Saray Gawgawa 13:16 - Maung A Balita Biblia

¹⁶ Kanyan inmalagey si Pablo tan sininyasan ton mandeen iray totoo. Inkuantod satan: “Kaparak iran Israelita tan sikayon mangigagalang ed Dios, dengel kayo!

Maung a Balita Biblia

¹⁶ Kanyan inmalagey si Pablo tan sininyasan ton mandeed iray totoo. Inkuantod satan: Kaparak iran Israelita tan sikayon mangigagalang ed Dios, dengel kayo!

Saray Gawgawa 13:16 Iomraidhean Croise

1 Saray Arari 8:40

pian takotan ka na saray totoom legay panaon na pambilay da ed dalin ya inter mod saray lalaki ra.

Saray Salmo 135:20

Idayew yoy Katawan, sikayon Levita; idayew yo, amin yon mangigagalang ed sikato!

Saray Salmo 67:7

Binindisionan itayoy Dios; igalang komun na katoowan ed amin a pasen.

Saray Salmo 85:9

Peteg a sipaparaay Katawan a mangilaban ed saray mangigagalang ed sikato, et mansiansia ed dalin tayo so manangilaban a kiwawala to.

Mateo 11:15

Dengel kayo sirin, sikayo ran walay layag!

Lucas 1:22

Nen ompaway ag to la makasalita, kanyan naamtaan dan walay pinmayawar ed sikato diad dalem na Timplo. Ag makasalitan balut, kanyan sinisinyasan to labat iray totoo.

Lucas 1:50

ipanengneng toy panangasi to ed amin da ray mangigagalang ed sikato, manlapud sakey a kailalakan ya anggad ontombuk iran kailalakan.

Lucas 23:40

Balet nampasnukan na samay kaiba to ya inkuanto, “Ag mo tatakotay Dios, anta namparay dusam ed sikato?

Saray Gawgawa 10:2

Rilihioso yan too tan walay takot to ed Dios; ontan met na intiron pamilya to. Amayamay lay intutulong tod saray Judio, tan naynay a mampikasid Dios.

Saray Gawgawa 10:35

Pakaliketay Dios so siopaman a walay takot ed sikato tan manggaway inkatonung, anggan antoy bansa to.

Saray Gawgawa 12:17

Balet si Pedro sininyasan to ran mandeen, insan to tinongtong ed sikara no panoy impangipaway na Katawan ed sikato diad prisowan. “Ibalita yo yad kinen Santiago tan saray arum ya agagi,” inkuanto. Inmalis lad satan, tan linmad arum a pasen.

Saray Gawgawa 13:26

“Agagik iran kabyangay boleg nen Abraham tan sikayo ran mangigagalang ed Dios: sikatayoy angiteran na Dios na sayan balita a nipaakar ed kilalaban!

Saray Gawgawa 13:46

Balet lalon tinmepel so linawa di Pablo tan Bernabe a nampulong. Inkuanda, “Nepeg a sikayoy onaan a pangipulongay salitay Dios. Balet lapud ag yo awaten, tan sisintinsiaan yoy sikayon dili ya ag kayo manepeg a makagamur na bilay ya andi-anggaan, taynan mi kayo tan onla kami lad saray Hintil.

Saray Gawgawa 19:33

Abaloan da ray arum a si Alejandro so akankasalanan lapud pinaonla na saray Judio ed arap na totoo. Sininyasan ton mandeen iray totoo, pian makapampaliwawa.

Saray Gawgawa 2:14

Inmalagey si Pedro a kaiba to ray labinsakey ya apostol, tan nansalitay maksil, “Kaparak iran Judio tan amin yon manaayam ed Jerusalem, dengel kayon maung ed ibagak, ta ipatalus ko yay nagagawa.

Saray Gawgawa 2:22

“Sikayo ran Israelita, dengel yo yay ibagak! Si Jesus a taga Nazaret et imbaki na Dios. Pinaneknekan ya na saray milagro, saray pakelaw, tan saray tanda a ginagaway Dios diad panamegley to. Kabat yo ra ya, ta naimatunan yo ra yan amin ya agawgawa.

Saray Gawgawa 21:40

Inabuloyan na samay kapitan, kanyan inmalagey ed balitang, tan sininyasan ton mandeen iray totoo. Nen nandeen ira, nansalitad sikara ed Hebreo:

Saray Gawgawa 22:22

Anggad sayan bekta, onderengel iray totood kinen Pablo; balet kabebekta ginapoan day naneeyag-eyag. Inkuanda, “Papateyen itan a klasiy too! Ag to nepeg so mambilay!”

Saray Gawgawa 3:12

Kanengneng nen Pedro ed saray totoo inkuanto, “Kaparak iran Israelita, akin et pankelawan yo yan agawa? Akin et ontan lay kanenengneng yod sikami? Say abaloan yo lagi, apaakar mi yan too lapud dilin pakapanyari o kasantosan mi.

Puyan 2:11

“Sikayo ran walay layag, dengel yoy ibabagay Ispiritu ed saray iglisia! “Saray manalo ag da natawayay kumadwan patey.

Puyan 2:17

“Sikayo ran walay layag, dengel yoy ibabagay Ispiritu ed saray iglisia! “Saray manalo itdan ko ray akaamut a mana. Itdan ko met so balang sakey ed sikara na ampotin bato a nisulat so sakey a balon ngaran, ya anggapoy makaamta no ag say mangawat labat.

Puyan 2:29

“Sikayo ran walay layag, dengel yoy ibabagay Ispiritu ed saray iglisia!

Puyan 2:7

“Sikayo ran walay layag, dengel yoy ibabagay Ispiritu ed saray iglisia! “Saray manalo itdan ko ray kanepegan a mangan na bungay kiew na bilay ed Paraiso na Dios.