Saray Gawgawa 20:29 - Maung A Balita Biblia

²⁹ Amtak a no kasiput ko, ondago rad sikayoy masesebeg ya asod katakelan tan anggapoy panangasiy panderal dad saray karniro.

Maung a Balita Biblia

²⁹ Amtak a no kasiput ko, ondago rad sikayoy masesebeg ya asod katakelan tan anggapoy panangasiy panderal dad saray karniro.

Saray Gawgawa 20:29 Iomraidhean Croise

Jeremias 13:20

Jerusalem, nengneng mo! Onsasabin manlapud baybay iray kalaban mo! Kawalaan da ray totoon nipiad sikan asikasoen mo, saray totoom ya ikikinon mo?

Jeremias 23:1

Makapataktakot so isintinsia na Dios ed saray manoley a manederal tan mangikakayat ed saray totoo to.

Ezekiel 22:27

Saray pangulo na gobirno et singa ra saray asod katakelan a mambibingkas na pinatey dan ayayep. Mampapatey ira na totoo, pian onyaman ira.

Ezekiel 34:8

Andi-duaruwa a siak so mabilay a Dios; dinmengel kayo komun ed siak. Dinogpaan, pinatey tan binuag na saray ayayep ed katakelan iray karnirok lapud anggapoy mampastol ed sikara. Saray pumapastol ko et ag da inanap iray karnirok. Say laman dan dili so inaasikaso ra, aliwan saray karniro.

Daniel 11:34

Legan a nitutuloy so panagpatey, dagdaiset so tulong a naawat na saray totooy Dios. Anggaman ya amayamay so migampid sikara, maoges balet so getma ra.

Sofonias 3:3

Singa mangwam a lion iray opisyal to; singa narasan ya asod katakelan iray huis to, a diad gaway inkaagom to et ag to nataynan ya anggad kabwasan so pokel.

Zacarias 11:17

Pakaskasiy kipapasen na satan ya andi-kakanaan a pumapastol! Inkaindan to ray karniro to. Sigput a deralen na bakal so pakayari to. Naparalisis so taklay to, tan nabulag so kawanan a mata to.”

Mateo 10:16

“Dengel kayo! Ibabaki ta kayon singa karniro ed pegley da ray asod katakelan. Nakaukolan a maalwar kayo a singa saray oleg tan mauyamo kayo a singa saray malapati.

Mateo 7:15

“Manalwar kayod saray tila-tilan propita. Omparontal irad sikayo a singa ra karniro balet, diad tuay tua, singa ra asod katakelan.

Lucas 10:3

Laka yo la! Ibaki ta kayon singa saray karniro ed pegley da ray asod katakelan.

Lucas 12:32

“Ag kayo natatakot, sikayon pigaran papastolan ko, ta maliket so Ama yon mangiter ed sikayo na Panarian.

Juan 10:12

Say mimiupa ya aliwan pastol et ombatik no nanengneng ton nitan lay asod katakelan. Ibatikan to ray karniro lapud mimiupa labat, tan ag to kayaryan iray karniro. Kanyan sibaren tan buyaken na asod katakelan iray karniro.

Juan 21:15

Kasumpal dan angan, tinepet nen Jesus ed kinen Simon Pedro, “Simon ya anak nen Juan, lalon inaro mo ak nen saraya?” “On, Katawan,” ebat to, “amtam ya inaro ta ka.” Inkuanen Jesus ed sikato, “Asikasom iray kordirok.”

Saray Gawgawa 20:28

Asikaso yoy sikayon dili tan amin a karniro, salanti saray kabyangay iglisia a sikaray impia ed sikayo na Ispiritu Santo. Asikaso yoy iglisia na Dios a dinondon to diad panamegley na dala ton dili.

1 Pedro 5:2

pastolan yoy poluk da ray karniro na Dios ya impalima tod sikayo. Asikaso yon mabolbolus onung ed linaway Dios, aliwan diad pasootan. Gawa yoy kimey yo, aliwa labat a lapud pangawat yoy bayar, no ag ingen lapud liket yon manlingkur.

2 Pedro 2:1

No panoy inkiwala da ray tila-tilan propita ed saray totoo nen saman, ontan met ya onlesad sikayo ray tila-tilan bumabangat. Ikana ray tila-tilan bangabangat a makaderal ed sikayo. Ipolisay da ni ingey Katawan ya angilaban ed sikara, kanyan biglan ondapod sikaray kadederal.

Judas 1:18

Inkuandad sikayo, “Diad kaonuran iran agew, ompaway iray managbalaw, totoon mangoonur na maoges iran pilalek da.”