Saray Gawgawa 15:18 - Maung A Balita Biblia

¹⁸ Sikato yay imbagay Katawan, ya angipaamta ed saraya nen saman nin panaon.’

Maung a Balita Biblia

¹⁸ Sikato yay imbagay Katawan, ya angipaamta ed saraya nen saman nin panaon.

Saray Gawgawa 15:18 Iomraidhean Croise

Isaias 44:7

Nayarian ta na siopaman a gawaen so singa ginawak? Siopay akapangipasakbay ed amin ya agawa nanlapud gapo ya anggad samput na panaon?

Isaias 45:21

Dago kayo tan iparontal yod korti so dalem yo; mampapanonan komun iray nidalem. Siopay abayag lan angipasakbay ed agawa? Aliwa tan siak, say Katawan, say Dios so mangilalaban ed saray totoo to? Anggapo lay arum a Dios likud ed siak.

Amos 9:12

Kanyan naala na saray totood Israel so akeraan ed dalin na Edom tan amin da ray bansan kayaryan ko ra nen saman,” kuay Katawan a mangyabuloy a nagawa ra ya.

Zacarias 14:7

odino bilonget. Wala lawas so liwawa na agew anggan panaon na labi. Say Katawan labat so makapikabat no kapigay pakagawa to ya.

Saray Bilang 23:19

Say Dios et aliwan singa saray totoo a mantila; Aliwan singa too a mangoman na kanunotan to. No antoy insipan to tooren to; No antoy imbaga to sumpalen to.

Mateo 13:35

Ginawa to ya pian nasumpal so imbagay propita: “Iparalan kod saray alimbawa so pansalitak ed sikara; ibagak ed sikaray bengatlan ag ni naamtaan nanlapud inkapalsay mundo.”

Mateo 25:34

Insan ikuay Ari ed saramay walad nikawanan, ‘Gali dia, sikayo ran binindisionay Amak! Tawir yoy panarian a niparaan a para sikayo, nanlapu lad inkiletneg na mundo.

Saray Gawgawa 17:26

Manlapud saksakey a too, pinalsa toy katoowan ed amin a bansa tan impanayam to ra diad tapew na dalin. Sikaton diliy angigana ed saray panaon tan saray ketegan na panayaman da.

TAGA-EFESO 1:11

Amin a bengatla nagagawa onung ed plano tan linaway Dios; tan pinili kamiy Dios a totoo to diad pikakasakey ed Cristo, onung ed getma tan plano to nanlapu lad gapo.

TAGA-EFESO 1:4

Diad sayan pikakasakey tid Cristo, say Dios pinili to itayo la, kasakbayan ya apalsay mundo, pian magmaliw itayon masanto tan anggapoy pakabalawan ed arap to. Lapud panangaroy Dios,

TAGA-EFESO 3:9

tan mangipalinew ed amin a katoowan na nipaakar ed pangikanay maamut a plano na Dios. Saya et abaybayag lan inyamut na Dios a Manamalsay amin a bengatla,

2 TESALONICA 2:13

Nepeg miy misalamat lawas ed Dios lapud sikayon agagin inararoy Katawan. Misalsalamat kami, ta sikayoy inmonan piniliy Dios ya itdan toy kilalaban, diad panamegley na panamasanto na Ispiritu, tan diad panamegley na pananisia yod katwaan.

1 Pedro 1:20

Pinili la na Dios kasakbayan na inkapalsay mundo, tan sikatoy pinmanengneng ed sayan kaonuran iran panaon makasengeg ed sikayo.

Puyan 13:8

Mangigalang ed sikatoy amin a mambibilay ed tapew na dalin, a salanti saray totoon ag nisulat so ngaran da, kasakbayay inkapalsa na mundo, ed libro na bilay a kayaryay Kordiro a pinatey.

Puyan 17:8

Samay ayep ya anengneng mo et mabilay nen saman, balet inatey la natan. Asingger lan ompaway a manlapud ag natokur ya abut, tan onlad kaderalan to. Saray totoon mambibilay ed tapew na dalin a say kangaranan da et ag nisulat ed libro na bilay, nanlapu lad inkapalsay mundo, et onkelaw ira no nanengneng da may ayep a mabilay nen saman, inatey la natan, balet ompanengneng lamet.