Saray Gawgawa 14:17 - Maung A Balita Biblia

¹⁷ Balet ag tinmondan mangiter na pakabirbiran yod sikato, diad panamegley na kamaungan a gagawaen to. Iitdan to kayoy oran a manlalapud tawen tan maung a panagani ed niganan panaon to. Iitdan to kayoy nakan, tan papanoen toy liket iray puso yo.”

Maung a Balita Biblia

¹⁷ Balet ag tinmondan mangiter na pakabirbiran yod sikato, diad panamegley na kamaungan a gagawaen to. Iitdan to kayoy oran a manlalapud tawen tan maung a panagani ed niganan panaon to. Iitdan to kayoy nakan, tan papanoen toy likey iray puso yo.

Saray Gawgawa 14:17 Iomraidhean Croise

1 Saray Arari 18:1

Kayariy pigaran agew, nen mikatloy taon lan anggapoy oran, inkuan na Katawan ed kinen Elias, “Laka, ta iparontal moy sikan dili ed kinen Ari Acab, insan ko la paoranen.”

Nehemias 9:25

Dinakep na saray totoom iray siudad ya aliber na padir, saray mabunan dalin, saray abung a napnoy kayamanan, saray bobun a walay danum, saray kaolibaan, saray kakiewan a mambunga, tan saray kaubasan. Inaakan day amin a labay da, kanyan tinmataba ra; nanliket irad amin a kaabigan ya inter mod sikara.

Say Libro nen Job 36:31

Onyay panamakan na Dios ed saray totoo tan say panangiter to na daakan a tagano.

Say Libro nen Job 37:6

Igaganggan ton ompelag ed tapew na dalin iray kristal, tan say maksil ya oran.

Say Libro nen Job 5:10

Ipepelag tod dalin so oran a manalog ed kaalogan.

Saray Salmo 145:9

Sikatoy maung ed amin a too tan mapangasi ed amin a pinalsa to.

Saray Salmo 4:7

Balet say liket ya inter mod siak et baleg ni nen say liket da anggaman a daakan so pilak tan alak da.

Saray Salmo 52:1

O toon makapanyari, akin et ilalastug moy kaogsan mo? Anggad angga so inkatoor na Dios.

Isaias 22:13

Balet naneelek tan nanliliket kayo la laingen. Nampapatey kayo na saray karniro tan saray baka a kinakakan yo, tan naniinom kayo na alak. Inkuanyo, “Maung la laingen no mangan tan maninom tayo, ta nabwas ompatey itayo.”

Isaias 40:21

Ag yo amta? Ag ni asalitad sikayo nen saman? Ag yo ni nadngelan no panoy inggapo na mundo?

Isaias 5:6

Paolyan kon natuboan na saray dika. Ag ko potut-potutay sanga to odino bukalkalen so dalin, no ag ingen paolyan kon kobutan na ambabaing tan arum nin masabit a dika. Iganggan ko ni ingen iray lorem ya ag da terteran na oran.”

Jeremias 14:22

Anggapod saray diriyos na saray bansa so makapaoran; anggan say tawen ag to makapangipelag na mayamaya. Sikay paniilaloan mi, Katawan a Dios mi, ta sikay manggagawa na sarayan bengatla.”

Jeremias 5:24

Ag yon balut ninunot a pagalangan ak, anggaman a siak so mangiiter na oran ed tiagew tan say oran ed nepnep tan siak so mangiiter a tinaon na panaon na panagani.

Ezekiel 34:26

“Bindisionan ko ra tan abuloyan ko ran manayam ed kaliber-liber na masanton pokdul ko. Bindisionan ko rad man na saray ompelag ya oran no nakaukolan da.

Joel 2:23

“Manliket kayo, sikayon totood Sion, manliket kayod saray ginagawad sikayo na Katawan a Dios yo. Initdan to kayo na nagnap ya oran ed tiagew, impelag toy oran a para sikayo no panaoy ambetel tan pinaoran ton singa gendat no nepnep.

Levitico 26:4

mangipelag ak na oran no manepeg a panaon, pian makapangiter na bunga so dalin tan makapambunga ray kakiewan.

Mateo 5:45

pian nibilang kayon tuan anak na Ama yon walad tawen. Ta say agew to ipapasinag tod saray maoges tan diad saray maung a totoo, tan mangiiter na oran ed saray manggagaway kaogsan tan diad saray manggagaway kaabigan.

Lucas 6:35

Aliwan ontan! Aro yo ray kalaban yo, tan manggawa kayoy kamaungan ed sikara. Mamabayes kayo ya ag yo ilaloan lan ompawil. No sikato yay tombuken yo, balbaleg so naawat yon tumang tan nibilang kayon anak na Sankatageyan a Dios. Ta maung so Dios ed saray maoges tan saray ag da amtay mamirbir na utang na linawa.

Saray Gawgawa 14:18

Anggan wala ra yan balikas da ray apostol ngalngalin ag da apatonda ray totoon mangiter na bagat ed sikara.

Saray Gawgawa 17:26

Manlapud saksakey a too, pinalsa toy katoowan ed amin a bansa tan impanayam to ra diad tapew na dalin. Sikaton diliy angigana ed saray panaon tan saray ketegan na panayaman da.

Deuteronomio 11:14

No onuren yo, ipelag toy oran ed dalin yo no panaon na pankaukolan, pian walay trigo, alak, tan larak a para sikayo,

Deuteronomio 28:12

Lokasan toy tawen a mayaman a panagsinupan to tan ipelag toy oran no manepeg a panaon tan bindisionan toy amin a kimey yo, pian makapabayes kayod amayamay a bansa, balet ag la nakaukolan a miutang kayo ed anggan dinan a bansa.

1 Timoteo 6:17

Bilin mo ray mamayaman ed sayan mundo ya ag ira mapasirayew, tan ag ira manmatalek ed ag mansiansian kayamanan, no ag ingen manmatalek irad Dios a mangiiter a mabonbonluk ed sikatayo na amin a bengatlan panliketan tayo.