Saray Gawgawa 17:13 - Maung A Balita Biblia

¹³ Balet nen nadngelan na saray Judio ed Tesalonica ya impulong met nen Pablo so salitay Dios ed Berea, pinmegdat irad man tan sinosogsogan da ray karaklan a manggolo.

Maung a Balita Biblia

¹³ Balet nen nadngelan na saray Judio ed Tesalonica ya impulong met nen Pablo so salitay Dios ed Berea, pinmegdat irad man tan sinosogsogan da ray karaklan a manggolo.

Saray Gawgawa 17:13 Iomraidhean Croise

1 Saray Arari 21:25

Anggapoy manoley a singa si Acab a sigput so impanggawa toy kaogsan ed arap na Katawan—si asawa ton Jezebel so nantatanggoyur ed sikato.

Probirbio 15:18

Say toon mapetang na olo igagapo toy sangsangan, balet say toon maanos mangiiter na kareenan.

Probirbio 28:25

Golo labat so igagapo na inkasiblet. Magmaung niy kipapasen mo no manmatalek kad Katawan.

Mateo 23:13

“Pakaskasi ki la, sikayon iskriba tan sikayon Pariseo! Mansimpisimpitan a totoo! Ikakaput yoy puirtay Panarian na tawen pian ag makaloob iray totoo. Anta ag yo la labay so onloob ed Panariay tawen, pibabali yo nin sesebelan iray totoon malabay!

Lucas 12:51

Abaloan yo sirin, linma ak dian mangiter na kareenan ed dalin? Aliwan say kareenan, no ag say pansisian.

Saray Gawgawa 14:2

Balet saray aliwan mananisian Judio sinosogsogan da ray Hintil tan tinatanggoyur da ran mamosul ed saray agagi.

Saray Gawgawa 17:1

Dinmalan ira di Pablo tan Silas ed Amfipolis tan Apolonia, tan sinmabi rad Tesalonica. Walad may sinagoga da ray Judio,

Saray Gawgawa 17:10

Diad labi to man, saray agagi imbaki rad Berea si Pablo tan si Silas. Kasabi ra, linma rad sinagoga da ray Judio.

Saray Gawgawa 17:5

Balet mangimon iray Judio, kanyan tinitipon da ray luko-lukon totoo ya akar-akar ed saray kalsada, tan nanggolo rad siudad. Nilooban day abung nen Jason, tan impasoot dan anapen ira di Pablo tan Silas, ta labay da ran iparontal ed saray totoo.

Saray Gawgawa 20:4

Akilad sikatoy Sopatro a taga Berea ya anak nen Pirro. Ontan met ya akila ra di Aristarco tan Segundo a taga ra Tesalonica, si Gayo a taga Derbe, si Timoteo, di Tikiko tan Trofimo a taga ra Asia.

Saray Gawgawa 21:27

Nen nasusumpal lay pitoy agew, wala ray pigaran Judion taga Asia ya akanengneng ed kinen Pablo diad Timplo. Sinogsogan da ray totoo, insan da inerel si Pablo.

Saray Gawgawa 6:12

Lapud saya, atanggoyur a nampasnuk ed kinen Esteban iray totoo, saray mamatakken na baley, tan saray iskriba. Nila ray Esteban, inerel da, insan da inyarap ed Sanidrin.

2 CORINTO 11:26

Diad mabetbet kon pambiabiahi, dinmadalan ak ed kaatapan diad saray delap, diad saray matatakew, diad saray kaparan Judio, tan diad saray Hintil; dinmadalan ak met diad saray kaatapan ed saray siudad, kalawakan, dayat, tan diad saray tila-tilan kakaaro.