da ray kolibemben a kawes da, tan intitilak dad sakey a lakin tobun-balo a manngaray Saulo.

Saray Hebreo 7:12

Ta no apasimbaloy inkapari, nakaukolan a napasimbalo met so ganggan.