Saray Gawgawa 14:15 - Maung A Balita Biblia

¹⁵ “Sikayon totoo, akin et gagawaen yo ya? Totoo kami met a kapara yo! Impupulong mid sikayoy Maung a Balita, pian nalingwanan yo la ra yan andi-kakanaan a bengatla tan ondago ki lad mabilay a Dios ya amalsay tawen, dalin, tan dayat, tan amin a logan da ra ya.

Maung a Balita Biblia

¹⁵ Sikayon totoo, akin et gagawaen yo ya? Totoo kami met a kapara yo! Impupulong mid sikayoy Maung a Balita, pian nalingwanan yo la ra yan andi-kakanaan a bengatla tan ondago ki lad mabilay a Dios ya amalsay tawen, dalin, tan dayat, tan amin a logan da ra ya.

Saray Gawgawa 14:15 Iomraidhean Croise

Genesis 1:1

Diad gapoy gapo nen pinalsa na Dios iray katawenan tan say dalin,

Genesis 41:16

Inmebat si Jose, “Ag ko nayarian, Kagalang kon Ari; balet say Dios so makapangiter na dugan talus na kogip.”

1 Saray Arari 16:13

Apampasnuk nen Baasa tan say lakin anak ton si Ela so Katawan a Dios na Israel, lapug impangigalang dad saray talintaoy diriyos tan lapud impangilagyat dan nankasalanan iray Israelita.

1 Saray Arari 16:26

Singa si Jeroboam, apampasnuk toy Katawan a Dios na Israel, lapud saray kasalanan to tan lapud nilagyat ton nankasalanan tan angigalang ed saray talintaoy diriyos iray totoo.

2 Saray Arari 19:16

Imanom pa, Katawan, so nagagawad sikami. Dengel mo pan amin iray salitan pamapabaing nen Senakerib ed sikan Dios a mabilay.

2 Saray Arari 19:4

Imbaki na impirador na Asiria so manonan opisyal to ya amabaing ed mabilay a Dios. Nadngel komun na Katawan a Dios mo ira man a panamabaing tan dusaen to may nansalita. Kanyan ipikasim pad Dios iray nakdaan a totoo tayo.”

Saray Salmo 115:15

Bindisionan kayo komuy Katawan, ya amalsay tawen tan dalin!

Saray Salmo 124:8

Say tulong ed sikatayo et manlalapud Katawan, ya amalsay tawen tan dalin.

Saray Salmo 31:6

Kabosul mo ray mangigagalang ed saray tila-tilan diriyos; balet manmamatalek ak ed sika.

Saray Salmo 33:6

Pinalsa na Katawan iray katawenan diad panamegley na ganggan to; pinalsa toy agew, bulan, tan saray bitewen diad panamegley na salita to.

Exodo 20:11

Diad loob na anemiran agew siak a Katawan et pinalsak so tawen tan dalin, saray dayat tan amin a logan da, balet diad kumapiton agew nampainawa ak. Sikato yay makasengeg a siak a Katawan et binindisionan koy Agew na Panagpainawa tan ginawak a masanto.

Isaias 45:18

Say Katawan pinalsa toy katawenan— sikato so Dios! Tinibokel tan ginawa toy mundo— ginawa ton malet tan mansiansia lawas. Ag to ginawan anggapoy kabaliksan to, no ag ingen ginawa ton pasen a panayaman na saray totoo. Sikato so angikuan, “Siak so Katawan, tan anggapo lay arum.

Isaias 45:20

Say Katawan kuanto, “Mantitipon kayo, sikayon totood saray bansa, amin yon nilaban nen atalo so impirio; mamparontal kayod panalaysay ed sikayo! Saray totoon mampaparadan awit da ray talintao ra tan mampipikasi rad saray diriyos ya ag makapangilaban ed sikara— totoo ran anggapon balut so amta!

Isaias 46:7

Sasakbaten tan aawiten da; ililira rad sakey a pasen, tan manalagey diman, ag makaalis ed kawalaan to. No walay mampikasi ed sikato ag makaebat odino makapangilaban ed gunigon to.

Jeremias 10:8

Andi-kalakal tan makulang-kulang ira yan amin a totoo. Antoy naaral da ed saray kiew a talintaoy diriyos?

Jeremias 14:22

Anggapod saray diriyos na saray bansa so makapaoran; anggan say tawen ag to makapangipelag na mayamaya. Sikay paniilaloan mi, Katawan a Dios mi, ta sikay manggagawa na sarayan bengatla.”

Jeremias 32:17

“Katawan a Dios, lapud baleg a pakayarim tan biskeg mo, ginawam so tawen tan dalin; mainomay mon gawaey antokaman a bengatla.

Jeremias 51:15

Say Katawan ginawa toy mundo diad panamegley na pakayari to; diad panamegley na kakabatan to pinalsa toy dalin, tan impanat toy katawenan.

Jeremias 8:19

Dengel kayo! Diad intiron bansa narerengel koy pambabando na saray totook, “Anggapo lad Sion so Katawan? Andi lad man so ari na Sion?” Inmebat so Katawan ya ari ra, “Akin et impanpasnuk yo ak diad impangigalang yod saray talintaoy diriyos yo tan diad indakmomo yod saray kayaryan yon andi-kakanaan a diriyos na arum a bansa?”

Daniel 6:26

Igaganggan ko ed intiron impiriok a nepeg a takotan tan galangen na amin a too so Dios nen Daniel. “Sikatoy mabilay a Dios, tan sikatoy manoley ed ando lan ando. Ag balut naderal so panarian to, tan ag balut mangangga so pakayari to.

Amos 2:4

Say Katawan kuanto, “Nankakasalanan iray totood Juda, kanyan andi-saew a dusaen ko ra. Impolisay da ray bangat ko tan ag da inonur iray ganggan ko. Imbalang ira na saray tila-tilan diriyos a nanlilingkuran na saray lalaki ra.

Jonas 2:8

Inkaindan day inkatoor dad sika iray mangigagalang ed saray andikakanaan a talintaoy diriyos.

Zacarias 12:1

Sikato yay salita na Katawan nipaakar ed Israel, say Katawan ya angipanat na katawenan, say amalsad mundo, tan sikatoy angiter na bilay ed too. Kuanto,

Mateo 16:16

Inmebat si Simon Pedro, “Sika so Cristo ya Anak na Dios a mabilay.”

Juan 5:26

Ta onung a walay pakayari na Ama a mangiter na bilay, ontan met ya initdan toy Anak na pakayarin mangiter na bilay.

Juan 7:18

Say toon manlapud sikaton diliy bangat to, say kitanduro toy aanapen to. Say mananap balet na pakagalangay angibakid sikato, matwa tan matonung.

Saray Gawgawa 10:26

Balet pinaalagey nen Pedro. “Alagey ka,” inkuanto, “ta too ak met labat a kaparam.”

Saray Gawgawa 13:32

Wadya kami natan a mangipulong ed sikayoy Maung a Balita: say insipay Dios ed saray lalaki tayo

Saray Gawgawa 14:21

Impupulong di Pablo tan Bernabe so Maung a Balita ed Derbe tan amayamay so atanggoyur dan mandisipulo. Pinmawil irad Listra, Iconio, tan diad Antiokia na Pisidia.

Saray Gawgawa 14:7

Diman da impupulong so Maung a Balita.

Saray Gawgawa 16:30

Impaway to ra tan tinepet to, “Antoy nepeg kon gawaen, pian nilaban ak?”

Saray Gawgawa 27:10

Inkuanto, “Kakaaro, nanenengneng kon diad sayan biahi tayo, nadarak iray karga, naderal yay barko, tan naandi ni ray bilay na totoo.”

Saray Gawgawa 27:21

Lapud abayag lan ag ira angan, inmalagey si Pablo ed pegley da tan nansalita, “Kakaaro, no dinengel yo ak komun tan ag ti la inmalis ed Creta, ag la agawad sikatayo yan darak tan deral.

Saray Gawgawa 27:25

Kanyan, kakaaro, pabiskeg yoy linawa yo! Ta sisiaen koy Dios a gawaen toy amin a nibagad siak.

Saray Gawgawa 4:24

Kadngel dad saya, nankakasakey iran nampikasid Dios: “Katawan, sikay amalsay tawen, dalin, dayat, tan amin a logan da!

Saray Gawgawa 7:26

Nen ontombuk ya agew, anengneng toy duaran Israelita a manlalaban, tan pankakaaroen to ra. ‘Kakaaro,’ inkuanto, ‘akin et manlalaban kayo anta sanagi kayo?’

1 CORINTO 8:4

Kanyan nipaakar ed pangay kakanen a nibagat ed saray talintaoy diriyos: amta tayon anggapoy kabaliksan na talintaoy dios; kabat tayon saksakey labat so Dios.

TAGA-EFESO 4:17

Diad ngaray Katawan sirin, ibabagak tan ipupurek kod sikayo: ag ki la mambibilay a singa saray Hintil, ya andi-kakanaay kanunotan da

Deuteronomio 32:21

Lapud saray talintaoy diriyos da pinapetang day olok; pinaimon da ak lapud saray ipapasen dan diriyos da, saray aliwan peteg a diriyos. Kanyan ikanak so sakey a paganon bansa a mamapetang na olo ra; paimonen ko ra lapud sakey a bansan makulang-kulang iray totoo to.

Deuteronomio 5:26

Wala tay toon nambilay kayari ton nadngel a nansalitan nanlapud apoy so mabilay a Dios?

1 TESALONICA 1:9

Sikara lan diliy mangibabalita no panoy impangawat yod sikami, tan no panoy impangibeneg yod panaglingkur ed saray talintaoy diriyos, pian makapanlingkur kayod tua tan mabilay a Dios.

1 Timoteo 3:15

pian no bilang ta naabala ak tan ag ko makakar ditan a tampol, amtam no antoy nepeg a gawaey sakey a too ed pikakabyangan tod pamilyay Dios, salanti say iglisia na mabilay a Dios. Sayan iglisia et sikatoy lusek tan pundasion na katwaan.

Saray Hebreo 3:12

Agagik ira, manalwar kayo ya anggapo komud sikayoy maoges so puso to tan naandiay pananisia a mansumpal ed pangibeneg tod Dios a mabilay.

Santiago 5:17

Si Elias et kapara tayon too. Pinasyay impangipikasi ton ag onoran, tan ag inmoran a tua ed loob na taloy taon tan anem bulan.

Josue 3:10

Legan kayon mankukurang, andi-saew a pataynanen to ray Cananeo, saray Heteo, saray Heveteo, saray Perezeo, saray Gergeseo, saray Amorreo, tan saray Jebuseo. Naamtaan yo a say mabilay a Dios et kaolup yo

Puyan 14:7

Inkuantod maksil a bosis, “Takotan yoy Dios, tan itanduro yoy katageyan to! Ta sinmabi lay oras a panintinsia to. Kanyan igalang yoy Dios ya amalsay tawen, dalin, dayat, tan saray sobul na danum!”

Puyan 19:10

Dinmakmomo ak ed saliyan to a mangigalang ed sikato, balet inkuanto, “Aleg! Sakey ak met ya aripen a singa sika tan saray agagim ya amaneknek na katwaan ya impaamta nen Jesus. Say Dios so igalang mo!” Ta say katwaan ya impaamta nen Jesus sikatoy ispiritu na propisiya.

Puyan 19:19

Insan anengneng kon nantitipon imay ayep, saray ararid dalin, tan saray dakerakel a sondalo ra, ta labanan da imay akakabayo tan saray sondalo to.

Puyan 22:9

Balet inkuanto, “Aleg! Sakey ak met ya aripen a singa sika, saray agagim a propita, tan saray manusumpal ed saray salitan wadyad sayan libro. Say Dios so igalang mo!”

Puyan 4:11

“Katawan tan Dios mi! Manepenepeg kan mangawat na galang, dayew, tan pakayari. Ta sikay amalsad amiamin, tan onung ed linawam, niwala ra tan naitdan iray bilay.”

1 Samuel 12:21

Ag kayo manlilingkur ed saray tila-tilan diriyos; ag da kayo natulongan odino nilaban, ta aliwa ran peteg a Dios.

1 Samuel 17:26

Tinepet nen David ed saray totoon asingger ed sikato, “Antoy nagamuran na toon makapatey ed sayan Filisteo tan makapangipaliis ed kababaingan na Israel? Ta siopa ta yan paganon Filisteo et sagyaten ton milaban iray sondalo na mabilay a Dios?”

1 Samuel 17:36

Akapatey ak la na saray lion tan saray uso, tan pateyen ko met iman a Filisteo a manasagyat a milaban iray sondalo na mabilay a Dios.