Saray Gawgawa 19:22 - Maung A Balita Biblia

²² Pinaona to rad Macedonia di Timoteo tan Erasto, duarad saray katulong to, tan tinmondan agano ed Asia.

Maung a Balita Biblia

²² Pinaona to rad Macedonia di Timoteo tan Erasto, duarad saray katulong to, tan tinmondan agano ed Asia.

Saray Gawgawa 19:22 Iomraidhean Croise

Saray Gawgawa 13:5

Nen sinmabi ran Salamina, impupulong day salitay Dios ed saray sinagoga na Judio. Kaiba ran katulongan da si Juan a tatawagen met na Marcos.

Saray Gawgawa 16:1

Linma met si Pablo ed Derbe tan Listra. Walad may sakey a disipulon manngaray Timoteo; mananisian Judio so ina to, tan Grigo so ama to.

Saray Gawgawa 16:3

Labay nen Pablo a kaibay Timoteo, kanyan sinegat to, lapud kabat na amin a Judio ed saman a siudad a Grigo so ama to.

Saray Gawgawa 18:5

Nen sinmabi ra di Silas tan Timoteo a nanlapu rad Macedonia, anggapo lay ginawa nen Pablo no ag say mampulong tan mamaneknek ed saray Judio a si Jesus et Cristo.

Saray Gawgawa 19:10

Duay taon yan ginawa to, kanyan amin a manaayam ed Asia, Judio o Grigo man ira, nadngel day salitay Katawan.

Saray Gawgawa 19:21

Kasumpal ya agawa ra yan amin, ninunot nen Pablo ya onlan onla ed Jerusalem kasumpal ton ondalan ed Macedonia tan Acaya. “Kayari na iyakar kod Jerusalem,” inkuanto, “nakaukolan met ya onla ak ed Roma.”

Saray Gawgawa 19:29

Kinmayat yan golo ed intiron siudad. Siningkat da ra di Gayo tan Aristarco, taga ra Macedonian kakaiba nen Pablo diad panliliber-liber to, insan da ra inggagayugoy ed plasa.

Saray Gawgawa 20:1

Nen tinmonda la may golo, tinawag la nen Pablo ray disipulo, tan pinabiskeg toy linawa ra. Insan nampatanir ya onlad Macedonia.

Saray Gawgawa 20:34

Kabat yo met ya impankimey ko ra yan limak, pian makalmo ak na onkana ed siak tan saray kakaibak.

Saray Taga Roma 16:23

Ibabano ki met nen Gayo a pipupundoan ko tan diad abung toy pantitiponay intiron iglisia. Ontan met, ibabano kinen Erasto a tisoriroy siudad tan si agi tayon Cuarto.

2 CORINTO 1:16

Ta implanok lay onsamar ditan no onla ak ed Macedonia, insan onsamar ak lamet ditan no ompawil ak, pian natulongan yo ak met ed pambiahik ya onlad Judea.

2 CORINTO 11:9

Nen wadtan ak tan kinmulang ak na kuarta, ag ta ki sinigensigen, ta amin a nakaukolan ko et inawit ed siak na saray agagin sinmabi a nanlapud Macedonia. Singa nen saman la, tan anggan kapigan, ag ko labay so pasakbat ed sikayo.

2 CORINTO 2:13

Balet mapaga ak, ta ag ko naalmod may agi tayon Tito. Kanyan nampatanir ak la, tan tinmuloy ak ed Macedonia.

2 CORINTO 8:1

Labay min ipaamtad sikayo, agagi, no panoy impankimey na baleg a panangaroy Dios ed saray iglisiad Macedonia.

2 CORINTO 8:19

Aliwan satan labat, sikatoy pinili met tan tinoro na saray iglisia a kaiba min mambiahi legan min manlilingkur lapud aro. Sayan panaglingkur et pakagalangay Katawan, tan pakanengnengay panlabay min ontulong.

1 TESALONICA 1:8

Ta diad panamegley yo aliwa labat a salitay Katawan so kinmayat ed Macedonia tan Acaya, no ag ingen pati say balitan nipaakar ed pananisia yod Dios so kinmayat ed amin a pasen. Ag la nakaukolan a mansalita kami niy nipaakar ed saya.

2 Timoteo 4:20

Atilak ed Corinto si Erasto, balet tinaynan koy Trofimo ed Mileto, ta mansasakit.