Saray Gawgawa 12:5 - Maung A Balita Biblia

⁵ Kanyan nanayam ed prisowan si Pedro. Legan tod man, saray kabyangay iglisia masimsimoon dan impikasid Dios.

Maung a Balita Biblia

⁵ Kanyan nanayam ed prisowan si Pedro. Legan ton man, saray kabyangay iglisia masimsimoon dan impikasid Dios.

Saray Gawgawa 12:5 Iomraidhean Croise

Mateo 18:19

“Kuanko nid sikayo: no mankasakey diad tapew na dalin so duarad sikayo a mikerew na antokaman, iter na Amak ed tawen so kerewen da.

Lucas 18:1

Tinongtong nen Jesus so sakey ya alimbawan pangibangat tod sikara a nepeg day mampikasi lawas tan ag ira nanaekalay ilalo.

Saray Gawgawa 12:12

Nen atebek toy kipapasen to, linmad abung nen Maria ya ina nen Juan a tatawagen met na Marcos. Amayamay a totooy nantitipon diman a mampikasi.

Saray Gawgawa 12:4

Kapangerel dad kinen Pedro, impriso da tan impabantayan dad apatiran grupoy sondalo a saneepat. Walad kanunotan nen Herodes ya iparontal toy Pedro ed saray totoo diad kayariy pista.

Saray Gawgawa 12:6

Sakey a labi, nanaogip si Pedro ed pegley na duaran guardia. Binalur day duaran golunggolung, tan wala ni ray guardian mambabantay ed puirtay prisowan. Diad ontombuk a kabwasan, sikato lay pangiparontal nen Herodes ed kinen Pedro ed saray ombaley.

1 CORINTO 12:26

No apasakitay sakey a kabyangan, nalikna ran amin. No apagalangay sakey a kabyangan, naliketan iran amin.

2 CORINTO 1:11

diad tulong na impangipikasi yod sikami. Diad ontan dakel iray misalamat ed Dios lapud saray bindision tod sikami, a pinagkaebat na pikakasi da ray dakerakel a totoo.

1 TESALONICA 5:17

Ag yo totondaay mampikasi.

Saray Hebreo 13:3

Nunot yo ray apriso tan midamay kayod sikara, a singa kaiba yo rad prisowan. Nunot yo met iray napapairap, ta nayarin napairap kayo met.

Santiago 5:16

Kanyan mampapatwaan kayo ray kasalanan yo, tan mampipikasiyan kayo, pian onabig kayo. Dakel so nagawaay pikakasi na toon matonung.