Saray Gawgawa 10:36 - Maung A Balita Biblia

³⁶ Saray Israelita so angiteray Dios na salita to. Sikaray angiteran toy Maung a Balita, a mangiter a kareenan diad panamegley nen Jesu-Cristo, a sikatoy Katawan na amin a katoowan!

Maung a Balita Biblia

³⁶ Saray Israelita so angiteray Dios na salita to. Sikaray angiteran toy Maung a Balita, a mangiter a kareenan diad panamegley nen Jesu-Cristo, a sikatoy Katawan na amin a katoowan!

Saray Gawgawa 10:36 Iomraidhean Croise

Saray Salmo 45:11

Lapud gangganam, pampirawatan kay ari; sikatoy katawan mo, kanyan nepeg mon onuren.

Saray Salmo 45:6

Say nanarian ya inter na Dios ed sika et mansiansia ya anggad angga. Matonung so panooley mod saray totoom;

Saray Salmo 72:7

Ombolaslas komuy katonungan anggad mambibilay ni so ari, tan manari komuy kareenan, anggad onliliwawa ni so bulan.

Isaias 55:12

“Maliket kayon ontaynan ed Babilonia; mareen kayon nipaway ed siudad. Mankanta ray kapalandeyan tan saray kapokdulan, tan mantipak ed liket iray kakiewan.

Isaias 57:19

Itdan ko ran amin na kareenan, amin da ray walad arawi tan saray walad asingger! Paabigen ko ray totook.

Isaias 7:14

Natan, say Katawan itdan to ka na sakey a tanda: walay sakey a marikit a malokun tan mananak na sakey a laki tan ngaranan to na Emmanuel.

Isaias 9:6

Dadi sikatayo nianak so sakey ya ogaw! Niiter ed sikatayo so sakey ya anak a laki! Sikatoy magmaliw a manoley tayo. Natawag a “Makapakelaw a Mananimbawa,” “Makapanyarin Dios,” “Andi-anggaan ya Ama,” “Prinsipi na Kareenan.”

Oseas 1:7

Balet aroen ko ray totood Juda. Siak a Katawan a Dios da, iyagel ko ra, aliwan diad panamegley na ispada odino pana, odino kabayo tan kumakabayo.”

Mikias 5:2

Say Katawan kuanto, “Betlehem Efrata, sakey ka ed saray ankekelag a baley na Juda, balet sika so panlapwan na sakey a manoley ed Israel, a say sengeg na pamilya to et natonton ed saray inmona-ona ran panaon.”

Malakias 3:1

Say Katawan a Makapanyarin-amin onebat, “Paonlaen koy ibabakik a mangiparaan na dalanen ko. Insan say Katawan ya anapen yo et biglan onsabi ed Timplo to. Onsabi so ibabaki a pampilpilalekan yon nanengneng tan ibawag toy sipanan ko.”

Mateo 10:6

Laka yo ingen ed saray abalang a karnirod bansay Israel.

Mateo 11:27

“Inter na Amak ed siak iray amin a bengatla. Anggapoy mikabat ed Anak likud ed Ama; anggapoy mikabat ed Ama likud ed Anak tan saray labay a pangipakabatan na Anak.

Mateo 28:18

Inmasingger si Jesus tan inkuantod sikara, “Niiter lad siak so amin a pakayari dimad tawen tan diad dalin.

Lucas 1:79

pian nasilewan ton manlapud tawen iray walad bilonget tan anino na patey, tan iwanwan to itayod dalan na kareenan.”

Lucas 24:47

tan diad ngaran to, say pagbabawi tan say kapirdona na saray kasalanan et nepeg a nipulong ed amin a bansa, manlapud Jerusalem.

Saray Gawgawa 10:37

Kabat yoy agawad intiron Judea, a ginmapod Galilea, kasumpal na binyag ya impupulong nen Juan.

Saray Gawgawa 11:19

Nikaykayat iray mananisia lapud pamapairap dad sikara, a ginmapo nen pinatey day Esteban. Wala ray akasabin anggad Fenicia, Chipre, tan Antiokia, tan impupulong day salitay Dios ed saray Judio labat.

Saray Gawgawa 13:32

Wadya kami natan a mangipulong ed sikayoy Maung a Balita: say insipay Dios ed saray lalaki tayo

Saray Gawgawa 13:46

Balet lalon tinmepel so linawa di Pablo tan Bernabe a nampulong. Inkuanda, “Nepeg a sikayoy onaan a pangipulongay salitay Dios. Balet lapud ag yo awaten, tan sisintinsiaan yoy sikayon dili ya ag kayo manepeg a makagamur na bilay ya andi-anggaan, taynan mi kayo tan onla kami lad saray Hintil.

Saray Gawgawa 2:36

“Kanyan nepeg a naamtaan tan ag panduaruwaan na amin a totood Israel a sayan Jesus ya impasak yod krus so ginaway Dios a Katawan tan Cristo!”

Saray Gawgawa 5:31

Intanduroy Dios ed nikawanan to tan ginawa ton Pangulo tan Manangilaban a mangiter ed saray totood Israel na pankanawnawa ran mampatauli tan mangibeneg ed saray kasalanan da, pian napirdona ra.

Saray Taga Roma 14:9

Ta inatey tan inmolid bilay si Cristo, pian magmaliw a Katawan da ray mabilay tan saray inatey.

Saray Taga Roma 5:1

Natan ta apaandi la ray kasalanan tayod arap na Dios lapud pananisia, wala lay kareenan tid Dios diad panamegley nen Jesu-Cristo.

1 CORINTO 15:27

Ta ibabagay Masanton Sulat, “Say Dios pinasuko tod sikato iray amin a bengatla.” Malinew a diad samay salitan “amin a bengatla”, ag ipipila so Dios ya angyay amin a bengatla ed silong na pakayari nen Cristo.

1 CORINTO 15:47

Say inmonan too, nanlapud dalin, ta pinalsad dabuk; say kumadwan too nanlapud tawen.

FILIPOS 2:11

Ibawag met ed satan na amin a katoowan a si Jesu-Cristo so Katawan. Lapud saya, say Dios Ama so nagalang.

COLOSAS 1:20

Nilabay met na Dios ya ompawil so sankamundoan ed sikato diad panamegley na Anak. Diad panamegley na impatey ed krus na Anak na Dios, nanggaway kareenan tan pinapawil tod sikaton dili so amin a bengatlan walad tawen tan walad tapew na dalin.

Saray Hebreo 1:2

Balet diad sarayan kaonuran ya agew, say Dios nansalitad sikatayo diad panamegley na Anak to. Pinalsa na Dios so sankamundoan diad panamegley na Anak, a pinili ton manawir na amin a bengatla.

Saray Hebreo 13:20

Say Dios a panlapway kareenan so amaolid bilay ed Katawan tayon Jesus, a sikatoy Matalonggaring a Pastol da ray karniro, lapud dala ton amaneknek na andi-anggaan a sipanan.

1 Pedro 3:22

a linmad tawen tan manyodyorung ed nikawanay Dios. Manooley diman ed saray anghil, tan saray mangatatawen a pakayari tan pakaoley.

Puyan 1:18

Siak so mabilay! Inatey ak balet, nengneng mo, mabilay ak ya anggad angga. Walad silong na pakayarik so patey tan say Hadis.

Puyan 1:5

tan manlapu met ed Jesu-Cristo, say matoor a tasi, say pangulowan ya Anak ya inmolid bilay, tan sikato so manoley ed saray arari diad tapew na dalin. Inaro itayo nen Jesu-Cristo tan diad panamegley na dala to, imbolus to itayod saray kasalanan tayo.

Puyan 17:14

Labanan da may Kordiro balet taloen to ra, ta sikatoy Katawan da ray kakatawan tan Ari da ray arari. Saray atawag, apili, tan matoor a mananombuk to so kakaiba ton manalo.”

Puyan 19:16

Akasulat ed kawes tan ulpo to so ngaran ya, “Ari da ray arari, tan Katawan da ray kakatawan.”