Saray Gawgawa 18:6 - Maung A Balita Biblia

⁶ Nen ginapoan dan sumlangen tan paogesen, impagpag toy dabuk a walad kawes to tan inkuanto, “No ag kayo nilaban, sikayo lay natetel, aliwan siak! Manlapud natan, saray Hintil so laen ko a pulongan.”

Maung a Balita Biblia

⁶ Nen ginapoan tan sumlangen tan paogesen, impagpag toy dabuk a walad kawes to tan inkuanto, No ag kayo nilaban, sikayo lay natetel, aliwan siak! Manlapud natan, saray Hintil so laen ko a pulongan.

Saray Gawgawa 18:6 Iomraidhean Croise

2 Samuel 1:16

Insan inkuanen David ed samay Amalecita, “Sikan diliy amasabid laman mo na sayan agawad sika. Sinintinsiaan moy dusa so sikan dili diad impangibagam a pinatey moy lakin pinili na Katawan a manari.”

1 Saray Arari 2:33

Andi-anggaan so pakadusa nen Joab tan saray kabyangay boleg to, lapud sarayan impamatey tod saray totoon anggapoy kasalanan. Balet paaligwasen lawas na Katawan so siopaman ed saray kabyangay boleg nen David ya onyorung ed trono to.”

Nehemias 5:13

Inekal koy abel ya akabariber ed awak ko insan ko impayagpayag. “Onya met so pangipayag na Dios ed siopaman ed sikayo ya ag manoor ed sipan to,” inkuankod sikara. “Paandipaten na Dios iray kaabungan yo tan amin a kayaryan yo; anggapoy bengatlan ikera tod sikayo.” Inkuan na balang sakey a wadman, “Amen!”, insan da indayew so Katawan. Tinoor na saray pangulo so sipan da.

Ezekiel 18:13

tan ipapaabang toy kuarta to. Mambilay kasi? Andi, ag mambilay. Ompatey, lapud ginagawa to ray makapaingungot a bengatla. Sikaton dili so natetel ed ipatey to.

Ezekiel 33:4

Siopamay toon makadngel ed samay pasakbay, balet et ag to ingalngalep tan onsabiy kalaban a mamatey ed sikato, sikaton dili so natetel ed ipatey to.

Ezekiel 33:6

No nanengneng na managbantay ya ondadago ray kalaban, et ag to paknulen so trumpita, onsabi ed satan iray kalaban tan pateyen da ray makasalanan, balet samay managbantay so natetel tan singilen kod sayan impatey da.

Levitico 20:9

Say Katawan inter to ray onggendan a totontonen. Siopamay mangisamba na ama to odino ina to et nepeg a pateyen; sikaton dili so makasengeg na ipatey to.

Mateo 10:14

No walad sikaray ag mangawat o ag ondengel ed sikayo, taynan kayod saman ya abung o baley tan pokpok yoy dabuk ed sali yo.

Mateo 21:41

Inmebat ira, “Andi-saew a papatey to ra man a totoon maoges, insan to ipaabang imay kaubasan tod saray arum a mangiter na apag to no nasabiy panagborbor.”

Mateo 21:43

“Kanyan kuankod sikayo: naekal ed sikayoy Panariay Dios tan niiter ed saray totoon mamapaway na manepeg iran bunga.”

Mateo 22:10

Linma sirin iray aripen ed saray dalan tan inimbitaan da ray amin a totoon nalmo ra, maoges man o maung ira. Diad karakel na totoo, napnoy pasen a pamponsiaan.

Mateo 27:25

Inmebat iray totoo, “Sikami tan saray anak mi so onebat ed ipatey to!”

Mateo 8:11

Tandaan yo ya! Amayamay iray manlapud bokig tan sagur a mirongod kindi Abraham, Isaac, tan Jacob ed Panariay tawen.

Lucas 22:65

Amayamay ni so imbabaga ran pamabaing ed sikato.”

Lucas 9:5

No ag kayo awatey totoo ed sakey a baley, taynan kid man tan pokpok yoy dabuk ed saray sali yo, a tanda na maoges a ginawa ra.”

Saray Gawgawa 13:51

Saramay duara impagpag day dabuk ed sali ra a pantasin sumlang ed saray totood saman a pasen, insan ira linmad Iconio.

Saray Gawgawa 26:11

Amimpiga-pigan pinapairap ko ra ed amin a sinagoga, tan pinapasoot ko ran mansalitay pangibeneg dad pananisia ra. Diad ontan lan petang na olok ed sikara, lilinma ak ya anggad saray siudad ed arum a bansa a mamairap ed sikara.”

Saray Gawgawa 26:20

Nampupulong ak ya onona diad Damasco, insan diad Jerusalem tan diad intiron dalin na Judea, ontan met a diad saray Hintil. Impupulong kon nepeg day mampataulid saray kasalanan da tan ompawil irad Dios, tan ipanengneng day pampatauli ra diad panamegley na saray gawa.

Saray Gawgawa 28:28

Inkuanen Pablo ed kaonuran, “Nepeg yon amtaen a nipulong lad saray Hintil yan balita a nipaakar ed pangilabay Dios. Ondengel ira!”

Saray Taga Roma 3:29

Ag kasi say Dios et Dios met na saray Hintil, aliwan saray Judio labat? On, sikatoy Dios na amin,

1 Timoteo 5:22

Ag ka maganat a mangitapew na limam a pangiter mod siopaman na pakayarin mangipangulod kimey ed iglisia. Ag ka mibibiang ed kasalanay arum. Mansiansia kan ag namansaay kasalanan.

2 Timoteo 2:25

maoyamon mametek ed saray onsumlang ed sikato, ta ag la pigan saraya et itdan iray Dios na pankanawnawan mampataulid kasalanan da tan naamtaan day katwaan.

1 Pedro 4:14

Manliket kayo no napabaingan kayo lapud itotombuk yod Cristo, ta mapatnag ed satan a say mapagalang tan makapanyarin Ispiritu na Dios et manaayam ed sikayo.

1 Pedro 4:4

Mankelaw ira la sirin natan no akin et ag kayo la mimiolup ed alablabas tan anggapoy adyan panagbilay da, kanyan pagpaogesen da kayo.