Saray Gawgawa 2:47 - Maung A Balita Biblia

⁴⁷ Indadayew day Dios tan labalabay iray amin a totoo. Inagew-agew, saray totoon nilaban inyaarum na Katawan ed grupo ra.

Maung a Balita Biblia

⁴⁷ Indadayew day Dios tan labalabay iray amin a totoo. Inagew-agew, saray totoon nilaban inyaarum na Katawan ed grupo ra.

Saray Gawgawa 2:47 Iomraidhean Croise

Lucas 19:48

Balet ag da amta no panoy pamatey da, ta agaylay karerengel ed sikato na amin da ray totoo.

Lucas 2:52

Binmaleg si Jesus, binmaleg met so kakabatan to, tan say panangaroy Dios tan saray totoo ed sikato.

Saray Gawgawa 11:21

Walad sikaray pakayari na Katawan, kanyan amayamay so totoon anisia tan pinmawil ed Katawan.

Saray Gawgawa 11:24

Sayay Bernabe maung a too, napnoy Ispiritu Santo tan mabiskeg so pananisia to. Kanyan amayamay a totooy niasingger ed Katawan.

Saray Gawgawa 13:48

Nen nadngelan ya na saray Hintil, makaliliket ira tan indayew day salita na Katawan; tan anisia ray totoon apilin makagamur na bilay ya andi-anggaan.

Saray Gawgawa 14:1

Ontan met so agawad Iconio: linmoob ira di Pablo tan Bernabe ed sinagoga da ray Judio. Diad ontan lan impansalita ra, amayamay iray Judio tan Hintil ya anisia.

Saray Gawgawa 14:21

Impupulong di Pablo tan Bernabe so Maung a Balita ed Derbe tan amayamay so atanggoyur dan mandisipulo. Pinmawil irad Listra, Iconio, tan diad Antiokia na Pisidia.

Saray Gawgawa 16:5

Kanyan binmiskeg so pananisia da ray amin a kabyangan na saray iglisia, tan inagew-agew a dinmakel so bilang da.

Saray Gawgawa 17:12

Kanyan amayamay irad may Judion anisia; ontan met na saray Grigo—saray lalaki tan saray gagalangen a bibii.

Saray Gawgawa 2:39

Ta insipay Dios yad sikayo tan saray anak yo, tan diad saray amin a walad arawi—amin a tatawagen na Dios a Katawan tayo.”

Saray Gawgawa 2:41

Kanyan saramay anisiad impulong to, nampabinyag ira. Diad saman ya agew, sakey a talon libon totoo so niarum ed bilang da ray mananisia.

Saray Gawgawa 4:21

Lalon sinebelan iray kabyangay Sanidrin, insan da ra imbolus. Anggapoy naalmo ran makasengeg na panusa rad sikara, ta idadayew na amin a totoo so Dios, lapud sayan agawa.

Saray Gawgawa 4:33

Intuloy na saray apostol so manggawa na saray milagro a pamaneknek da ed inkiolid bilay nen Jesus a Katawan. Inter na Dios ed sikaran amin so bindision ton ag nasabsabaan.

Saray Gawgawa 4:4

Anggaman ontan, amayamay ed saray akadngel na impupulong da so anisia. Diad sarayan anisia, sakey a liman libo la ray lalaki.

Saray Gawgawa 6:1

Ag abayag, nen ondarakel la ray mananisia, saray Judio a Grigo so salita ra et nanriklamo ra sumpad saray Judion nianak lad man. Napapaolyanan ira konoy bibiin balo ed sikara diad inagew-agew a panagbunog na pambilay.

Saray Gawgawa 6:7

Kinmayat lan kinmayat so salitay Dios, tan diad Jerusalem dinmakel lan dinmakel iray mananisia. Amayamay iray pati paparin anisia.

Saray Gawgawa 9:31

Kanyan awalaay kareenan so iglisia ed intiron Judea, Galilea tan Samaria; binmiskeg tan binmaleg lapud tulong na Ispiritu Santo, tan nambilay a sigagalang ed Katawan.

Saray Gawgawa 9:35

Anengneng na amin a manaayam ed Lida tan Saron si Eneas kanyan anisia rad Katawan.

Saray Taga Roma 14:18

Say manlingkur na onya ed Cristo et paliketen toy Dios tan abubonay totoo.

Saray Taga Roma 8:30

Kanyan tinawag to ray inggana to la nen saman. Pinaandi toy kasalanan da ray tinawag to, tan initdan toy kagalangan iray pinaandian toy kasalanan.

Saray Taga Roma 9:27

Onya met so imbawag nen Isaias nipaakar ed Israel: “Anggan magmaliw a singa karakel na buer ed dayat so bilang da ray totood Israel, daiset ed sikara so nilaban.

1 CORINTO 1:18

Ta diad saray nababalang, anggapoy kabaliksan na balitan nipaakar ed impatey nen Cristo ed krus; balet diad sikatayon nilalaban, sikatoy pakayari na Dios.