Saray Gawgawa 26:16 - Maung A Balita Biblia

¹⁶ Bangon ka tan alagey ka! Pinmayawar ak ed sika, ta pinili ta kan managlingkur. Ibalitam so anengneng mo ed siak natan tan say ipanengneng ko nid sika.

Maung a Balita Biblia

¹⁶ Bangon ka tan alagey ka! Pinmayawar ak ed sika, ta pinili ta kan managlingkur. Ibalitam so anengneng mo ed siak natan tan say ipanengneng ko nid sika.

Saray Gawgawa 26:16 Iomraidhean Croise

Ezekiel 2:1

Nen anengneng ko ya, tinmikleb ak ed dalin. Insan ko nadngel so bosis a kuanto, “Sika a toon ompatey, alagey ka. Labay koy mitongtong ed sika.”

Daniel 10:11

Inkuan na samay anghil ed siak, “Daniel, inararo ka na Dios. Alagey ka tan dengedengel moy ibagak ed sika. Nibaki ak ed sika.” Kapangibaga to yad siak, inmalagey ak a mangigiwgiw ni.

Lucas 1:2

Insulat da ray imbabalitad sikami na saray akakkaimatun nanlapud gapo ed sarayan agawgawa tan nampupulong na salitay Dios.

Saray Gawgawa 1:17

Kabkaiba mi nen saman, ta apili met a minabang ed panaglingkur.”

Saray Gawgawa 1:25

a magmaliw ya apostol ya onsalat ed kinen Judas a linma lad pasen a kanepegan to.”

Saray Gawgawa 20:24

Balet ipapasen kon anggapoy kuinta so bilay ko, dapot nasumpal koy kimey ko tan say inter na Katawan a Jesus a gawaen ko, salanti, say pampulong koy Maung a Balitan nipaakar ed baleg a panangaroy Dios.

Saray Gawgawa 21:19

Kasumpal ton inggalang ira nen Pablo, indalatdat to ray ginagaway Dios ed saray Hintil diad panamegley na impanlingkur to.

Saray Gawgawa 22:10

Tinepet ko, ‘Antoy nepeg kon gawaen, Katawan?’ Inkuanto, ‘Alagey ka, tan lakad Damasco, ta diman nibagad sikay amin a niganan gawaen mo.’

Saray Gawgawa 23:11

Nen ontombuk a labi, nanalagey so Katawan ed abay nen Pablo tan inkuanto, “Pabiskeg moy linawam! Tinasian mo ak diad Jerusalem. Nepeg mo met yan gawaen diad Roma.”

Saray Gawgawa 26:15

‘Siopa ka, Katawan?’ tinepet ko. Inkuan na Katawan, ‘Siak si Jesus a papairapen mo.

Saray Gawgawa 6:4

Sikami, balet, ikana mi lay amin ya oras mi ed pampulong tan pampikasi.”

Saray Taga Roma 1:5

Diad panamegley to, inawat mid Dios so baleg a panangaro to tan say inkaapostol, pian natanggoyur min manisia tan mangonur ed Cristo iray amin a katoowan.

Saray Taga Roma 15:16

a magmaliw ak a kumikimey nen Cristo Jesus ed saray Hintil. Singa ak parin mangipupulong ed sikara na Maung a Balitan nanlapud Dios, pian magmaliw iran bagat a makapaliket ed Dios, bangta pinasanto ra na Ispiritu Santo.

2 CORINTO 4:1

Lapud panangasi na Dios, inter tod sikami yan panaglingkur, kanyan ag onkapoy so linawa mi.

2 CORINTO 5:18

Say Dios so nanggawad sayan amin. Aliwa kami lan kabosul to, no ag ingen imbilang to kami lan kaaro to diad panamegley nen Cristo, tan initdan to kamiy kimey a mamapawil ed saray arum a totoo ed sikato.

TAGA GALACIA 1:12

Ta ag ko inawat ed too, o imbangat na arum ed siak; si Jesu-Cristo so angipuyan ed siak.

TAGA GALACIA 2:2

Pinmawil ak ta impuyan na Dios ed siak ya onla ak diman. Akitongtong ak ed saray panguloy iglisia diad pasen ya anggapoy arum ya akadngel, tan impaliwawak ed sikaray Maung a Balita ya ipupulong kod saray Hintil. Ginawak ya, ta ag ko labay a magmaliw ya andi-kakanaan so sagput ko nen saman tan anggad natan.

TAGA-EFESO 3:3

Say Dios impuyan tan impaamta tod siak so maamut a plano to. Nansulat ak lad sikayoy antikey nipaakar ed saya,

COLOSAS 1:23

Balet nakaukolan a mansiansia kayon malet tan mabiskeg ed pananisia. Ag yo aabuloyan a naekal so ilalon agamuran yo nen nadngel yoy Maung a Balita. Lapud sayan Maung a Balitan nipupulong ed amin a katoowan, siak, a si Pablo, et nagmaliw ak a managlingkur.

COLOSAS 1:25

Say Dios ginawa to ak a managlingkur ed iglisia, pian natulongan ta kayo diad panggawak na kimey ya inter na Dios ed siak. Sayan kimey et say nasput a pangipulong na salitay Dios,

COLOSAS 1:7

Nadngel yo yad kinen Epafras, say pinabli min kumikimey nen Cristo tan matoor a kakimeyan a mangilalaman ed sikami.

1 TESALONICA 3:2

insan mi imbakiy Timoteo ya agi tayo tan kaiban manlilingkur ed Dios diad panangipulong na Maung a Balitan nipaakar ed Cristo. Imbaki mid tan a mamabiskeg na linawa yo tan ontulong ed pananisia yo,

1 Timoteo 1:12

Misasalamat ak ed Katawan tayon Cristo Jesus, ya amabiskeg ed siak para sayan kimey ko, ta impasen to ak a manepeg diad impanoro tod siak a kumikimey to.

1 Timoteo 4:6

Magmaliw kan maung a managlingkur nen Cristo Jesus no ibangat mo ra yan bilin ed saray agagi. Legan mon ibabangat ira ya, tataganoen mo met so sikan dili na maispiritun kakanen, salanti saray salitan nipaakar ed pananisia tan say tuan bangat ya oonuren mo la.

2 Timoteo 4:5

Balet nepeg a maadya ka lawas. Itepel mo ray kairapan ya onsabid sika. Gawam so kimey na sakey a managpulong na Maung a Balita, tan say amin a kimey na sakey a managlingkur na Dios.