Saray Gawgawa 11:8 - Maung A Balita Biblia

⁸ Inkuanko balet, ‘Ag ko nayarian a gawaen itan, Katawan! Ag ko nin balut angan na antokaman a marotak o ag nepeg a kanen onung ed ganggan.’

Maung a Balita Biblia

⁸ Inkuanko balet, Ag ko nayarian a gawaen itan, Katawan! Ag ko nin balut angan na antokaman a marotak o ag nepeg a kanen onung ed ganggan.

Saray Gawgawa 11:8 Iomraidhean Croise

Oseas 9:3

Ag mansiansian manayam ed dalin na Katawan iray totood Israel, no ag ingen nepeg ya ompawil irad Egipto tan diad Asiria nepeg a mangan iray kakanen a marotak onung ed ganggan.

Levitico 10:10

Nepeg yon pambiigan so bengatlan kayaryan na Dios tan say bengatlan kayaryan na karaklan; nepeg yo met a pambiigan so malinis tan say marotak onung ed ganggan.

Levitico 11:47

Apiger yon pambiigan so malinis tan say marotak onung ed ganggan, saray ayayep a nayarin kanen tan saray ayayep a sebel a kanen.

Marcos 7:2

Naimano ra a pigarad saray disipulo to so mangakan a marotak so lima ra, lapud ag ira nanoras onung ed kaogaliyan na saray Judio.

Saray Gawgawa 11:7

Insan nadngel koy bosis a nankuan, ‘Alagey ka, Pedro; mamatey kay kanen mo!’

Saray Gawgawa 11:9

Nadngel ko lamet ya inkuan na bosis a nanlapud tawen, ‘Ag mo ipapasen a marotak so nilinisay Dios.’

Saray Taga Roma 14:14

Lapud pikakasakey kod Katawan a Jesus, amtak tan sisiaen ko ya anggapoy nakan a gendat lan marotak. Balet no ipasen na sakey a too a walay nakan a marotak tan ag nayarin kanen, ag nayari sirin a kanen to.

1 CORINTO 7:14

Ta say aliwan mananisian laki et magmaliw a makapaliket ed Dios makasengeg ed mananisian asawa to, tan say aliwan mananisian bii et magmaliw a makapaliket ed Dios, makasengeg ed asawa ton mananisia. Ta no aliwan ontan, ag magmaliw a makapaliket ed Dios iray anak da, balet say katwaan to, makapaliket ira.