Saray Gawgawa 26:17 - Maung A Balita Biblia

¹⁷ Iyagel ta kad saray Israelita tan saray Hintil a pangibakian kod sika.

Maung a Balita Biblia

¹⁷ Iyagel ta kad saray Israelita tan saray Hintil a pangibakian kod sika.

Saray Gawgawa 26:17 Iomraidhean Croise

1 Saray Awaran 16:35

Ikuanyod sikato, “Iyagel mo kami pa, O Dios a Manangilaban mi; pantitipon mo kami pa; iyagel mo kamid saray kalaban a bansa, pian misalamat kami tan idayew miy masanton ngaran mo.”

Saray Salmo 34:19

Amayamay iray gunigon a paniirapay toon matonung, balet say Katawan ilalaban tod amin a gunigon to;

Jeremias 1:8

Ag ka ontatakot ed sikara, ta wala ak a mangyagel ed sika. Siak, say Katawan, so nansalita!”

Ezekiel 3:5

Ag ta ka ibabakid saray totoon mansasalita na mairap a salita na arum a bansa, no ag ingen ibabaki ta kad saray Israelita.

Saray Gawgawa 13:50

Balet saray Judio sinogsogan dan mamairap ed kindi Pablo tan Bernabe iray matalonan bibii a mangigagalang ed Dios tan saray matalonggaring a lalakid saman a siudad, kanyan pinataynan da rad man.

Saray Gawgawa 16:39

Kanyan linma ra, tan akikerew iray pirdonad sikara. Impaway da rad prisowan, insan da kinerew ya ontaynan la ra.

Saray Gawgawa 17:10

Diad labi to man, saray agagi imbaki rad Berea si Pablo tan si Silas. Kasabi ra, linma rad sinagoga da ray Judio.

Saray Gawgawa 17:14

Saray agagi pinaalis dan tampol si Pablo tan pinaonla rad gilig na dayat, balet atilak ira di Silas tan Timoteo.

Saray Gawgawa 18:10

ta iibaan ta ka. Anggapoy maniwit ed sika, ta amayamay iray totook ed sayan siudad.”

Saray Gawgawa 25:3

paiyakar toy Pablo ed Jerusalem, ta walay plano ra a sabaten tan pateyen ed dalan.

Saray Gawgawa 28:28

Inkuanen Pablo ed kaonuran, “Nepeg yon amtaen a nipulong lad saray Hintil yan balita a nipaakar ed pangilabay Dios. Ondengel ira!”

Saray Gawgawa 9:15

Balet inkuan na Katawan ed sikato, “Laka la, ta sikatoy pinilik a manlingkur ed siak. Sikatoy mangipaamtay ngaran ko ed saray Hintil, saray arari, tan saray totood Israel.

Saray Taga Roma 11:13

Saya met so ibagak ed sikayo ran Hintil: dapot apostol ak na saray Hintil, ikikinon koy panaglingkur ko,

Saray Taga Roma 15:16

a magmaliw ak a kumikimey nen Cristo Jesus ed saray Hintil. Singa ak parin mangipupulong ed sikara na Maung a Balitan nanlapud Dios, pian magmaliw iran bagat a makapaliket ed Dios, bangta pinasanto ra na Ispiritu Santo.

TAGA GALACIA 2:9

Naamtaan di Santiago, Pedro, tan Juan, saray nabibirbir a lusek na iglisia, a say Dios so angiter ed siak na sayan nidoman kimey. Kanyan pinasamano da kami nen Bernabe a tanda na impangawat dad sikamin kakimeyan da. Nampapaknaan min onla kamid saray Hintil, tan onla ra balet ed saray Judio.

1 Timoteo 2:7

Lapud saya, atoro ak ya apostol tan bumabangat ed saray Hintil, pian nipulong kod sikaray nipaakar ed pananisia tan katwaan. Katwaay ibabagak, ag ak mantitila!

2 Timoteo 1:11

Say Dios pinili to ak ya apostol a mampulong tan mambangat na Maung a Balita,

2 Timoteo 3:11

Amtam so impanpapairap dad siak, ontan met ed impantetepel koy kairapan diad Antiokia, Iconio, tan Listra. Balet diad amin da ra ya, inyagel ak na Katawan.