Saray Gawgawa 11:28 - Maung A Balita Biblia

²⁸ Inmalagey so sakey ed sikaran manngaray Agabo ta, diad pakayariy Ispiritu, impasakbay ton onsabiy baleg a gawat ed intiron mundo. (Tinmua yan propisiya to nen si Claudio so Impirador.)

Maung a Balita Biblia

²⁸ Inmalagey so sakey ed sikaran manggaray Agabo ta, diad pakayariy Ispiritu, impasakbay ton onsabiy baleg a gawat ed intiron mundo. (Tinmua yan propisiya to nen si Claudio so Impirador.)

Saray Gawgawa 11:28 Iomraidhean Croise

Genesis 41:38

tan inkuantod sikara, “Anggapo lay naalmo tayon magmaung a too nen say si Jose, ta walad sikato so ispiritu na Dios.”

Mateo 24:14

Nipulong ed intiron mundo yan Maung a Balita a nipaakar ed Panariay Dios, a pamaneknek ed amin a katoowan. Kasumpal to ya, insan lad satan onsabiy kasamputan.”

Mateo 24:7

Manlalaban iray bansa; ontan da met iray nanarian. Wala ray onsabin eras tan yegyeg ed nandoroman pasen.

Lucas 2:1

Diad saraman ya agew, ingganggan nen Impirador Augusto a mampalista ray amin a totoon nasasakopay Impirio na Roma.

Lucas 3:1

Kumalabinliman taon la na panooley nen Impirador Tiberio. Si Poncio Pilato so gobirnador na Judea, si Herodes so manoley ed Galilea, tan si agi ton Felipe so manoley ed Iturea tan Traconite. Si Lisanias so manoley ed Abilinia.

Saray Gawgawa 18:2

Nabet tod may Aquila, sakey a Judion taga Ponto. Kasabi-sabi to nin nanlapud Italia a kaiba toy Priscila ya asawa to, ta pinataynan nen Impirador Claudio ray amin a Judio ed Roma. Nila nen Pablo ran pinasiar.

Saray Gawgawa 21:10

Kalabas na pigaran agew na impanayam mid man, sinmabin nanlapud Judea so sakey a propitan manngaray Agabo.