Saray Gawgawa 19:19 - Maung A Balita Biblia

¹⁹ Impantitipon met na saray salamangkiro so liblibro ra tan pinopoolan da ra a sankanengneng na amin a totoo. Nen kuintaen da no kaonungay bili na amin da ra may libro, sakey a limamplon libo a pilak.

Maung a Balita Biblia

¹⁹ Impantitipon met na saray salamangkiro so liblibro ra tan pinopoolan da ra a sankanengneng na amin a totoo. Nen kuintaen da no kaonungay bili na amin da ra may libro, sakey a limamplon libo a pilak.

Saray Gawgawa 19:19 Iomraidhean Croise

Genesis 35:4

Inter da sirin ed kinen Jacob iray amin a walad sikaran diriyos na arum a bansa, pati saray ikaw ya akabitin ed saray layag da. Inkotkot to ra yan amin ed silong na kiew a robli ya asingger ed Sikem.

1 Saray Awaran 10:13

Inatey si Saul lapud aliwan matoor ed Katawan. Ag to inonur iray ganggan na Katawan; sinali toy kinmerew na pangiwanwan ed saray ispiritu na inaatey

2 Saray Awaran 33:6

Insaklang ton bagat a popoolan ed Patar na Hinom iray lalakin anak to. Nambubuyon tan nansasalamangka; nampapanon ed saray managpalar tan saray manangipanon ed saray ispiritu na inaatey. Mapalaloy impankasalanan tod Katawan, kanyan impanpasnuk to.

Exodo 32:20

Inala to may bakan ginawa ra, tinonaw to, tinemek ton singa pulbo, inlauk tod danum, insan to impainom ed saray Israelita.

Exodo 7:11

Insan impaawit na ari iray makabat a totoo to tan saray managsalamangka to, tan diad dunong dan mansalamangka ginawa ra so singa agawad baston nen Aaron.

Exodo 7:22

Insan saray managsalamangka na ari inalig da so ginawa nen Aaron lapud dunong dan mansalamangka. Kanyan anawet nin siansia so puso na ari. Onung na imbaga la na Katawan, say ari ag to ra dinengel di Moises tan Aaron.

Isaias 30:22

Alaen yo ray talintao yo a naokupan na pilak tan saray naokupan na balituk, insan yo ra ibantak a singa dotak, tan iyeyag yo, “Ag mi kayo la labay a nanengneng!”

Isaias 8:19

Ibagad sika na saray totoo a mangipanon kad saray meremere tan mitimiti a pumaparles tan saray managpanon ed saray ispiritu na inaatey. Ikuanda, “Say katwaan to, saray totoo nepeg iran mangipanon ed saray ispiritu, tan ipanonan da ray mabilay ed saray inaatey.”

Daniel 2:2

Impaawit to sirin iray managpalar, saray salamangkiro, saray managparles, tan saray managanito, ta ipaliwawa rad sikato imay kogip to. Kasabi ra nanalagey irad arap na ari,

Levitico 13:52

Say pari poolan to, lapud onkayat yan pikas a nepeg a deralen diad panamegley na apoy.

Lucas 14:33

Ontan met sirin, anggapoy nayarid sikayon magmaliw a disipulok no ag to ikaindan iray amin a kayaryan tod sayan bilay.”

Lucas 15:8

“No say sakey a biin walay samploran pilak a kuarta et abalang toy sakey, antoy gawaen to? Manelsel na lamparaan, panisan toy abung, tan anapen ton maung ya anggad ag to pakalmo.

Saray Gawgawa 13:6

Niliber day intiron isla ya anggad Pafos. Nabet dad may sakey a Judion salamangkiro ya ipapasen toy laman ton dili a propita, tan Bar-Jesus so ngaran to.

Saray Gawgawa 13:8

Balet sikaray sinumlang na sakey a salamangkiron Elimas so ngaran to (sikato yay ngaran tod salitay Grigo), ta labay ton iyarawid pananisia may gobirnador.

Saray Gawgawa 19:18

Amayamay ed saray mananisia so dinmadago, binibirbir tan impapatwa rad karaklan so ginagawa ra.

Saray Hebreo 10:34

Kinakasian yo ray apriso, tan inako yon sililiket so impangaala da ray kagawaan yo, ta amta yon magmaung ni tan mansiansian anggad angga so kayamanan ya atilak ed sikayo.