Saray Gawgawa 5:42 - Maung A Balita Biblia

⁴² Inagew-agew, diad Timplo tan diad saray kaabungan, intuloy day nambabangat tan nampupulong na nipaakar ed kinen Jesus, say Cristo.

Maung a Balita Biblia

⁴² Inagew-agew, diad Timplo tan diad saray kaabungan, intuloy day nambabangat tan nampupulong na nipaakar ed kinen Jesus, say Cristo.

Saray Gawgawa 5:42 Iomraidhean Croise

2 Samuel 6:22

tan iloor kon pabandayen so siak a dili. Nayarin ipasen mo ak ya andi-kana, balet atagey so pangipasen ed siak na saramay bibiin asalitam!”

Lucas 21:37

Inagew-agew a nambabangat ed Timplo si Jesus. Kapag onsironget la, ontaynan diman tan mansanlabiyan ed Palandey na Kaolibaan.

Lucas 22:53

Inagew-agew ak a walad Timplo tan wadman kayo met, balet ag yo ak inerel. Balet sikato yay oras yon onggalaw, no say pakayari na kabilongetan so manoley.”

Saray Gawgawa 11:20

Balet wala ray pigaran mananisian taga Chipre tan Cirene ya akasabid Antiokia tan impupulong day Maung a Balitan nipaakar ed Katawan a Jesus ed anggan saray Hintil.

Saray Gawgawa 13:32

Wadya kami natan a mangipulong ed sikayoy Maung a Balita: say insipay Dios ed saray lalaki tayo

Saray Gawgawa 17:18

Akisangsangan met ed saray maistron Epicureo tan Estoico. Inkuan na pigarad sikara, “Anto tay labay ton ibaga yan manmaung-maungan a too?” Inkuan met na saray arum, “Sakey amon managpulong nipaakar ed saray arum a diriyos.” Imbaga ra ya, ta nampupulong si Pablo na nipaakar ed kinen Jesus tan say kiolid bilay.

Saray Gawgawa 17:3

diad impampaliwawa tan impampaneknek to a nepeg a manirap tan onolid bilay so Cristo. Inkuan to, “Sayan Jesus ya ipupulong kod sikayo, sikatoy Cristo!”

Saray Gawgawa 2:46

Inagew-agew iran nantitipon ed Timplo, nampipisag iray tinapay ed saray abung da, tan nandorongo ran maliket tan mapaabeba so puso ra.

Saray Gawgawa 20:20

Amta yo ya anggapoy ag ko imbaga a makatulong ed sikayo diad impambabangat tan impanpupulong kod sikayo, diad arap na karaklan man odino diad kaabungan yo.

Saray Gawgawa 4:20

Ta ag mi nayarian ya ag ibalitay anengneng tan nadngel mi.”

Saray Gawgawa 4:29

Tan natan, Katawan, sesebelan da kami. Tulongan mo kami pa ran aripen mo, pian nipulong min anggapoy takot so salitam.

Saray Gawgawa 8:35

Ginapuan nen Felipe so nansalita; manlapud sayan partiy Masanton Sulat, impaliwawa toy Maung a Balitan nipaakar ed kinen Jesus.

Saray Gawgawa 8:5

Linmay Felipe ed siudad na Samaria tan impupulong tod may Cristo.

Saray Gawgawa 9:20

Linmoob ed saray sinagoga tan nampupulong a tampol na nipaakar ed kinen Jesus. “Sikatoy Anak na Dios,” inkuanto.

1 CORINTO 2:2

Ta nen wadtan ak, tinibokel kod kanunotan ko ya anggapoy arum a kabaten ko no ag si Jesu-Cristo labat, tan say inkipasak tod krus.

TAGA GALACIA 1:16

Et nen impaamta tod siak so Anak to, pian nipulong kod saray Hintil so Maung a Balitan nipaakar ed sikato, ag ko ya impanon ed anggan siopan too.

TAGA GALACIA 6:14

Balet no para siak, anggapo lay arum a pampasirayewan ko no ag say krus labat na Katawan tayon Jesu-Cristo; ta diad panamegley na krus to, say sankamundoan inatey la para siak, tan inatey ak la para sankamundoan.

2 Timoteo 4:2

ipulong moy salitay Dios, ipasoot mon ibaga ed anggan anton oras; mananggoyur, mamasnuk, manimbawa, tan mananos kan mambangat.