Saray Gawgawa 28:2 - Maung A Balita Biblia

² Saray tagad man maumaung ya ogali so impanengneng dad sikami. Onooran tan ambetel so panaon, kanyan amool ira na pandangdangan mi, tan ontan lay impangasikaso rad sikamin amin.

Maung a Balita Biblia

² Saray tagad man maumaung ya ogali so impanengneng dad sikami. Onooran tan ambetel so panaon, kanyan amool ira na pandangdangan mi, tan ontan lay impangasikaso rad sikamin amin.

Saray Gawgawa 28:2 Iomraidhean Croise

Esdras 10:9

Diad loob na taloy agew, linmad Jerusalem iray amin a lalakin manaayam ed dalin na Juda tan Benjamin. Nantitipon irad plasa na Timplo nen kumadwamplon agew na kumasiam a bulan. Mammaples a maung so oran ed saman, et lapud onyay panaon tan lapud ambelat so makasengeg na nantitiponan da, manggiwgiw so balang sakey ed sikara.

Levitico 19:18

Ag kayo ombabawi ed siopaman a too odino say ituloy yon bosulen, no ag ingen aro yo so kapara yon too a singa panangaro yo ed sikayon dili. Siak so Katawan.

Levitico 19:34

Ipasen yo ran singa pangipasen yod saray kapara yon Israelita, tan aro yo ran singa panangaro yod sikayon dili. Ag yo lilingwanan a sangkaili kayo met nen saman ed dalin na Egipto. Siak so Katawan a Dios yo.

Mateo 10:42

Tandaan yo ya! Say mangiter na anggan sakey a bason ambetel a danum ed sakey ed saray sankaabebaan a disipulok, lapud sikatoy disipulok, walay awaten ton awaten a tumang to.”

Juan 18:18

Ambetel ed saman a panaon kanyan amarlang na oring iray aripen tan saray guardia, tan manalalagey iran mandadangdang ed kaliber-liber na apoy. Manalalagey met ya akidangdang si Pedro.

Saray Gawgawa 27:3

Kaimbuas, sinmabi kamid Sidon. Maumaung si Julio ed kinen Pablo, et inabuloyan toy Pablo ya ombisitad saray kakaaro to, pian naitdan day antokaman a nakaukolan to.

Saray Gawgawa 28:3

Anipon si Pablo na kiew. Nen iiyan tod samay apoy, pinmaway so sakey ya oleg lapud apetangan, tan kinmetket ed lima to.

Saray Gawgawa 28:4

Nen anengneng na saramay tagad man imay oleg ya akabitin ed lima to, inkuandad sakey tan sakey, “Talagan managpatey yan too. Nilaban a tuad dayat, balet ag inyabuloy na Kapalaran a mambilay.”

Saray Taga Roma 1:14

Ta nakaukolan a gawaen ko ya ed saray Grigo tan saray barbaro, diad saray walay-aral tan saray anggapoy-aral.

Saray Taga Roma 14:1

Awat yoy agi yon makapoy ed pananisia, balet ag kayo la misasangsangan ed sikato nipaakar ed dilin pakatalus to.

Saray Taga Roma 14:3

Say toon mamangay amin a nakan ag to nepeg a balawey toon mamangay pising labat, tan say toon mamangay pising labat ag to nepeg a sintinsiaay toon mamangay amin a nakan, ta sikatoy inawat na Dios.

Saray Taga Roma 2:27

Saray Hintil ya ag ira atandaay segat balet et oonuren day Ganggan sintinsiaan da kayo a nadusa, ta ag yo onurey Ganggan, anggaman a walad sikayoy nisulat a Ganggan tan atandaan kayoy segat.

1 CORINTO 14:11

Balet no ag ko amtay salitan ikakanay katongtong ko, ag kami makapantalusan.

2 CORINTO 11:27

Asalik so nankikimey tan nansasagput; ontan met a naynay so puyat, eras, tan kaapgaan. Naynay a kulang so kanen, ikawes tan siruman ko.

COLOSAS 3:11

Lapud saya anggapo lay pandomaay Hintil tan Judio, asegat tan ag asegat, barbaro, tood takel, aripen o aliwan aripen; si Cristo so amin tan walad amin.

Saray Hebreo 13:2

Ag yo lilingwanay mamatuloy na saray sangkaili ed abung yo. Wala ray nanggawa ya, et ag da amtan saray anghil so pinatuloy da.