Saray Gawgawa 3:22 - Maung A Balita Biblia

²² Ta inkuanen Moises, ‘Say Katawan a Dios mamiliy sakey ed saray kadalaan yo, tan gawaen ton propita a singa siak. Nepeg a dengelen yoy amin ya ibaga to.

Maung a Balita Biblia

²² Ta inkuanen Moises, Say Katawan a Dios mamiliy sakey ed saray kadalaan yo, tan gawaen ton propita a singa siak. Nepeg a dengelen yoy amin ya ibaga to.

Saray Gawgawa 3:22 Iomraidhean Croise

Mateo 21:11

Inmebat iray totoo, “Sikato yay propitan manngaray Jesus a taga Nazaret na Galilea.”

Lucas 13:33

Balet nepeg kon ituloy so panaakar kod sayan agew, nabwas, tan diad ontombuk ya agew. Ta ag manepeg a napatey so sakey a propita no aliwan diad Jerusalem.

Lucas 24:19

“Anto ra tan?” tepet to. Inmebat ira, “Saray agawan nipaakar ed kinen Jesus a taga Nazaret, sakey a propitan makapanyari ed salita tan gawa diad matay Dios tan diad amin a katoowan.

Juan 1:17

Inter na Dios so Ganggan ed panamegley nen Moises, balet say aro tan katwaan sinmabid panamegley nen Jesu-Cristo.

Juan 12:46

Linma ak dia a silew ed sankamundoan, pian siopamay manisiad siak et ag mansiansiad kabilongetan.

Juan 5:24

“Ibabagak ed sikayoy katwaan a siopamay ondengel ed salitak tan manisiad samay angibakid siak, walay bilay ton andi-anggaan; ag la nasintinsiaay dusa, lapud nilabasan to lay patey tan linmoob lad bilay.

Juan 8:12

Nansalita lamet si Jesus ed saray totoo. Inkuanto, “Siak so silew na sankamundoan. Say ontombuk ed siak walad sikatoy silew a mangiiter na bilay tan ag manakar ed kabilongetan.”

Saray Gawgawa 7:37

Sikato ni ya may Moises a nankuan ed saray Israelita, ‘Mamiliy Dios na sakey ed sikayo tan gawaen ton propita a singa siak.’

Saray Taga Roma 8:3

Say ag nagawaay Ganggan lapud kakapoyay inkatoo, ginawa lay Dios. Dinusa toy kasalanan ed inkatoo diad panamegley na impangibaki toy dilin Anak to a linma dian too a makapankasalanan, tan nagmaliw a bagat para kasalanan.

Saray Taga Roma 9:5

Diad saray bantug a lalaki da ray Hebreo so sengeg na boleg da, et diad boleg da so nanlapwan nen Cristo sanen nagmaliw a too. Sikato a Dios a Sankatageyan et nagalang komun ed ando lan ando! Amen.

TAGA GALACIA 4:4

Balet nen nagnap lay panaon, say Dios imbaki toy Anak to. Inyanak na sakey a bii, tan nambilay ed silong na Ganggan,

Saray Hebreo 2:1

Kanyan nepeg tayon bembenan na malet iray katwaan a nadngel tayo, pian ag itayo nabalang.

Saray Hebreo 5:9

Nen agawa lan nagnap, nagmaliw ya andi-anggaan a Manangilaban na amin da ray mangoonur ed sikato,

Puyan 1:1

Diad sayan libro nisulat iray impuyan na Dios ed Jesu-Cristo. Impuyan na Dios ira ya, pian nipaamta tod saray aripen to ray asingger lan nakaukolan a nagawa. Impaamta met ira ya nen Jesu-Cristo ed kinen Juan ya aripen to, diad impangibaki toy sakey ya anghil to,