Saray Gawgawa 12:24 - Maung A Balita Biblia

²⁴ Ag tinmondan kinmayat so salitay Dios, tan mandakel lan mandakel iray manisia.

Maung a Balita Biblia

²⁴ Ag tinmondan kinmayat so salitay Dios, tan mandakel lan mandakel iray manisia.

Saray Gawgawa 12:24 Iomraidhean Croise

Probirbio 28:28

Kiamut-amut iray totoo no walad pakayari iray maoges a totoo. Balet no naandi la rad pakayari, saray matonung a totoo lamet so manoley.

Isaias 55:10

“Say salitak ed singa yilo tan singa oran ya ompepelag a manlapud tawen a manalog ed dalin. Patutuboen da ray tanaman a mangiiter na bokel ya itanem tan say bunga a kanen.

Daniel 2:24

Kanyan linmay Daniel ed kinen Arioc, say ingganggan na ari a mamatey ed saray sumisimbawa na ari. Inkuantod sikato, “Ag mo ra papateyen. Iyakar mo ak ed ari, ta ibagak ed sikato so kabaliksan na kogip to.”

Daniel 2:44

Diad panaon da ra man a manoley say Dios na tawen mangiletneg na panarian ya ag balut mangangga. Ag balut nadakep yan panarian, no ag ingen sigput ton deralen ya amin ira man ya impirio, insan mansiansia ya anggad angga.

Mateo 16:18

Kanyan kuankod sika: sakey kan baton-dampay, Pedro, tan diad tapew na sayan baton-dampay a pundasion, ipaalagey koy iglisiak ya ag taloen na anggan say pakayari na patey.

Saray Gawgawa 11:21

Walad sikaray pakayari na Katawan, kanyan amayamay so totoon anisia tan pinmawil ed Katawan.

Saray Gawgawa 19:20

Lapud onyan makapakelaw ya agawa, maples so inkayat tan imbiskeg na salitay Katawan.

Saray Gawgawa 5:39

Balet no nanlapud Dios, ag yo ra natalo. Ompan ompaway ni ingen a say Dios so lalabanan yo!” Tinombuk na Sanidrin yan simbawa nen Gamaliel.

Saray Gawgawa 6:7

Kinmayat lan kinmayat so salitay Dios, tan diad Jerusalem dinmakel lan dinmakel iray mananisia. Amayamay iray pati paparin anisia.

COLOSAS 1:6

Say Maung a Balita et onkakayat tan mangiiter na bindision ed sankamundoan, a singa agawad sikayo nen inmonan nadngel tan atalusan yoy katwaan na panangaroy Dios.

2 TESALONICA 3:1

Kaonuran, agagi, ipikasi yo kami pa, pian masiglat ya onkayat so salitay Katawan, tan pagalangan da a singa ginawa yo.