Saray Gawgawa 18:12 - Maung A Balita Biblia

¹² Nen si Galion so gobirnador na Acaya, nankakasakeyan da ray Judio ya inerel si Pablo tan inyakar dad korti.

Maung a Balita Biblia

¹² Nen si Galion so gobirnador na Acaya, nankakasakeyan da ray Judio ya inerel si Pablo tan inyakar dad korti.

Saray Gawgawa 18:12 Iomraidhean Croise

Mateo 27:19

Aliwan satan labat. Nen wadman ya akayorung si Pilato ed panagsintinsiaan, impaibaga na asawa to, “Ag ka mibabalid satan a toon anggapoy kasalanan, ta diad kugip ko kalabyan nairapan ak a maung lapud sikato.”

Juan 19:13

Kadngel nen Pilato ed sarayan balikas, inyakar toy Jesus ed paway tan inmirung ed yorungay huis ed pasen a tatawagey “Say Intabladon Bato” (diad salitay Hebreo, “Gabata”).

Saray Gawgawa 13:12

Anisia may gobirnador nen naimatonan to yan agawa, tan mankelaw a maung ed bangat a nipaakar ed Katawan.

Saray Gawgawa 13:50

Balet saray Judio sinogsogan dan mamairap ed kindi Pablo tan Bernabe iray matalonan bibii a mangigagalang ed Dios tan saray matalonggaring a lalakid saman a siudad, kanyan pinataynan da rad man.

Saray Gawgawa 13:7

Si Bar-Jesus kaaro na gobirnador ed saman a lugar a si Sergio Paulo, sakey a lakin maotek. Impatawag nen Sergio Paulo si Bernabe tan si Saulo, ta labay ton dengelen so salitay Dios.

Saray Gawgawa 13:8

Balet sikaray sinumlang na sakey a salamangkiron Elimas so ngaran to (sikato yay ngaran tod salitay Grigo), ta labay ton iyarawid pananisia may gobirnador.

Saray Gawgawa 14:19

Wala ray Judion sinmabid man a nanlapud Antiokia tan Iconio. Atanggoyur da ray totoo a pilaan da ra, kanyan tinutupak day Pablo, insan da inggagayugoy ed paway na baley, ta abaloan dan inatey la.

Saray Gawgawa 14:2

Balet saray aliwan mananisian Judio sinosogsogan da ray Hintil tan tinatanggoyur da ran mamosul ed saray agagi.

Saray Gawgawa 17:13

Balet nen nadngelan na saray Judio ed Tesalonica ya impulong met nen Pablo so salitay Dios ed Berea, pinmegdat irad man tan sinosogsogan da ray karaklan a manggolo.

Saray Gawgawa 17:5

Balet mangimon iray Judio, kanyan tinitipon da ray luko-lukon totoo ya akar-akar ed saray kalsada, tan nanggolo rad siudad. Nilooban day abung nen Jason, tan impasoot dan anapen ira di Pablo tan Silas, ta labay da ran iparontal ed saray totoo.

Saray Gawgawa 18:11

Nanayam diman na sakey taon tan kapaldua si Pablo tan nambabangat na salitay Dios.

Saray Gawgawa 18:27

Getma nen Apolos so onlad Acaya, kanyan tinulongan na saray mananisian taga Efeso. Sinulat da ray agagi rad man a maung komuy pangawat dad sikato. Nen sinmabid man, balbaleg so intulong tod saray totoon nagmaliw a mananisia lapud baleg a panangaroy Dios.

Saray Gawgawa 19:21

Kasumpal ya agawa ra yan amin, ninunot nen Pablo ya onlan onla ed Jerusalem kasumpal ton ondalan ed Macedonia tan Acaya. “Kayari na iyakar kod Jerusalem,” inkuanto, “nakaukolan met ya onla ak ed Roma.”

Saray Gawgawa 25:10

Inmebat si Pablo, “Wadya ak ed arap na korti na Impirador. Dia ak nepeg a bistaen. Anggapoy ginawak a kasalanan ed saray Judio tan kabkabat mo ya.

Saray Taga Roma 15:26

Ta mabolbolus a nampapakna ray iglisiad Macedonia tan Acaya a mangiter iray tulong ed saray mairap-bilay a totooy Dios a wala rad Jerusalem.

Saray Taga Roma 16:5

Ibanoan yo ak met ed saray kabyangay iglisian mantitipon ed abung da ra yan sanasawa. Ibanoan yo ak pa met ed pinablik ya Epeneto, a sikatoy inmona-onan anisiad Cristo dimad luyag na Asia.

1 CORINTO 16:15

Agagi, kabat yoy Estefanas tan say pamilya to; sikaray inmonan nagmaliw a Cristiano dimad Acaya, tan insaklang day bilay da a manlingkur ed saray totoon pinili na Dios. Kerewen ko, agagi,

2 CORINTO 1:1

Sayan sulat nanlapud kinen Pablo ya apostol nen Cristo Jesus lapud linaway Dios, tan nanlapu met ed agi tayon si Timoteo— Diad iglisia na Dios a walad Corinto, tan diad saray amin a totoon pinili na Dios a wala rad sakop na intiron Acaya:

2 CORINTO 11:10

Lapud walad siak so katwaan a nipaakar ed Cristo, ag ko itonda yay pampapasirayew ko, diad inerman a pasen ed Acaya.

2 CORINTO 11:26

Diad mabetbet kon pambiabiahi, dinmadalan ak ed kaatapan diad saray delap, diad saray matatakew, diad saray kaparan Judio, tan diad saray Hintil; dinmadalan ak met diad saray kaatapan ed saray siudad, kalawakan, dayat, tan diad saray tila-tilan kakaaro.

2 CORINTO 9:2

Ta amtak a mabolbolus so linawa yon ontulong, tan ikikinon ta kayod saray taga Macedonia. “Saray agagid Acaya,” kuanko, “akaparaan la ra ya ontulong nen imbeneg a taon ni.” Et lapud seseg yo binmiskeg so linaway karaklan ed sikara.

1 TESALONICA 2:14

Say nagagawad sikayo, agagi, et kapara to may agawad saray iglisiay Dios a walad Judea, diad saray totoon wadman a manmamatalek ed Cristo Jesus. Papairapen kayo ray dilin kabandaan yo, a singa saray taga Judea a pinasegsegang na saray kapara ran Judio.

1 TESALONICA 2:16

Labay da ni ingen a patondaen kami ed pangipupulong mid saray Hintil na Maung a Balitan kilabanan da. Napno da lay bayung na kasalanan, kanyan sinmabin siansiay pasnuk na Dios ed sikara!

Santiago 2:6

Balet nilemlemew yo ray mairap-bilay! Aliwa kasin saray mamayaman so mamapasegsegang ed sikayo tan mangigagayugoy ed sikayod korti?