Saray Gawgawa 10:5 - Maung A Balita Biblia

⁵ Mangibaki ka natan ed Jope na pigaran totoo a mangawit ed sakey a lakin manngaray Simon a tatawagen met na Pedro.

Maung a Balita Biblia

⁵ Mangibaki ka natan ed Jope na pigaran totoo a mangawit ed sakey a lakin manngaray Simon a tatawagen met na Pedro.

Saray Gawgawa 10:5 Iomraidhean Croise

Marcos 3:16

Nia ray labinduan pinili to: si Simon ya inngaran nen Jesus na Pedro;

Juan 1:42

Insan intagar toy Simon ed kinen Jesus. Ninengneng nen Jesus tan kuanto, “Sikay Simon ya anak nen Juan. Nangaranan ka na Cefas.” (Say ngaran a Cefas, kapara toy ngaran a Pedro.)

Saray Gawgawa 10:18

Tinmawag ira tan tinepet da no dimay pampupundoan nen Simon a tatawagen met na Pedro.

Saray Gawgawa 10:32

Mangibaki kad Jope na mangawit ed sakey a toon manngaray Simon a tatawagen met na Pedro. Mipupundod kinen Simon a managkurtiy katat, a say abung to et walad gilig na dayat.’

Saray Gawgawa 15:7

Kayariy andokey a sangsangan, inmalagey si Pedro tan inkuanto, “Agagik ira, kabat yo a diad simpuk tayo, say Dios pinili to ak nen saman a mampulong ed saray Hintil na Maung a Balita, pian narengel da tan manisia ra.

Saray Gawgawa 16:9

Diad labi, walay pinmayawar ed kinen Pablo. Anengneng toy sakey a lakin taga Macedonia, a manalalagey tan mikakasid sikato, “Gala dia karid Macedonia, ta tulongan mo kami.”

Saray Gawgawa 9:36

Diad Jope wala met so sakey a biin mananisia a manngaray Tabita. (Diad salitay Grigo say ngaran to Dorcas, ya “sakey ya ulsa” so labay ton ibaga.) Anggapo lay arum a gagawaen to no ag say panggawa toy kamaungan tan panulong tod saray mairap-bilay.

Saray Gawgawa 9:38

Asingger so Jope ed Lida, kanyan nen nadngelan na saray disipulod Jope a walad Lida si Pedro, angibaki ray duaran totoo tan papaibaga ra, “Mila ka karin tampol ed sikami.”

Saray Gawgawa 9:42

Kinmayat yan agawa ed intiron Jope, kanyan amayamay so anisiad Katawan.

Saray Gawgawa 9:43

Nambayag dimay Pedro ed Jope, tan akipundod kinen Simon a managkurti na katat.