Saray Gawgawa 26:2 - Maung A Balita Biblia

² “Arin Agripa, ipapasen ko a diad sayan agew balbaleg so kapalaran kon mangyagel ed laman kon dili lapud amin a pangaakusaan ed siak na saray Judio.

Maung a Balita Biblia

² Arin Agripa, ipapasen ko a diad sayan agew balbaleg so kapalaran kon mangyagel ed laman kon dili lapud amin a pangaakusaan ed siak na saray Judio.

Saray Gawgawa 26:2 Iomraidhean Croise

Saray Salmo 119:46

Ibawag kod saray arari iray ganggan mo, et ag ak ombaing.

Mateo 10:19

No iyakar da kayod korti, ag kayo mapaga no antoy ibaga yo, o no panoy pangibaga yo. Diad satan ya oras, onsabid kanunotan yoy ibaga yo.

Lucas 12:11

“No awiten da kayon akusaen ed saray sinagoga o diad arap da ray gobirnador o arum iran manoley, ag yo pampapagaan no panoy pangyagel yod sikayon dili o no antoy ibaga yo.

Lucas 21:12

Balet kasakbayan a nagawa ra yan amin, erelen da kayo, insan da kayo pairapen. Iyakar da kayod saray sinagoga tan saray prisowan. Iyarap da ki met ed saray arari tan saray gobirnador, lapud siak.

Saray Gawgawa 25:26

Balet anggapoy malinew ya isulat kod Impirador nipaakar ed sayan too. Kanyan iyaarap kod sikayo tan lautlad sika, Ari Agripa, pian walay nisulat ko, kasumpal tin imbistigaen.

Saray Gawgawa 26:1

Inkuanen Agripa ed kinen Pablo, “Naabuloyan kan mansalita, pian niagel moy laman mon dili.” Inyonat nen Pablo ray lima to a pangiter toy galang, insan inyagel toy laman ton dili diad panamegley na sarayan balikas:

Saray Gawgawa 26:19

“Kanyan, Ari Agripa, ag ak sinmumlang ed payawar a nanlapud tawen.

Saray Gawgawa 26:26

Niay Ari Agripa! Makmakpel ak a nansalitad sikato, ta amta to ra ya. Ag ak manduaruwan nanaimano to ra yan amin, ta ag ira agawad maamut.

Saray Gawgawa 26:3

Balbaleg a tuay kapalaran ko, lautla ni met ta kabkabat mo ray kaogaliyan tan saray pansasangsangan na saray Judio. Kerewen kod sika sirin ya anosan moy ondengel ed siak.

Saray Gawgawa 26:7

Sayan sipan iilaloan met a nagamuran na saray labinduan tribu na totoo mi, legan dan mangigagalang a masimsimoon ed Dios, agew may labi. Lapu met ed sayan ilalo. Arin Agripa, aakusaen ak na saray Judio!