Saray Gawgawa 15:20 - Maung A Balita Biblia

²⁰ Sulaten ti ra ingen tan ibaga tayon ag ira mangan na antokaman ya imbagat ed saray diriyos; ag ira manggaway inmoralidad; ag ira mangan na ayep a tinikel, tan say dala.

Maung a Balita Biblia

²⁰ Sulaten ti ra ingen tan ibaga tayon ag ira mangan na antokaman ya imbagat ed saray diriyos; ag ira manggaway inmoralidad; ag ira mangan na ayep a tinikel, tan say dala.

Saray Gawgawa 15:20 Iomraidhean Croise

Genesis 35:2

Kanyan inkuanen Jacob ed pamilya to tan amin a kaiba to, “Ibantak yo ray diriyos na arum a bansa ya awit yo; linisan yoy sikayon dili, insan kayo mampales na malinis.

Genesis 9:4

Say ag nayarin kanen yo et say karni a nandala, ta walad dala so bilay.

Exodo 20:23

Ag yo igagawaay sikayon dili na saray diriyos a pilak odino balituk, insan kaibak iran galangen yo.

Ezekiel 33:25

“Ibagam ed sikara so ibabagak, siak a Katawan a Dios: Mangakan kayoy karnin nandala. Mangigagalang kayod saray talintaoy diriyos. Mampapatey kayo na saray totoo. Panoy pangibabaga yon kayaryan yoy dalin?

Ezekiel 4:14

Balet inmebat ak, “Andi, Katawan a Dios! Ag ko ni dinotakan so siak a dili onung ed Ganggan. Nanlapu lad impanogaw ko ag ak nin balut angan na karniy ayep a basta inatey odino pinatey na ayep ed katakelan. Ag ak nin balut angan na kakanen a marotak onung ed Ganggan.”

Daniel 1:8

Tinibokel nen Daniel ed kanunotan to ya ag to abuloyan a magmaliw a marotak onung ed ganggan diad pangan to na kakanen tan diad iyinom to na alak a manlalapud palasio. Lapud saya kinerew tod kinen Aspenaz ya abuloyan ton ag narotakan onung ed ganggan,

Levitico 18:6

Say Katawan inter to ray onggendan a totontonen. Ag kayo miaakdul ed siopaman ya asingger a kanayon yo. Siak so Katawan.

Levitico 19:26

“Ag kayo mangakan na karnin nandala ni. Ag kayo manggagawa na antokaman a panagbuyon odino panagsalamangka diad pananulong na maoges ya ispiritu.

Levitico 3:17

Anggapoy Israelita a nayarin mangan na taba odino dala; sayan totontonen et nepeg a sumpalen na amin ya Israelita ed anggan kapigan tan iner man a panaayaman da.

Saray Bilang 25:2

Sarayan bibii iniimbitaan da ra yan lalaki a mipista ed pambagat dad dios na Moab. Saray Israelita angaakan ira tan inggagalang da so

Saray Gawgawa 15:29

ag kayo mangakay antokaman ya imbagat ed saray diriyos; ag kayo mangakay dala tan ayayep a tinikel; tan ag kayo manggagaway inmoralidad. Arawian yo ra ya et maung so pansumpalan yo. Mampatanir kami la.”

Saray Gawgawa 21:25

Nipaakar ed saray Hintil a mananisia, insulat mi lad sikaran nampapaknaan mi a nepeg day ag mangan na antokaman ya imbagat ed saray diriyos, nepeg day ag mangan na dala tan say ayep a tinikel, tan ag ira manggaway inmoralidad.”

1 CORINTO 5:11

Say labay kon ibaga, ag yo pipiolupan so toon ipapasen toy sikaton dili a Cristiano, balet manggagaway inmoralidad, maagom, manangigalang ed saray talintaoy diriyos, managpabaing, buanges, odino matakew. Ag kayo anggan mirorongod satan a klasiy too.

1 CORINTO 6:13

Ibaga na arum, “Say kanen para eges, tan say eges para kanen.” Tua tan, balet say Dios deralen to ran dua. Say lamay too aliwan para panggaway inmoralidad, no ag ta para Katawan, tan say Katawan para laman.

1 CORINTO 6:18

Ag kayo manggagaway inmoralidad. Say toon manggaway inmoralidad mankasalanan ed laman ton dili. Say toon manggaway arum nin kasalanan, anggapoy nagawad laman to.

1 CORINTO 6:9

Ag yo ta amtan saray makasalanan et ag da natawir so Panariay Dios? Ag kayo patitilaan! Saray managgaway inmoralidad, saray manangigalang ed saray talintaoy diriyos, saray managkaloguran, saray managliket ed laman na kapara ran laki o kapara ran bii,

1 CORINTO 7:2

Balet lapud ontan lan karakel a nagagawan inmoralidad, nepeg a walay asawa so balang laki tan balang bii.

1 CORINTO 8:1

Onya met so nibagak, nipaakar ed kakanen ya imbagat ed saray talintaoy diriyos. Amta tayon “walay pakaamta tayon amin.” Say pakaamta pagmaliwen ton mapaatagey so too; balet say aro mamabiskeg.

2 CORINTO 12:21

Mapaga ak, ta ompan diad ontombuk ya iyakar kod tan et say Dios ko paabebaen to ak ed arap yo, tan pannangisan kod satay impankasalanan na saray dakel ya ag da ni nagbabawian iray ginagawa ran karotakan, saray ginagawa ran inmoralidad tan pilalawanan.

TAGA GALACIA 5:19

Malinlinew iray gawa na inkatoo: inmoralidad, marotak a kabibilay, mabambanday a kagagawa;

TAGA-EFESO 5:3

Lapud totoo ki lay Dios, ag nepeg ya anggan nabitla labat ed pegley yo so pikakaloguran, kabandayan, o inkaagom.

Deuteronomio 12:16

Balet ag yo nepeg a kanen so dala ra; nepeg yon ikalbo ed dalin a singa say danum.

Deuteronomio 14:21

“Ag yo kakanen so antokaman ya ayep ya inatey a bukor. Nayarin ipakan yod saray sangkailin manaayam ed kawalaan yo, odino ilako yo ed arum iran sangkaili. Balet kayaryan kayo na Katawan a Dios yo; sikayo ray totoo to. “Ag yo ilolotod gatas na ina to so kordiro odino kilaw na kanding.

Deuteronomio 15:23

Balet ag yo kakanen so dala ra; ikalbo yo ingen ed dalin a singa say danum.

COLOSAS 3:5

Kanyan ibantak yo la ray mangaraldalin a pilalek yo, a singa saraya: inmoralidad, kabandayan, maoges a pilalek na laman, maoges a getma, agom (ta say kinaagom et sakey a klasiy panangigalang ed talintaoy dios).

1 TESALONICA 4:3

Say linawa na Dios et say pambilay yon masanto tan say iyarawi yod inmoralidad.

Saray Hebreo 12:16

Manalwar kayo, ta ompan mankasalanan kayoy inmoralidad o murmuraen yo ray bengatlan maispiritu, a singa ginawa nen Esau. Insalat tod sakey a panangan so kanepegan na inkapangulowan to.

Saray Hebreo 13:4

Nepeg a galangen na amin a katoowan so panaasawa, tan nepeg met a matoor ed sakey tan sakey iray sanaasawa. Ta say Dios sintinsiaan to ray manggagaway inmoralidad tan saray mikakaloguran.

1 Pedro 4:3

Duga la may panaon a dinarak yo nen saman diad impanggagawa yoy labalabay a gawaen na saray Hintil; mabambanday a kagagawa, maoges a pilalek na laman, panagbuanges, alablabas a panagliket, panaginom na sankakaaro, tan say makarimdimlan panagdayew ed saray talintaoy diriyos.

Puyan 10:2

Sankabembenan toy melag a babasaen ya akalokas. Intoon tod dayat so kawanan a sali to, tan diad dalin so kawigin sali to.

Puyan 10:8

Insan nadngel ko lamet imay bosis a nansalitan nanlapud tawen. Inkuantod siak, “Laka, ta alam so akalokas a babasaen a sankabembenan to may anghil a manalalagey ed dayat tan dalin.”

Puyan 2:14

Balet wala ray pigaran bengatla ya ag ko labay ed sika: wala ray pigarad sikayon ontotombuk ed bangat nen Balaam ya angibangat ed kinen Balak na pankasalananan na saray Israelita. Lapud saya angan iray kakanen ya imbagat ed saray talintaoy diriyos, tan nankasalanan iray inmoralidad.

Puyan 2:20

Balet niay ag ko labay ed sika: papaolyan moy Jezebel, say biin ibabaga ton sikatoy sakey a propita. Ibabalang to ray aripen ko, ibabangat to ran mankasalanan na inmoralidad tan mangay kakanen a nibagat ed saray talintaoy diriyos.

Puyan 9:20

Saray totoon atilak ed dinmalan iran salot et ag da binenegan iray ginagawa ran dili. Ag da tinondaay mangigalang ed saray dimonyo tan saray talintaoy diriyos a ginagaway lima ra—saray talintaon balituk, pilak, tanso, bato, tan kiew ya ag makanengneng, makadngel, o makaakar.

1 Samuel 14:32

kanyan nanlulumbaan irad saray asamsam dad saray kalaban da, inaala da ray karniro, saray baka, tan saray kilaw, pinapatas da ran tampol diman, tan kinakakan da ran walay dala.

1 Samuel 14:33

Nibagad kinen Saul, “Nengneng mo, mankakasalanan ed Katawan iray totoo diad papangan day karnin walay dala.” “Traidor kayo!” eyag nen Saul. “Mangitolin kayo diad abay ko na baleg a bato.”