Saray Gawgawa 2:40 - Maung A Balita Biblia

⁴⁰ Amayamay niy sinalita nen Pedro ed sikara a pamaneknek tod saray imbabaga to, tan insimbawa to, “Paliis kayod saray maoges a totoo ed sayan panaon, pian ag kayo nalanur ed dusan onsabid sikara!”

Maung a Balita Biblia

⁴⁰ Amayamay niy sinalita nen Pedro ed sikara a pamaneknek tod saray imbabaga to, tan insimbawa to, Paliis kayod saray maoges a totoo ed sayan panaon, pian ag kayo nalanur ed dusan onsabid sikara!

Saray Gawgawa 2:40 Iomraidhean Croise

Probirbio 9:6

Taynan moy olupan da ray totoon anggapoy amta, tan mambilay ka. Mankurang kad dalan na pakaamta.”

Jeremias 51:45

Totoon taga Israel, ibatikan yo la so Babilonia! Ibatikan yoy ontan lan pasnuk ko diad pangyagel yod bilay yo.

Mateo 12:34

Apoliyan kayon talagay oleg! Panon kayon makapansalitay maung no maoges kayo? Ta manlapud puso so ibalikas na sangi!

Mateo 16:4

Maoges tan aliwan matoor ed Dios iray totood sayan panaon! Labay yoy makanengneng na milagro, anto? Anggapoy nanengneng yo no ag say milagro nen Jonas!” Tinaynan nen Jesus ira tan inmarawi.

Mateo 17:17

Inmebat si Jesus: “Agaylay kinaoges tan ag yo panisiad Dios, sikayon totood sayan panaon! Anggad kapigan kasiy piolup-olup kod sikayo? Anggad kapigan kasiy pananos kod sikayo? Iyakar yo pa dia tay ogaw.”

Mateo 23:33

Ooleg tan anak na ooleg kayo! Panon yon naliktaray dusa ed impirno?

Marcos 8:38

Kanyan siopamay mangibaing ed siak tan saray salitak ed sayan panaon a makasalanan tan ag mamirbir ed Dios, sikato met so ibaing na Anak na Too, no onla dian ompawil a kataruk toy kagalangay Ama tan kaiba to ray masanton anghil.”

Lucas 16:28

ta walad may limaran agagik a lalaki. Paonla yo pad man ta pasakbayan to ra, pian ag ira makakar ed sayan pasen na kairapan.’

Lucas 21:36

Kanyan nakaukolan a sipaparaan kayo lawas tan ag yo totondaay mampikasi, pian nawalaan kayoy biskeg ya ompaliis ed amin da ra yan nagawa, tan makapiarap kayod Anak na Too.”

Juan 21:25

Dakerakel ni ray arum a ginagawa nen Jesus a no isulat iran amin, isipen kon ag nakargay intiron mundo ray libron pangisulatan.

Saray Gawgawa 10:42

Ingganggan to kamin mampulong ed saray katoowan, tan mamaneknek a say Dios et pinili ton sikatoy manintinsia ed saray mabilay tan saray inatey.

Saray Gawgawa 15:32

Si Judas tan si Silas, a propita met ira, abayag iran nansalita tan angiter yad saray agagi na tepel na linawa tan biskeg na pananisia.

Saray Gawgawa 20:11

Insan la sinmegep si Pablo, nampisag na tinapay, tan angan. Intuloy to ni so akitongtong ed sikara ya anggad kabwasan, insan la linma.

Saray Gawgawa 20:2

Binibisita to ray baley diman tan pinabiskeg toy linawa da ray mananisia. Linma ya anggad Grecia,

Saray Gawgawa 20:21

Impupulong kod saray Judio tan saray Hintil a nepeg day mampataulid saray kasalanan da, ompawil irad Dios, tan manisia rad Katawan a Jesu-Cristo.

Saray Gawgawa 20:24

Balet ipapasen kon anggapoy kuinta so bilay ko, dapot nasumpal koy kimey ko tan say inter na Katawan a Jesus a gawaen ko, salanti, say pampulong koy Maung a Balitan nipaakar ed baleg a panangaroy Dios.

Saray Gawgawa 20:9

Walay sakey a tobun-balon manngaray Eutico, a manyodyorung ed bintana. Lapud abayag lan mansasalitay Pablo, asabiay pakakaogip si Eutico tan akaogip na malmalet. Apaktak ed dalin manlapud kumatlon grado. Nen alaen da, inatey la.

Saray Gawgawa 28:23

Wala siriy tinandaan dan agew ya ipawil da. Kasabi to man ya agew, amayamay iray dinmadagod panaayaman nen Pablo. Manlapud kabwasan ya anggad labi, impaliwawa tan pinaneknekan tod sikaray nipaakar ed Panariay Dios. Diad panamegley na Ganggan nen Moises tan saray insusulat da ray propita, ginawa toy anggaay nayarian to a panisiaen irad kinen Jesus.

Saray Gawgawa 4:36

Onyay ginawa nen Jose, sakey a Levitan taga Chipre, tan nginaranan na saray apostol na Bernabe (a say labay ton ibaga, “Managpabiskeg na Linawa”).

2 CORINTO 5:20

Kanyan sikamiy ibabaki nen Cristo. Singa say Dios la sirin so mikakasid sikayo diad panamegley mi; pikasi mid sikayo, diad ngaran nen Cristo, ya abuloyan yoy Dios a pagmaliwen to ki lan kakaaro to!

2 CORINTO 6:17

Kanyan ibabagay Katawan, “Nepeg yo ran taynan tan ibatikan. Ag kayo mibabalid marotak ya antokaman, et siak so mangawat ed sikayod satan.

TAGA GALACIA 5:3

Pasakbayan ko lamet so balang sakey a mampasegat a nakaukolan ya onuren toy intiron Ganggan.

TAGA-EFESO 4:17

Diad ngaray Katawan sirin, ibabagak tan ipupurek kod sikayo: ag ki la mambibilay a singa saray Hintil, ya andi-kakanaay kanunotan da

Deuteronomio 32:5

Balet aliwan matoor kayod sikato, aliwa kayon manepeg a totoo to; makasalanan tan managpalikdo kayon bansa.

FILIPOS 2:15

pian nipanengneng yon anak kayoy Dios, malinis tan anggapoy pakabalawan yod saray pilimugan yon totoon maoges tan makasalanan. Nepeg a liwawaan yo ra a singa panliliwaway bitewen ed tawen,

1 TESALONICA 2:11

Kabkabat yo no panoy impangipasen mid sikayo; singa kami ama na balang sakey ed sikayo.

1 Timoteo 4:16

Asikasom so sikan dili tan say ibabangat mo. Ituloy mon gawaen ira ya, ta diad panggawam ilaban moy sikan dili tan saray ondengel ed sika.

1 Pedro 5:12

Sinulat ta kayoy antikey diad tulong nen Silvano, ya ipapasen kon agi a matoor, ta labay kon pabiskegey linawa yo tan paneknekan a sikato yay tuan baleg a panangaroy Dios. Mansiansia kid sayan panangaro to.