Saray Gawgawa 17:22 - Maung A Balita Biblia

²² Inmalagey si Pablo ed arap da ray nantitipon ed Areopago tan inkuanto, “Sikayon taga Atenas, nanaimanok a rilihioso kayon maung,

Maung a Balita Biblia

²² Inmalagey si Pablo ed arap da ray nantitipon ed Areopago tan inkuanto, Sikayon taga Atenas, nanaimanok a rilihioso kayon maung,

Saray Gawgawa 17:22 Iomraidhean Croise

Jeremias 50:38

Paandi yo so danum ed dalin to; paekatan iray ilog to. Say Babilonia et kawalaan da ray makapataktakot a talintaoy diriyos a ginagawa ran makulang-kulang iray totoo.

Saray Gawgawa 17:15

Akilan anggad Atenas iray lalakin angibad kinen Pablo, insan ira pinmawil ed Berea. Imbilin nen Pablo ed sikara a patombuken dan tampol ira di Silas tan Timoteo ed sikato.

Saray Gawgawa 17:16

Nen aalagaren nen Pablo si Silas tan si Timoteo ed Atenas, agunigon nen naimano ton napnoy diriyos iman a siudad.

Saray Gawgawa 17:19

Kanyan inala ray Pablo, insan da inyakar ed Areopago, tan inkuanda, “Labay min amtaen no anto tay balon bangat ya ibabawag mo.

Saray Gawgawa 17:34

Wala ray pigaran lalakin akiolup ed sikato tan anisiad Dios, a singa si Dionisio a sakey ed saray kabyangan na Areopago, si Damaris a sakey a bii, tan arum ni ra.

Saray Gawgawa 19:35

Say panguloy baley apadeen ton siansia ray totoo. “Sikayon taga Efeso!” inkuanto. “Siopay toon ag makapikabat a say siudad na Efeso et managasikaso na timploy matalonggaring ya Artemis, tan say masanton baton naplag a nanlapud tawen?

Saray Gawgawa 25:19

Say nansasangsangan da say nipaakar ed rilihion dan dili tan sakey a toon manngaray Jesus. Inatey la yan too, balet si Pablo papaneknekan ton mabilay.