Saray Gawgawa 26:3 - Maung A Balita Biblia

³ Balbaleg a tuay kapalaran ko, lautla ni met ta kabkabat mo ray kaogaliyan tan saray pansasangsangan na saray Judio. Kerewen kod sika sirin ya anosan moy ondengel ed siak.

Maung a Balita Biblia

³ Balbaleg a tuay kapalaran ko, lautla ni met ta kabkabat mo ray kaogaliyan tan saray pansasangsangan na saray Judio. Kerewen kod sika sirin ya anosan moy ondengel ed siak.

Saray Gawgawa 26:3 Iomraidhean Croise

Jeremias 32:11

Insan ko inala ray kupia na saliwan—say atimbrian a kupia a logan toy paknaan tan saray nepeg a gawaen, tan say lokas a kupia.

Saray Gawgawa 21:21

Abalitaan dan ibabangat mod saray Judion manaayam ed saray bansan Hintil a lingwanan da lay Ganggan nen Moises. Ibabagam met konon ag da la tandaay segat iray anak da, tan ag da la tombuken iray kaogaliyan da ray Judio.

Saray Gawgawa 24:10

Sininyasan nen Gobirnador si Pablo a mansalita. Inkuanen Pablo, “Kabat kon pigay taon ka lan huis ed sayan bansa, kanyan maliket ak a mangyagel ed laman kon dili diad arap mo.

Saray Gawgawa 24:4

Balet pian ag mi ka la naabala, kerewen mi ya ipangasim a dengelen mo pan magano so ibaga mi.

Saray Gawgawa 25:26

Balet anggapoy malinew ya isulat kod Impirador nipaakar ed sayan too. Kanyan iyaarap kod sikayo tan lautlad sika, Ari Agripa, pian walay nisulat ko, kasumpal tin imbistigaen.

Saray Gawgawa 26:2

“Arin Agripa, ipapasen ko a diad sayan agew balbaleg so kapalaran kon mangyagel ed laman kon dili lapud amin a pangaakusaan ed siak na saray Judio.

Saray Gawgawa 26:26

Niay Ari Agripa! Makmakpel ak a nansalitad sikato, ta amta to ra ya. Ag ak manduaruwan nanaimano to ra yan amin, ta ag ira agawad maamut.

Saray Gawgawa 26:7

Sayan sipan iilaloan met a nagamuran na saray labinduan tribu na totoo mi, legan dan mangigagalang a masimsimoon ed Dios, agew may labi. Lapu met ed sayan ilalo. Arin Agripa, aakusaen ak na saray Judio!

Saray Gawgawa 28:17

Kalabas na taloy agew, impatawag nen Pablo ray manonan Judio ed siudad. Nen wadman la ra inkuanto, “Agagi, anggaman ya anggapoy ginawak sumpad bansa tayo, o sumpad saray kaogaliyan na saray lalaki tayo, impriso da ak ed Jerusalem tan impalima da ak ed saray mibabaley na Roma.

Saray Gawgawa 6:14

Ta nadngel min imbagbaga to a sayan Jesus a taga Nazaret et deralen to yan Timplo, tan salatan ton amin iray kaogaliyan ya impatawir nen Moises ed sikatayo.”

1 CORINTO 13:2

Anggaman a naitdan ak na pakayarin mampulong na salitay Dios; anggaman a walad siak so kakabatan tan pakatalus ed amin da ray niamut a katwaan; anggaman a walay mabiskeg a pananisiak pian nayarian kon paekalen iray palandey ed kawalaan da, no anggapo balet so arok, anggapoy kakanaan kon too.

Deuteronomio 17:18

No nagmaliw lan ari, nepeg a nawalaan na libro na saray ganggan tan saray bangat na Dios a kinopia ed libron isisinup da ray Levitan pari.