Saray Gawgawa 5:9 - Maung A Balita Biblia

⁹ Inkuanen Pedro, “Akin et nankasakeyan yon sanasawa a suboken so Ispiritu na Katawan? Saray babalolaki ya angipompon ed asawam wadtan la rad puirta. Onsoblay ka met ya awiten dan ipaway!”

Maung a Balita Biblia

⁹ Inkuanen Pedro, Akin et nankasakeyan yon sanasawa a suboken so Ispiritu na Katawan? Saray babalolaki ya angipompon ed asawam wadtan la rad puirta. Onsoblay ka met ya awiten dan ipaway!

Saray Gawgawa 5:9 Iomraidhean Croise

Genesis 20:13

Kanyan nen say Dios et pinataynan to ak ed abung di amak tan pinaonla to ak ed sananey iran dalin, inkuankod kinen Sara, ‘Nipanengneng moy katooran mod siak diad pangibagam ed siopaman ya agi mo ak.’”

2 Saray Arari 6:32

Insan angibakiy sakey a toon mangalad kinen Eliseo. Legan to ya, kaiba nen Eliseo ed abung to iray pigaran mamasiken na Israel ya ombibisitad sikato. Kasakbayay insabi na samay imbaki na ari, inkuanen Eliseo ed saramay mamasiken, “Saman a managpatey na too et angibakiy mamotul na olok! Kasabi to dia, italak yoy puirta tan ag yo palolooben. Manomtombuk ed sikato so ari.”

Saray Salmo 50:18

No makanenengneng kayoy matakew, magmaliw kayon kakaaro to, tan kaolup-olup yo ray mikakaloguran.

Saray Salmo 78:56

Balet sinmumpa rad Makapanyarin-amin a Dios, tan sinubok da. Ag da tinoluk iray ganggan to,

Exodo 17:2

Nanriklamo ra sirin ed kinen Moises tan kuanda, “Itdan mo kamiy danum ya inomen.” Inmebat si Moises, “Akin et manririklamo kayod siak? Akin et susuboken yoy Katawan?”

Exodo 17:7

Samay pasen et atawag na Masa tan Meriba, lapud nanriklamo ray Israelita tan sinubok day Katawan nen tinepet da, “Walad sikatayo so Katawan odino andi?”

Probirbio 11:21

Andi-saew a nadusa iray totoon maoges, balet makapaliis iray totoon matonung.

Probirbio 16:5

Kabosul na Katawan ya amin iray mapaatagey; ag to abuloyan a paliisan day dusa.

Mikias 7:3

Amin da et masilib a manggaway kaogsan. Onkekerew na pasoksok iray opisyal tan saray huis. Say toon gagalangen ed bansa et ibabaga tod sikaray labay ton naala o nagawa, et mankokomplut la ra.

Saray Bilang 14:22

anggapod sarayan totoo so makaloob ed saman a dalin. Anengneng da so kagalangan ko tan saray milagron ginagawak dimad Egipto tan diad kalawakan, balet sinusubok da ak ya amimpigapiga tan ag da ak inonur.

Mateo 4:7

Inmebat si Jesus, “Ibabaga met na Masanton Sulat: ‘Ag mo tutuksoen so Katawan a Dios mo.’”

Lucas 16:2

kanyan impatawag to. ‘Anto tay narerengelan kon nipaakar ed sika?’ inkuanto. ‘Mikuintaan ka lad siak, tan iter mo lan amiy listaan na impiak ed sikan kayaryan ko, ta ekalen ta ka lan inkargadok.’

Saray Gawgawa 15:10

No ontan sirin, akin et labay yon subokey Dios diad pamapasakbat yod saray disipulo na ambelat a sasakbaten ya ag ayarian na saray atateng tayo, ni anggan sikatayo?

Saray Gawgawa 5:6

Inmalagey iray tubon-balo binalkut day bangkay to, insan da impaway ya impompon.

Saray Taga Roma 10:15

Tan panon a makapampulong iray Maung a Balita, no ag ira imbaki? Onung na ibabagay Masanton Sulat, “Agaylay abig a nengnengen so isabi da ray managpulong na Maung a Balita!”

Saray Taga Roma 3:19

Natan amta tayo ya amin iray walad Ganggan et para saray walad silong na Ganggan, pian napatonda toy pambabaraan na amin a katoowan tan napasilong tod panagsintinsia na Dios so sankamundoan.

1 CORINTO 10:9

Ag tayo nepeg a subokey Katawan, a singa ginagaway arum ed sikara, kanyan pinapatey ira na saray oleg.