Saray Gawgawa 21:7 - Maung A Balita Biblia

⁷ Manlapud Tiro, intuloy miy pambiabiahi mi ya anggad Tolemaida. Ninengneng mi ray agagid man tan nanayam kamid may sanagew.

Maung a Balita Biblia

⁷ Manlapud Tiro, intuloy miy pambiabiahi mi ya anggad Tolemaida. Ninengneng mi ray agagid man tan nanayam kamid may sanagew.

Saray Gawgawa 21:7 Iomraidhean Croise

Mateo 5:47

No say igalang yo labat et saray kakaaro yo, antoy pidomaan yod saray arum? Gagawaen ya met na saray Hintil!

Saray Gawgawa 1:15

Kalabas na pigaran agew, nantitipon iray sakey a sanlasus tan duamplon mananisia. Inmalagey si Pedro tan inkuanto,

Saray Gawgawa 12:20

Agaylay pasnuk nen Herodes ed saray taga Tiro tan Sidon, kanyan nampapaknaan day onlad sikato. Inmasingger ni rad kinen Blasto ya inkargadoy palasio, pian naibaan to ran miariglo ed kinen Herodes, ta say pambibilay da et manlalapud dalin a nasasakopan to.

Saray Gawgawa 18:22

Nen sinmabid Cesarea, linmad Jerusalem tan angilugay ed saray kabyangay iglisiad man, insan tinmuloy ed Antiokia.

Saray Gawgawa 21:10

Kalabas na pigaran agew na impanayam mid man, sinmabin nanlapud Judea so sakey a propitan manngaray Agabo.

Saray Gawgawa 21:17

Kasabi mid Jerusalem maliket iray agagin angawat ed sikami.

Saray Gawgawa 21:19

Kasumpal ton inggalang ira nen Pablo, indalatdat to ray ginagaway Dios ed saray Hintil diad panamegley na impanlingkur to.

Saray Gawgawa 21:3

Sinmabi kamid pasen a sankanengneng so Chipre, balet nampakawanan kamin linmabas tan sinmabi kamid Siria. Sinmarsar kamid Tiro, ta mangyepas may barko na karga to.

Saray Gawgawa 25:13

Kalabas na pigay agew, sinmabid Cesarea si Ari Agripa tan si Bernice, ta pagalangan day Festo.

Saray Gawgawa 28:12

Sinmabi kamid siudad na Siracusa tan tinmonda kamid may taloy agew.

Saray Hebreo 13:24

Ibanoan yo kami pad saray pangulo yo tan amin a totooy Dios. Ibabano da kayo ray agagin walad Italia.

1 Samuel 10:4

Ilugay da ka tan itdan da kay duaran tinapay; awat mo ra.

1 Samuel 13:10

tan diad pakasusumpal to, sinmabiy Samuel. Pinmaway ya onabet si Saul, tan inggalang to.