Saray Gawgawa 27:1 - Maung A Balita Biblia

¹ Nen apaletan lay kanunotan a mambiahi kamid dayat ya onlad Italia, impalima ray Pablo tan pigaran priso ed kinen Julio, sakey ya opisyal na rihiminto na Roma a tatawagey “Rihiminto na Impirador.”

Maung a Balita Biblia

¹ Nen apaletan lay kanunotan a mambiahi kamid dayat ya onlad Italia, impalima ray Pablo tan pigaran priso ed kinen Julio, sakey ya opisyal na rihiminto na Roma a tatawagey Rihiminto na Impirador.

Saray Gawgawa 27:1 Iomraidhean Croise

Genesis 50:20

Nankokomplutan yo ak a nanggawaay maoges, balet say Dios impagmaliw to a pankaabigan iman a kaogsan, pian makapambilay iray amayamay a totoo, saray totoon mabilay natan lapud saman ya agawa.

Saray Salmo 33:11

Balet mansiansian anggad angga iray plano na Katawan; ando lan andon mansiansia iray getma to.

Saray Salmo 76:10

Say pasnuk na totoo mansusumpal lamlamang ed lalon pangidayew dad sika; saray ag inatey ed bakal, ituloy dan silibraan iray pistam.

Probirbio 19:21

Nayarin mamplano na amin a bengatla iray totoo, balet say linawa na Katawan so nasumpal.

Saray Tagleey 3:27

Maung a naaralan na sakey a too so mananos manlapud inkaogaw to.

Daniel 4:35

Say pakanengneng tod amin a katoowan et anggapoy kabaliksan da; walad silong na pakayari to iray anghil ed tawen tan saray totoo ed mundo. Anggapoy makasumlang ed linawa to odino makasumpa ed gagawaen to.

Mateo 27:54

Ataktakot a maung imay kapitan tan saramay sondalon kaiba to a mambabantay ed kinen Jesus nen naimatunan da may yegyeg tan amin ya agawa. Inkuanda, “Tuan sikatoy Anak na Dios!”

Lucas 23:47

Nen naimatunan yan agawa na kapitan da ray sondalo, indayew toy Dios. Inkuanto, “Tua a matonung yan too!”

Lucas 7:2

Walad may sakey a kapitan na sanlasus a sondalo a say inararo ton katulong et mansasakit tan ngalngali la ompatey.

Saray Gawgawa 10:1

Diad Cesarea walay lakin manngaray Cornelio, sakey a kapitan da ray sondalod Roma a kabyangan iray tatawagen na “Kompanya Italiana.”

Saray Gawgawa 10:22

Inmebat ira, “Imbaki kami dia nen Kapitan Cornelio. Maung iman a too, manangigalang ed Dios, tan igagalang na amin a Judio. Imbagad sikato na sakey a masanton anghil a paawit to kad abung to, tan ondengel ed antokaman ya ibagam.”

Saray Gawgawa 16:10

Kasumpal to yan payawar, namparaan kamin tampol ya onlad Macedonia, lapud anggapoy duaruwa min tatawagen kamiy Dios a mampulong diman na Maung a Balita.

Saray Gawgawa 18:2

Nabet tod may Aquila, sakey a Judion taga Ponto. Kasabi-sabi to nin nanlapud Italia a kaiba toy Priscila ya asawa to, ta pinataynan nen Impirador Claudio ray amin a Judio ed Roma. Nila nen Pablo ran pinasiar.

Saray Gawgawa 19:21

Kasumpal ya agawa ra yan amin, ninunot nen Pablo ya onlan onla ed Jerusalem kasumpal ton ondalan ed Macedonia tan Acaya. “Kayari na iyakar kod Jerusalem,” inkuanto, “nakaukolan met ya onla ak ed Roma.”

Saray Gawgawa 21:32

Kanyan samay kapitan angitagar na pigaran sondalo tan opisyal, tan binmatik iran linmad kawalaay totoo. Nen anengneng na totoo may kapitan tan saray sondalo, tinondaan dan kabiley Pablo.

Saray Gawgawa 22:26

Nen nadngel ya na samay opisyal, linmad samay kapitan tan inkuanto, “Antoy gagawaen mo? Mibabaley na Roma manaya man a too!”

Saray Gawgawa 23:11

Nen ontombuk a labi, nanalagey so Katawan ed abay nen Pablo tan inkuanto, “Pabiskeg moy linawam! Tinasian mo ak diad Jerusalem. Nepeg mo met yan gawaen diad Roma.”

Saray Gawgawa 23:17

Tinawag nen Pablo so sakey ya opisyal tan inkuanto, “Ibaan mo pa yan tobun-balo ya onlad kapitan, ta walay ibaga to.”

Saray Gawgawa 24:23

Kasumpal to, binilin to may opisyal a bantayan day Pablo, balet ag da eeletan a maung, tan ag da sesebelan ya ontulong ed sikato ray kakaaro to.

Saray Gawgawa 25:12

Kasumpal nen Festo ya akitongtong ed saray sumisimbawa to inkuanto, “Inmapireng kad Impirador, say Impirador sirin so laen mo.”

Saray Gawgawa 25:25

Balet anggapoy arumog kon makasengeg no akin et patey so dusa to. Kinerew ton say Impirador so manintinsiad sikato, kanyan ginetmak ibakik.

Saray Gawgawa 27:11

Balet lalon dinengel na opisyal da ray sondalo so imbaga na akankien tan say kapitan na barko nen say samay simbawa nen Pablo.

Saray Gawgawa 27:43

Balet labay to may opisyal ya ilaban si Pablo, kanyan sinebelan to ra. Ingganggan tod saray marunong ya onlangoy ya onona ran ontabuy ed danum tan onla rad samay isla,

Saray Gawgawa 27:6

Samay opisyal akarumog na barkon nanlapud Alejandria ya onlad Italia, kanyan pinalogan to kamid saman a barko.

Saray Gawgawa 28:1

Nen akatakdang kami lad gilig na dayat, naamtaan min tatawagey Malta iman ya isla.

Saray Gawgawa 28:16

Kasabi mid Roma, naabuloyay Pablo a manayam ed abung a bukbukor to, balet walay sakey a sondalon mambantay ed sikato.

Saray Hebreo 13:24

Ibanoan yo kami pad saray pangulo yo tan amin a totooy Dios. Ibabano da kayo ray agagin walad Italia.