Saray Gawgawa 4:24 - Maung A Balita Biblia

²⁴ Kadngel dad saya, nankakasakey iran nampikasid Dios: “Katawan, sikay amalsay tawen, dalin, dayat, tan amin a logan da!

Maung a Balita Biblia

²⁴ Kadngel dad saya, nankakasakey iran nampikasid Dios: Katawan, sikay amalsay tawen, dalin, dayat, tan amin a logan da!

Saray Gawgawa 4:24 Iomraidhean Croise

2 Saray Arari 19:15

tan nampikasi, “O Katawan a Dios na Israel, manyodyorung kad mapagalang a tronom diad tagey na saray kirubin, bukbukor moy Dios a manooley ed amin a nanarian diad mundo. Pinalsam so tawen tan dalin.

2 Saray Arari 19:19

Kanyan natan, Katawan a Dios mi, iyagel mo kami pad saray taga Asiria, pian naamtaan na amin da ray bansa ed intiron mundo a bukbukor mo, O Katawan, so Dios.”

Nehemias 9:6

Insan saray totood Israel nampikasi ra na onya: “Sika, Katawan, sika labat so Katawan; pinalsam iray katawenan tan saray bitewen ed tawen. Pinalsam so dalin tan say dayat tan amin a logan da; initdan moy bilay iray amin a bengatla. Ondadakmomo tan mangigagalang ed sika iray mangatatawen a pakayari.

Exodo 20:11

Diad loob na anemiran agew siak a Katawan et pinalsak so tawen tan dalin, saray dayat tan amin a logan da, balet diad kumapiton agew nampainawa ak. Sikato yay makasengeg a siak a Katawan et binindisionan koy Agew na Panagpainawa tan ginawak a masanto.

Isaias 51:12

Say Katawan kuanto, “Siak so mamapabiskeg ed sikayo. Akin et takotan yoy too ya ompatey, ya ag mambayag a mambilay a singa dika?

Jeremias 20:13

Mankanta kayod Katawan! Igalang yoy Katawan! Iyaagel to ray napapairap ed pakayari da ray maoges a totoo.

Jeremias 32:17

“Katawan a Dios, lapud baleg a pakayarim tan biskeg mo, ginawam so tawen tan dalin; mainomay mon gawaey antokaman a bengatla.

Saray Gawgawa 14:15

“Sikayon totoo, akin et gagawaen yo ya? Totoo kami met a kapara yo! Impupulong mid sikayoy Maung a Balita, pian nalingwanan yo la ra yan andi-kakanaan a bengatla tan ondago ki lad mabilay a Dios ya amalsay tawen, dalin, tan dayat, tan amin a logan da ra ya.

Saray Gawgawa 16:25

Nen mamepegley lay labi, si Pablo tan si Silas mampipikasi ra tan kakantaan da na saray imno so Dios. Onderengel iray arum a priso.

Saray Gawgawa 4:23

Kablus di Pedro tan Juan, pinmawil iran tampol ed saray kakaiba ra tan imbalita ray imbaga na saray manonan papari tan saray mamatakken na baley.