Saray Gawgawa 2:2 - Maung A Balita Biblia

² Kabebekta, nadngel day sakey ya ungol a nanlapud tawen. Singa siplug na maksil a dagem, tan pinano toy intiron abung a kawalaan da.

Maung a Balita Biblia

² Kabebekta, nadngel day sakey ya ungol a nanlapud tawen. Singa siplug na maksil a dagem, tan pinano toy intiron abung a kawalaan da.

Saray Gawgawa 2:2 Iomraidhean Croise

1 Saray Arari 19:11

“Paway ka tan manalagey kad arap ko diad toktok na palandey,” inkuan ed sikato na Katawan. Insan dinmalan so Katawan, angibakiy mabiskeg a dagem a nanyegyeg ed saray palandey tan amisagpisag ed saray baton ankabaleg—balet andid man ed dagem so Katawan. Tinmonday siplug to may mabiskeg a dagem, insan walay yegyeg—balet andid man ed yegyeg so Katawan.

Saray Salmo 18:10

Kinmabayod kirubin to, insan tinmikyab; linmogan ed saray payak na dagem.

Kanta nen Solomon 4:16

Bangon ka, Dagem ed Baybay. Dagem ed Abalaten, siplug ka ed tanamanan ko; panom na balingit so dagem. Paonlam pad tanamanan to so inarok ta mangan na saray sankaabigan a bunga.

Isaias 65:24

Anggan ag ni ra asumpal a mampipikasi ed siak, ebatan ko la ray pikakasi ra.

Malakias 3:1

Say Katawan a Makapanyarin-amin onebat, “Paonlaen koy ibabakik a mangiparaan na dalanen ko. Insan say Katawan ya anapen yo et biglan onsabi ed Timplo to. Onsabi so ibabaki a pampilpilalekan yon nanengneng tan ibawag toy sipanan ko.”

Lucas 2:13

Kabebekta, pinmayawar met a kaiba to may anghil so amayamay iran mangatatawen ya anghil a mangigagalang ed Dios:

Juan 3:8

Onsiplug so dagem ed inerman a pasen a labay to, et narengel moy siplug to, balet ag mo amta no iner so panlalapwan tan lalaen to. Ontan met so kipapasey balang sakey a nianak ed Ispiritu.”

Saray Gawgawa 2:3

Insan anengneng day singa ra dilan apoy a binmuyak tan balang sakey ed sikara so dinapoan na sakey a dila.

Saray Gawgawa 2:6

Nen nadngel da may ungol, nantitipon iray amayamay a totoo. Nikelawan ira, ta nadngel dan saray nandoroman salita ra et sasalitaen da ray mananisia.

Saray Gawgawa 4:31

Kasumpal dan nampikasi, ayegyeg may nantitiponan da. Napno ran amin na Ispiritu Santo, tan anggapoy takot dan balut a nampupulong na salitay Dios.

1 Pedro 1:12

Nen ipakabat na saray propita ira yan katwaan a nadngel yo natan, impaamta na Dios ed sikara ya aliwan para kaabigan da so kimey da, no ag ingen para sikayo. Saray managpulong na Maung a Balita imbabaga rad sikayo ra yan katwaan, tan nampupulong iran napnoy pakayariy Ispiritu Santo a nibakin nanlapud tawen. Anggan saray anghil ed tawen nampilalekan da a natalusan ira yan katwaan.