Saray Gawgawa 2:11 - Maung A Balita Biblia

¹¹ Wala ni rad sikatayoy taga Creta tan Arabia. Anggaman ontan, diad saray dilin salita tayo, narerengel ti ran sasalitaen da ray makapakelkelaw a gawgaway Dios!”

Maung a Balita Biblia

¹¹ Wala ni rad sikatayoy taga Creta tan Arabia. Anggaman ontan, diad saray dilin salita tayo, narerengel ti ran sasalitaen da ray makapakelkelaw a gawgaway Dios!

Saray Gawgawa 2:11 Iomraidhean Croise

1 Saray Arari 10:15

likud ed buis na saray nigosianti, tan saray iiter na saray ararid Arabia, tan saray gobirnador na distrito na Israel.

2 Saray Awaran 17:11

Pigaran Filisteo so angyakar ed kinen Josafat na dakel a pilak tan arum iran rigalo. Pigara met ya Arabe so angyakar ed sikato na piton libo tan piton lasus a karniro tan piton libo tan piton lasus a kanding.

2 Saray Awaran 26:7

Tinulongan na Dios ed impanalo tod saray Filisteo, saray Arabe a manaayam ed Gurbaal, tan saray Meunita.

Say Libro nen Job 9:10

Ag tayo natalusan iray gagawaen ton ankakabaleg a bengatla, tan ag nabilang iray milagron gagawaen to.

Saray Salmo 107:15

Nepeg dan pisalamatay Katawan lapud ag mangoman a panangaro to, lapud makapakelaw iran ginagawa ton para sikara.

Saray Salmo 107:21

Nepeg dan pisalamatay Katawan, lapud ag mangoman a panangaro to, lapud makapakelaw iran ginagawa ton para sikara.

Saray Salmo 107:8

Nepeg dan pisalamatan so Katawan, lapud ag mangoman a panangaro to, lapud makapakelaw iran ginagawa ton para sikara!

Saray Salmo 111:4

Ag ipapalingwan na Katawan iray makapakelaw a kimey to; sikatoy mapangasi tan maabagey.

Saray Salmo 136:4

Sikato labat so manggagawad saray ankakabaleg a milagro; andi-anggaan so panangaro to.

Saray Salmo 26:7

Maksil so pangakantak na imnon pisasalamat, tan ibabagak ya amin iray makapakelaw a gawgawam.

Saray Salmo 40:5

Katawan a Dios mi, amayamay iray ginagawam a para sikami; anggapoy miparad sika! Amayamay iray makapakelaw a planom a para sikami. Ag kon balut nibitla ran amin— dakerakel iran tuloy!

Saray Salmo 71:17

Nanlapud impanogaw ko ibabangat mo ak la, tan totongtongen ko ni ray makapakelkelaw a ginagawam.

Saray Salmo 77:11

Nanunotan ko ray ginagawam, Katawan; natandaan koy makapakelaw iran ginagawam nen saman.

Saray Salmo 78:4

Ag mi ra iyamut ed saray anak tayo; ibaga mid ontombuk a kailalakan so nipaakar ed pakayariy Katawan tan saray matalonggaring a kiwas to tan saray makapakelaw a ginagawa to.

Saray Salmo 89:5

Saray katawenan ikakanta ray makapakelaw a gagawaen mo, O Katawan; ikakanta na saray masantom so inkatoor mo.

Saray Salmo 96:3

Ibando yod saray bansa so kagalangan to, tan diad amin a katoowan iray makapakelaw a gawgawa to.

Exodo 15:11

“Katawan, siopad saray diriyos so singa sika? Siopay singa sikan makapakelaw ed inkasanto? Siopay makapanggawa na saray milagro tan saray makapakelaw a gawa a singa saray ginagawam?

Isaias 13:20

Anggapon balut ed satan so malabay a manayam diman. Saray Arabe ag da la labay so mangipaalagey na tulda rad man, tan anggapo lay pumapastol a mampastol na saray karniro tod man.

Isaias 21:13

Sikato yay propisiyan nipaakar ed Arabia. Sikayo ran taga Dedan, a nanoolup a mankakampod kalawakan ed Arabia,

Isaias 25:1

Katawan, sika so Dios ko; Igalang ta ka tan idayew koy ngaran mo. Makapakelaw iray ginagawam a bengatla; matoor mon sinumpal iray plano ya abayag lan ninunot mo.

Isaias 28:29

Amin ira yan kakabatan et nanlapud Katawan a Makapanyarin-amin. Saray plano na Dios et napno ra na kakabatan, tan aligwas lawas so pansumpalan da.

Jeremias 3:2

Tangwa kad toktok na kapokdulan tan nengneng ka; wala tad may pasen ya ag mo angipasenay sikan dili a singa marotak a bii? Diad gilig na dalan nanaalagar ka na saray manangaro; singa ka sakey ya Arabe a mantatalaran ed kalawakan na saray pairapen to. Dinotakan moy bansa lapud pikakaloguran mo.

Saray Gawgawa 2:10

taga Frigia tan Pamfilia, taga Egipto tan saray pasen ed Libia a nasasakopay Cirene, taga Roma ray arum ed sikatayo: saray Judio tan saray Hintil a naayat ed Judaismo.

Saray Gawgawa 2:12

Nikelawan ira tan ag da atalusay nagagawa, kanyan nantetepetan ira, “Anto kasiy labay to yan ibaga?”

Saray Gawgawa 27:12

Lapud makapoy man a pasen a tondaan no panaoy ambetel, labay na karaklan ed sikara so ontuloy la ran anggad Fenix, no nayari. Sakey yan puirtod Creta ya akaarap ed abalaten a sagur tan baybay a sagur, tan nayarian dad may mamalabas na ambetel a panaon.

Saray Gawgawa 27:13

Makalkalnay siplug na dagem a manlalapud abalaten, kanyan inisip dan nayari la ran onsiput. Ginoyur day pataga na barko tan nambiahi rad asingger ed gilig na Creta.

Saray Gawgawa 27:7

Matantan so pambiabiahi min pigapigay agew tan nairapan kamin sinmabi ed petek na Gnido. Ag kami makatuloy lapud onsusubay dagem, kanyan dinmalan kamid nasasaniban a diking na Creta, diad petek na Salmon,

1 CORINTO 12:10

Say Ispiritu met so mangiiter ed sakey a too na pakayarin manggaway milagro; diad sananey a too, say langkap a mampulong na salitay Dios; tan diad sananey nin too, say pakayarin napambiigan to ray langkap a manlalapud Ispiritu tan saray manlalapud maoges ya ispiritu. Diad sakey a too iiter toy pakapansalitay nandoroman salita, tan diad sananey a too say pakapangipatalus ed sarayan nandoroman salita.

1 CORINTO 12:28

Impasen na Dios ed iglisia, onona, saray apostol; onkumadwa, saray propita; onkumatlo, saray bumabangat. Insan impasen to ray managgawa na milagro, saray walay pakayarin mamaabig na mansasakit, saray mananulong, saray inkargado na kimey, tan saray managsalitay nandoroman salita.

TAGA GALACIA 1:17

Ag ko anggan linmad Jerusalem a ninengneng iray inmonan apostol nen siak, no ag ta linma ak a tampol ed Arabia, insan pinmawil ak ed Damasco.

TAGA GALACIA 4:25

Iyaaliling nen Agar so Palandey na Sinai ed Arabia, tan sikatoy mangilalaman ed peles a siudad natan na Jerusalem a nagmaliw ya aripen tan saray totoon manaayam diman.

Tito 1:12

Taga Creta tan sakey ed saray propita ra met lamlamang so angikuan, “Saray taga Creta et matitila, maoges iran ayep, mangingiras, tan buakag ira.”

Tito 1:5

Intilak ta kad Creta a mangoksuy ed saray bengatlan nepeg nin oksuyen, tan mamili na saray mamatakken na iglisia ed balang baley. Tandaan moy bilin ko:

Saray Hebreo 2:4

Pinaneknekan met ya na Dios diad panamegley na saray tanda, saray pakelaw, saray nandoroman milagro, tan diad panamegley na saray langkap na Ispiritu Santo a sikaray iniiter to onung ed linawa to.