Saray Gawgawa 5:19 - Maung A Balita Biblia

¹⁹ Balet diad saman a labi, inlokas na sakey ya anghil so puirtay prisowan, pinapaway to ra may apostol tan inkuanto,

Maung a Balita Biblia

¹⁹ Balet diad saman a labi, inlokas na sakey ya anghil so puirtay prisowan, pinapaway to ra may apostol tan inkuanto,

Saray Gawgawa 5:19 Iomraidhean Croise

Saray Salmo 146:7

kikilingan tod panagsintinsia to iray napapairap, tan iitdan toy nakan iray narasan. Say Katawan ibobolus to ray priso,

Saray Salmo 34:7

Say anghil na Katawan babantayan to ray mangigagalang ed Katawan tan iyaagel to rad kaatapan.

Isaias 61:1

Say Katawan a Dios pinano to ak na ispiritu to. Pinili to ak tan imbaki to ak A mangibagad saray mairap-bilay na maung a balita. Mamaabig ed saray maermen, Mangibawag na kawayangan ed saray adakep Tan mangibolus ed saray priso.

Daniel 3:28

Samay ari kuanto, “Nagalang so Dios di Sadrac, Mesac, tan Abednego! Imbaki toy anghil to ya angyagel ed sarayan lalakin manlilingkur tan manmamatalek ed sikato. Sinumlang da ray ganggan ko tan imposta ray bilay da diad ag da indakmomo tan impangigalang ed dinanman a dios likud ed Dios da.

Mateo 1:20

Balet nen nununoten to ya, pinmayawar so sakey ya anghil na Katawan ed kugip to a nankuan: “Jose, a kabyangay boleg nen David, ag ka natatakot ya ituloy mon ikasal si Maria, ta nanlapud pakayari na Ispiritu Santo so lokun to.

Mateo 1:24

Kanyan nen abangon si Jose, ginawa to may imbaga na anghil na Katawan. Inkasal toy Maria,

Mateo 2:13

Kasiput da ra may makakabat a totoo, pinmayawar ed kugip nen Jose so sakey ya anghil na Katawan. Inkuanto may anghil, “Bangon ka, ta batik kad Egipto a kaibam so ogaw tan say ina to. Ag kayod man ontataynan ya anggad ag ko ibagad sika, ta anapen nen Herodes so ogaw a pateyen.”

Mateo 2:19

Nen inatey lay Herodes, sakey ya anghil na Katawan so pinmayawar ed kugip nen Jose dimad Egipto.

Mateo 28:2

Biglan yinmegyeg na maksil. Linmeksab a nanlapud tawen so sakey ya anghil, insan to intolin imay insaran bato, tan niyorungan to.

Lucas 1:11

Pinmayawar ed sikatoy sakey ya anghil na Katawan a manalalagey ed nikawanan na altar a panagpoolay insinso.

Lucas 2:9

Pinmayawar so sakey ya anghil ed sikara, tan say karlangay Katawan sinmindag ed kaliber-liber da. Ontan lay inkataktakot da,

Saray Gawgawa 10:3

Aminsan ya alas tris ed ngarem, pinmayawar a malinlinew ed sikato so sakey ya anghil na Dios tan inkuanto, “Cornelio!”

Saray Gawgawa 12:23

Diad saman a bekta, kinabil na sakey ya anghil na Dios si Herodes lapud ag to pinagalangan so Dios. Binigis day laman to, insan inatey.

Saray Gawgawa 16:26

Kabebekta walay makmaksil a yegyeg, tan diad kakasil to ginmalaw so pati pundasion na prisowan. Biglan alokasay amin a puirta, tan nakal iray golunggolung da ray priso.

Saray Gawgawa 27:23

Ta kalabyan, nampanengneng ed siak so sakey ya anghil na Dios, say Dios ya akankien ed siak tan gagalangen ko.

Saray Gawgawa 8:26

Ingganggan na sakey ya anghil na Katawan ed kinen Felipe, “Mamparaan ka ya onla ed abalaten, diad dalan a manlapud Jerusalem a mamaarap ed Gaza.” (Ag la ya natan nikakana a dalan.)