Saray Gawgawa 26:29 - Maung A Balita Biblia

²⁹ Inmebat si Pablo, “Diad antikey o andokey a panaon, iyabuloy komuy Dios ya aliwan sika labat, no ag ingen amin a makakadngel ed siak natan, so magmaliw met komun a singa siak—likud labat ed sayan inkabalur koy golung-golung!”

Maung a Balita Biblia

²⁹ Inmebat si Pablo, Diad antikey o andokey a panaon, iyabuloy komuy Dios ya aliwan sika labat, no ag ingen amin a makakadngel ed siak natan, so magmaliw met komun a singa siaklikud labat ed sayan inkabalur koy golung-golung!

Saray Gawgawa 26:29 Iomraidhean Croise

2 Samuel 18:33

Agaylay ermen na ari. Linmad kuarton walad tagey na puirta. Legan ton oonla, manakakis tan kuanto, “O anak ko! Anak kon Absalom, anak ko! Siak la komuy inatey, aliwan sika, O anak ko! Absalom, anak ko!”

2 Saray Arari 5:3

Aminsan inkuanto yan aripen a bii ed amo ton bii, “Onla komun si amok ed samay propitan manaayam ed Samaria! Paabigen to.”

Exodo 16:3

Inkuandad sikara, “Magmaung ni la laingen komun no say Katawan et pinapatey to kamid man ed Egipto. Nayarian mid may ondongo a mangan na karni tan arum ni ran kakanen ed anggaay nayarian mi. Balet inawit yo kami a pateyen ed eras diad kalawakan.”

Jeremias 13:17

No ag kayo ondengel, maamut a manakis ak lapud panagpaatagey yo. Manakis ak na ampaipait, tan onagos so luak lapud nalan adakep iray totoo na Katawan.

Jeremias 38:20

Inkuankod sikato, “Ag ka nipalimad sikara. Kerewen kod sika ya onur moy salitay Katawan onung na imbagak lad sika; diad ontan maung so pansumpalan mo. Nipaliis kad patey.

Saray Bilang 11:29

Inmebat si Moides, “Nununoten mo so pankaabigan ko? Oy la komun a say Katawan et iter tod amin a totoo to so ispiritu to tan paeyagan to ran amin a singa saray propita!”

Juan 5:34

Aliwan say nakaukolan koy pantasiy too. Ibabagak ya labat ed sikayo, pian nilaban kayo.

Saray Gawgawa 12:6

Sakey a labi, nanaogip si Pedro ed pegley na duaran guardia. Binalur day duaran golunggolung, tan wala ni ray guardian mambabantay ed puirtay prisowan. Diad ontombuk a kabwasan, sikato lay pangiparontal nen Herodes ed kinen Pedro ed saray ombaley.

Saray Gawgawa 21:33

Dinago na samay kapitan si Pablo, inerel to tan impabalur to na duaran golunggolung. Insan tinepet to, “Siopa yan too, tan antoy ginawa to?”

Saray Gawgawa 25:14

Nen akapambayag la rad man, imbaga nen Festo ed ari so kipapasen nen Pablo. Inkuanto, “Wala diay sakey a lakin priso ya intilak nen Felix.

Saray Taga Roma 10:1

Agagi, ontan lay pampipilalek tan pampipikasik ed Dios a nilaban ira komuy kadalaan tan kabaleyan ko.

1 CORINTO 4:8

Wala la ray amin a nakaukolan yo! Mayaman kayo la! Arari kayo la, anggaman a sikami et andi! Maung no petepeteg kayo lan arari, pian kaiba yo kami met a makapanoley.

1 CORINTO 7:7

Labay kon aligen yo ak komun ya amin. Balet balang sakey walay langkap ton manlapud Dios, tan ag nampaparay walad sinansakey.

2 CORINTO 11:1

Anosan yo ak komun no bilang ta singa ak makulang-kulang.

TAGA-EFESO 6:20

Lapud sayan Maung a Balita, nibaki ak, anggaman a wadya ak natan ed dalem na prisowan. Ipikasi yon matalek ak a mangipulong onung na nepeg kon gawaen.

COLOSAS 1:28

Kanyan ipupulong miy Cristo ed amin a katoowan. Diad anggaay walan kakabatan mi, sisimbawaen tan babangatan miy amin a katoowan, pian say balang sakey niarap mi ya anggapoy pakabalawan ed sikato diad arap na Dios, lapud pikakasakey ed Cristo.