Saray Gawgawa 3:16 - Maung A Balita Biblia

¹⁶ Say pakayariy ngaran nen Jesus so angiter na biskeg ed sayan laki. Agawa ya lapud pananisia ed ngaran to. Say pananisia ed kinen Jesus so amaabig ed sikato, onung na nanenengneng tan kabat yo.

Maung a Balita Biblia

¹⁶ Say pakayariy ngaran nen Jesus so angiter na biskeg ed sayan laki. Agawa ya lapud pananisia ed ngaran to. Say pananisia ed kinen Jesus so amaabig ed sikato, onung na nanenengneng tan kabat yo.

Saray Gawgawa 3:16 Iomraidhean Croise

Mateo 14:29

“Gala dia,” ebat nen Jesus. Kanyan linmeksab si Pedro ed danum, tan ginapoan toy manakar a mamaarap ed kinen Jesus.

Mateo 9:22

Linmingaw si Jesus, anengneng to may bii tan inkuanto, “Paksil moy linawam, anak ko! Say pananisiam so amaabig ed sika.” Inmabig may bii diad saman a bekta.

Juan 14:12

Ibagak ed sikayoy katwaan: siopamay toon manisiad siak gawaen to ray gagawaen ko, tan lalon dakel ni ingen ta onla ak ed Ama.

Juan 7:23

No segaten so ogaw ed Agew na Panagpainawa pian ag nasumlang so Ganggan nen Moises, akin et mamapasnuk kayod siak lapud impamaabig koy sakey a too ed Agew na Panagpainawa?

Saray Gawgawa 14:9

Manyodyorung ya ondedengel ed pampupulong nen Pablo. Ninengneng ton maung imay lopuy, et nen anengneng ton walay pananisia ton onabig,

Saray Gawgawa 16:18

Ginagawa to yan pigay agew la, anggad naoputan lay anos si Pablo. Pinmoliktar tan inkuantod samay maoges ya ispiritu, “Diad ngaran nen Jesu-Cristo, igaganggan kod sikan ekal kad sayan bii!” Tampol ya inmekal imay ispiritu.

Saray Gawgawa 3:6

Inkuanen Pedro ed sikato, “Anggapon balut so kuartak, balet say walad siak, iter kod sika: diad ngaran nen Jesu-Cristo a taga Nazaret, manakar ka!”

Saray Gawgawa 3:8

kinmogtut, inmalagey, insan nanakar-akar. Kaiba to ran linmoob ed Timplo; manaakar a manloklokso tan malikeliket a mangidadayew ed Dios.

Saray Gawgawa 4:10

nepeg yo ya amtaen tan amin a totood Israel, a manalalagey yan tood arap yo tan nagnap so inyabig to, lapud pakayari na ngaran nen Jesu-Criston taga Nazaret. Impasak yod krus, balet say Dios pinaoli tod bilay.

Saray Gawgawa 4:30

Iyonat moy limam a mamaabig, tan iyabuloy mon nagawa ray milagro tan pakelaw ed ngaran nen Jesus a masanton Aripen mo.”

Saray Gawgawa 4:7

Pinaalagey da ray apostol ed arap da tan tinepet da, “Panoy impanggawa yod saya? Diad anton pakayari o ngaran so impanggawa yo ya?”

Saray Taga Roma 3:22

Papaandien na Dios so kasalanan na amin da ray mananisiad Jesu-Cristo, diad panamegley na pananisia rad Jesu-Cristo. Ta anggapoy pandoromaan na anggan siopa:

1 CORINTO 13:2

Anggaman a naitdan ak na pakayarin mampulong na salitay Dios; anggaman a walad siak so kakabatan tan pakatalus ed amin da ray niamut a katwaan; anggaman a walay mabiskeg a pananisiak pian nayarian kon paekalen iray palandey ed kawalaan da, no anggapo balet so arok, anggapoy kakanaan kon too.

Deuteronomio 32:4

“Say Katawan so makapanyarin manangyagel yo, ayadyari tan matonung ya amin so gagawaen to; Matoor tan matwa so Dios yo; say katonungan tan kaptekan so gagawaen to.