Saray Gawgawa 5:24 - Maung A Balita Biblia

²⁴ Mankelaw iray manonan papari tan say kapitan da ray guardia ed Timplo nen nadngel da ya, ta ag da amtay agawad saramay apostol.

Maung a Balita Biblia

²⁴ Mankelaw iray manonan papari tan say kapitan da ray guardia ed Timplo nen nadngel da ya, ta ag da amtay agawad saramay apostol.

Saray Gawgawa 5:24 Iomraidhean Croise

Isaias 9:7

Onlaknab lan onlaknab so pakaoley ton ari, mansiansian mareen so panarian to, Manoley a kasalat nen Ari David, tan iletneg tod kaptekan tan katonungan so pakayari to, manlapud natan ya anggad angga. Andi-saew a sumpalen ya amin na Makapanyarin-amin a Katawan.

Lucas 22:4

Linman akitongtong si Judas ed saray manonan papari tan saray opisyal da ray guardia na Timplo. Nantotongtongan da no panoy pangyawat tod kinen Jesus ed sikara.

Lucas 22:52

Insan inkuanen Jesus ed saramay manonan papari, saramay opisyal da ray guardiad Timplo, tan saramay mamatakken na baley a linmad man a mangerel ed sikato, “Akin et sankaawit yo ray ispada tan pekpek? Tulisan ak sirin?

Juan 12:19

Inkuan sirin na saray Pariseo ed sakey tan sakey, “Anggapo lay nagawaan tayo! Nengneng yo, ontotombuk la ray amin a totood sikato!”

Saray Gawgawa 2:12

Nikelawan ira tan ag da atalusay nagagawa, kanyan nantetepetan ira, “Anto kasiy labay to yan ibaga?”

Saray Gawgawa 4:1

Mansasalita ni rad totoo di Pedro tan Juan nen sinmabi ray papari, say kapitan da ray managguardiay Timplo, tan saray Saduseo.

Saray Gawgawa 4:21

Lalon sinebelan iray kabyangay Sanidrin, insan da ra imbolus. Anggapoy naalmo ran makasengeg na panusa rad sikara, ta idadayew na amin a totoo so Dios, lapud sayan agawa.

Saray Gawgawa 5:23

“Nen sinmabi kamid prisowan, asabian min akakaput tan wadman iray guardian akaalagey ed arap na puirta. Balet nen nilokasan mi, anggapoy wadman!”

Saray Gawgawa 5:25

Balet nitan lay sakey a laki ya inkuanto, “Saramay impriso yo et wadman ira natan ed Timplo a mambabangat!”

Saray Gawgawa 5:26

Linmad Timplo may kapitan a kaiba to ray sondalo to, tan inawit da ra may apostol. Balet andi-pasootan so impangawit da, ta antakot ira ompan tupaken iray totoo.