Saray Gawgawa 16:26 - Maung A Balita Biblia

²⁶ Kabebekta walay makmaksil a yegyeg, tan diad kakasil to ginmalaw so pati pundasion na prisowan. Biglan alokasay amin a puirta, tan nakal iray golunggolung da ray priso.

Maung a Balita Biblia

²⁶ Kabebekta walay makmaksil a yagyag, tan diad kakasil to ginmalaw so pati pundasion na prisowan. Biglan alokasay amin a puirta, tan nakal iray golunggolung da ray priso.

Saray Gawgawa 16:26 Iomraidhean Croise

1 Saray Arari 13:28

insan nankabayon linma. Nalmo to may bangkay na propitan abaktar ed dalan, tan manalalagey nid abay to ira may asno tan lion. Ag kinan na lion imay bangkay odino diniwit to may asno.

Saray Salmo 102:20

Nadngel toy tagleey da ray priso, tan imbolus to ray asintinsiaan ya ompatey.

Saray Salmo 146:7

kikilingan tod panagsintinsia to iray napapairap, tan iitdan toy nakan iray narasan. Say Katawan ibobolus to ray priso,

Saray Salmo 68:6

Iitdan toy abung a panayaman so toon maermen, tan paliliketen to ray priso diad pangibolus tod sikara, balet nepeg a manayam ed kalawakan iray totoon mananumpa.

Saray Salmo 79:11

Dengel mo pay panay-ay da ray priso tan lapud baleg a pakayarim ibolus mo pa ray asintinsiaan lan ompatey.

Isaias 42:7

Itdan moy pakanengneng iray bulag, tan ibolus mo ray akayorung ed ambilonget a prisowan.

Isaias 61:1

Say Katawan a Dios pinano to ak na ispiritu to. Pinili to ak tan imbaki to ak A mangibagad saray mairap-bilay na maung a balita. Mamaabig ed saray maermen, Mangibawag na kawayangan ed saray adakep Tan mangibolus ed saray priso.

Mateo 28:2

Biglan yinmegyeg na maksil. Linmeksab a nanlapud tawen so sakey ya anghil, insan to intolin imay insaran bato, tan niyorungan to.

Saray Gawgawa 12:10

Nilabasan day onaan a panagguardiaan tan say kumadwa. Kasabi rad puirtan balatyang a lolooban ed siudad, linmokas a bukor, tan pinmaway ira. Nen manaakar irad sakey a kalyi, biglan tinmaynan imay anghil.

Saray Gawgawa 12:7

Kabebekta walay manalalagey ya anghil, tan walay silew a nanliwawad loob na prisowan. Samay anghil niyegyeg tod takeb si Pedro pian naliing, tan inkuanto, “Bangon ka! Aporam!” Apaktak a tampol ira may golunggolung ya impamalur dad saray lima nen Pedro.

Saray Gawgawa 4:31

Kasumpal dan nampikasi, ayegyeg may nantitiponan da. Napno ran amin na Ispiritu Santo, tan anggapoy takot dan balut a nampupulong na salitay Dios.

Saray Gawgawa 5:19

Balet diad saman a labi, inlokas na sakey ya anghil so puirtay prisowan, pinapaway to ra may apostol tan inkuanto,

Puyan 11:13

Diad saman a bekta, yinmegyeg na maksil. Aderal so kakaplon parti na siudad, tan piton libon totoo so inaatey lapud samay yegyeg. Tinmakot iray totoon atilak a mabilay, tan inggalang day Dios na tawen.

Puyan 6:12

Ninmengneng ak nen inekal na samay Kordiro so kumanem a timbri. Yinmegyeg na makmaksil, dinmeket a singa baliwan so agew, tan binmalangan singa dala so intiron bulan.