Saray Gawgawa 4:26 - Maung A Balita Biblia

²⁶ Saray ararid dalin et imparaan day sikaran dili, tan nantitipon iray manoley a milaban ed Katawan tan say Misias to!’

Maung a Balita Biblia

²⁶ Saray ararid dalin et imparaan day sikaran et dili, tan nantitipon iray manoley a milaban ed Katawan tan say Misias to!

Saray Gawgawa 4:26 Iomraidhean Croise

Saray Salmo 2:1

Akin et mamplaplanon onlaban iray bansa? Akin et manggagawa na saray andi-kakanaan a komplut iray katoowan?

Saray Salmo 2:2

Saray arari ra milalaban ira, saray manoley da mankokomplut ira sumpad Katawan tan say pinili ton ari.

Isaias 7:7

“Balet siak a Katawan kuanko ya ag yan balut nagawa.

Daniel 9:24

“Mamimpiton pitomplo a taon so karokey na panaon ya inggetar na Dios a pangibolus ed saray totoom tan say masanton siudad mo ed kasalanan tan kaogsan. Napirdona so kasalanan tan niletneg so andi-anggaan ya inkatonung, pian ontua so pasingayew tan say propisiya, tan nisaklang lamet ed Dios so masanton Timplo.

Lucas 4:18

“Walad siak so Ispiritu na Katawan, ta pinili to ak a mampulong na Maung a Balita ed saray mairap-bilay. Imbaki to ak a mangibalitad saray apriso a nabolus la ra, tan saray bulag a makanengneng la ra. Imbaki to ak met a mangibalitad saray napapairap a nainawaan la ra,

Saray Gawgawa 10:38

Amta yo no panoy impangiter na Dios ed kinen Jesus a taga Nazaret na Ispiritu Santo tan say pakayari. Nililiber ton amiy pasen, nanggagaway kamaungan tan nampapaabig ed saray papairapey dimonyo, ta say Dios walad sikato.

Saray Hebreo 1:9

Inarom so kaptekan, balet kabosul moy kaogsan; kanyan say Dios a Dios mo pinili to ka, tan initdan to kay liket na kagalangan, a lalon baleg nen say inter tod saray kakaibam.”

Puyan 11:15

Insan sinibuk na kumapiton anghil so trumpita to, tan walay makmaksil iran bosis ed tawen ya inkuanda, “Say panoley ed sankamundoan niiter lad Katawan tayo tan diad Cristo to, tan manarin anggad angga!”

Puyan 12:10

Insan nadngel koy maksil a bosis ed tawen ya inkuanto, “Sinmabi lay pangilabay Dios! Impanengnengto lay pakayari ton Ari! Impanengneng la na Cristo so pakaoley to! Ta apataynan lad tawen so mangaakusan agew-labi ed saray agagi tayo, diad arap na Dios.

Puyan 17:17

Inseksek na Dios ed puso ra so pangonur dad labay to, diad panamegley na pankakasakey dan mangiter ed samay ayep na pakayari ran manoley, anggad ontua ray salitay Dios.