Saray Gawgawa 5:14 - Maung A Balita Biblia

¹⁴ Balet dinmakel lan dinmakel iray bibii tan lalakin mananisia ed Katawan.

Maung a Balita Biblia

¹⁴ Balet dinmakel lan dinmakel iray bibii tan lalakin mananisia ed Katawan.

Saray Gawgawa 5:14 Iomraidhean Croise

2 Samuel 6:19

tan binunogan to ran amin na kakanen. Initdan toy balang sakey a laki tan balang sakey a bii ed Israel na sakey a tinapay, sakey a tegteg ya inkalut a karni, tan pigaran pasas. Insan sinmempet lay balang sakey.

Esdras 10:1

Akatewek a mampipikasi si Esdras diad arap na Timplo, manakakis tan ipapatua to ra yan kasalanan. Legan ton mampipikasi minokut na saray amayamay ya Israelita—lalaki, bibii, tan ogogaw—tan manakakis na ampaipait.

Nehemias 8:2

Inala nen Esdras insan to inyakar ed nantitiponan na saray totoo—lalaki, bibii, tan ogogaw a nayarian da lay ontalus.

Exodo 35:22

Amin a totoon mabolus so linawa, bii may laki, inyaakar da ray balituk a sara da, saray ikaw da, saray singsing da, saray kolintas da, tan amin a klasiy balituk ya alahas, tan insaklang da ra ed Katawan.

Isaias 45:24

“Ibaga ra a diad siak labat so pakalmoan na pananalo tan biskeg; balet amin da ray mamobosul ed siak et napelag irad kababaingan.

Saray Gawgawa 11:24

Sayay Bernabe maung a too, napnoy Ispiritu Santo tan mabiskeg so pananisia to. Kanyan amayamay a totooy niasingger ed Katawan.

Saray Gawgawa 2:41

Kanyan saramay anisiad impulong to, nampabinyag ira. Diad saman ya agew, sakey a talon libon totoo so niarum ed bilang da ray mananisia.

Saray Gawgawa 2:47

Indadayew day Dios tan labalabay iray amin a totoo. Inagew-agew, saray totoon nilaban inyaarum na Katawan ed grupo ra.

Saray Gawgawa 22:4

Pinapairap kon anggad inaatey iray ontotombuk ed sayan Dalan. Binabalur tan impriprisok ira, bibii man o lalaki.

Saray Gawgawa 4:4

Anggaman ontan, amayamay ed saray akadngel na impupulong da so anisia. Diad sarayan anisia, sakey a liman libo la ray lalaki.

Saray Gawgawa 6:7

Kinmayat lan kinmayat so salitay Dios, tan diad Jerusalem dinmakel lan dinmakel iray mananisia. Amayamay iray pati paparin anisia.

Saray Gawgawa 8:12

Balet nen impupulong nen Felipe so Maung a Balitan nipaakar ed Panariay Dios tan say ngaran nen Jesu-Cristo, anisia ra tan nampapabinyag ira, bii man o laki.

Saray Gawgawa 8:3

Si Saulo, balet, ginawa toy anggaay nayaryan to a maneral ed iglisia. Linmoloob ed kaabungan tan ingagayugoy to ray mananisia, bii o laki man, tan impripriso to ra.

Saray Gawgawa 9:2

tan kinmerew na saray sulat a para saray sinagogad Damasco, pian no makalmod man na saray mananombuk ed Dalan et naerel to ra—bibii man o lalaki—tan niakar to rad Jerusalem.

Saray Gawgawa 9:31

Kanyan awalaay kareenan so iglisia ed intiron Judea, Galilea tan Samaria; binmiskeg tan binmaleg lapud tulong na Ispiritu Santo, tan nambilay a sigagalang ed Katawan.

Saray Gawgawa 9:35

Anengneng na amin a manaayam ed Lida tan Saron si Eneas kanyan anisia rad Katawan.

Saray Gawgawa 9:42

Kinmayat yan agawa ed intiron Jope, kanyan amayamay so anisiad Katawan.

2 CORINTO 6:15

Makapampaknaan kasiy Cristo tan say Diablo? Antoy pikasakeyan na mananisia ed saray aliwan mananisia?

TAGA GALACIA 3:28

Anggapo la siriy pandomaan da ray Judio tan saray Hintil, saray aripen tan saray aliwan aripen, saray lalaki tan saray bibii; saksakey kin amin diad pikakasakey yod Cristo Jesus.